കമ്പനി അതിന്റെ പുതിയ സെഡാൻ കാറായ ഫോക്സ്വാഗൺ വിർട്ടസ് ജിടി ഡിഎസ്ജി കഴിഞ്ഞ ദിവസം പുറത്തിറക്കി. ഈ കാറിന്റെ ചില വിശേഷങ്ങള്‍ അറിയാം
ജര്‍മ്മൻ വാഹന ബ്രാൻഡായ ഫോക്സ്വാഗൺ അതിന്റെ കാറുകളുടെ മികച്ച ബിൽഡ് ക്വാളിറ്റിക്ക് പേരുകേട്ടതാണ്. ഈ ശ്രേണിയിൽ, കമ്പനി അതിന്റെ പുതിയ സെഡാൻ കാറായ ഫോക്സ്വാഗൺ വിർട്ടസ് ജിടി ഡിഎസ്ജി കഴിഞ്ഞ ദിവസം പുറത്തിറക്കി. ഈ കാറിന്റെ ചില വിശേഷങ്ങള്‍ അറിയാം
എഞ്ചിൻ
1.5 ലിറ്റർ ടർബോ-പെട്രോൾ എഞ്ചിനാണ് ഈ കാറിൽ നൽകിയിരിക്കുന്നത്. 150 എച്ച്‌പി പവറും 250 എൻഎം ടോർക്കും സൃഷ്‍ടിക്കുന്ന 4 സിലിണ്ടർ, ടർബോ-പെട്രോൾ എഞ്ചിനാണ് ഈ കാറിന് കരുത്ത് പകരുന്നത്. 6-സ്പീഡ് മാനുവൽ, 7-സ്പീഡ് ഡ്യുവൽ-ക്ലച്ച് ഓട്ടോമാറ്റിക് ട്രാൻസ്‍മിഷനുമാണ് ഫോക്സ്വാഗൺ വിർട്ടസ് ജിടി ഡിഎസ്‍ജിയില്‍ ഘടിപ്പിച്ചിരിക്കുന്നത്.
undefined
19.4 കിലോമീറ്റർ മൈലേജ്
ഈ കാർ ലിറ്ററിന് 19.4 കിലോമീറ്റർ മൈലേജ് നൽകുമെന്നാണ് കമ്പനി പറയുനത്. ഈ പുതിയ സെഡാൻ കാറിന്റെ ആകെ മൂന്ന് വേരിയന്റുകളാണ് കമ്പനി വാഗ്ദാനം ചെയ്യുന്നത്. ഈ പുതിയ കാറിന്റെ പ്രാരംഭ എക്സ്ഷോറൂം വില 16.19 ലക്ഷം രൂപയാണ്. 18.57 ലക്ഷം രൂപ വിലയുള്ള റേഞ്ച്-ടോപ്പിംഗ് ജിടി പ്ലസ് ഡിസിടി വേരിയന്റുമായി താരതമ്യപ്പെടുത്തുമ്പോൾ, പുതിയ ഫോക്സ്വാഗൺ വിർറ്റസ് ജിടി ഡിഎസ്ജി 2.37 ലക്ഷം രൂപ വിലക്കുറവിലാണ് എത്തുന്നത്.
വിപുലമായ ഫീച്ചറുകൾ
ഫോക്സ്വാഗൺ പുതിയ കാറിൽ വിപുലമായ ഫീച്ചറുകൾ നൽകും. മുഴുവൻ ലെതർ അപ്ഹോൾസ്റ്ററി, മുൻവശത്തെ എയർബാഗുകൾ, കർട്ടൻ എയർബാഗുകൾ എന്നിവ കമ്പനിയുടെ ഈ പുതിയ സെഡാൻ കാറിൽ നൽകിയിട്ടുണ്ട്. ഉയരം ക്രമീകരിക്കാവുന്ന കോ-ഡ്രൈവർ സീറ്റ്, ഓട്ടോ ഡിമ്മിംഗ് റിയർ വ്യൂ മിറർ, ഓട്ടോമാറ്റിക് ഹെഡ്‌ലാമ്പ്, റെയിൻ സെൻസിംഗ് വൈപ്പർ, ഡിജിറ്റൽ ഇൻസ്ട്രുമെന്റ് ക്ലസ്റ്റർ, സൺറൂഫ് തുടങ്ങിയ സവിശേഷതകൾ കാറിന് ലഭിക്കുന്നു. വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ കണക്റ്റിവിറ്റിയുള്ള 10 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, വയർലെസ് ഫോൺ ചാർജിംഗ്, റിയർ എസി വെന്റുകൾ, കീലെസ് എൻട്രി ആൻഡ് ഗോ, ക്രൂയിസ് കൺട്രോൾ, ആംബിയന്റ് ലൈറ്റിംഗ്, പാഡിൽ ഷിഫ്റ്ററുകൾ, റിയർ വ്യൂ ക്യാമറ തുടങ്ങിയ ഫീച്ചറുകളും ഇതിൽ ഉൾപ്പെടുന്നു.
ബ്ലാക്ക്ഡ്-ഔട്ട് അലോയ് വീലുകള്‍
ആകെ ഏഴ് നിറങ്ങളിലാണ് ഈ പുതിയ കാർ വാഗ്ദാനം ചെയ്യുന്നത്. ഗ്രില്ലിലും വിൻഡോ ലൈനിലും കാറിന് ക്രോം ലൈനിംഗ് ലഭിക്കുന്നു. ഇതിന് LED ടേൺ ഇൻഡിക്കേറ്ററുകളും ബ്ലാക്ക്-ഔട്ട് അലോയ് വീലുകളും ലഭിക്കുന്നു.
പ്രത്യേക ഡീപ് ബ്ലാക്ക് പേൾ പെയിന്റ് ഷേഡ് ലഭിക്കും
ഫോക്സ്വാഗൺ വിർറ്റസ് ജിടി ഡിഎസ്‌ജിക്ക് മുമ്പ്, ശക്തമായ കാർ വിർറ്റസിന്റെ പുതിയ ജിടി എഡ്ജ് ലിമിറ്റഡ് ശേഖരവും കമ്പനി അവതരിപ്പിച്ചിരുന്നു. ഒരു പ്രത്യേക 'ഡീപ് ബ്ലാക്ക് പേൾ' പെയിന്റ് ഷേഡിലാണ് ഇത് പുറത്തിറക്കിയിരിക്കുന്നത്. നിലവിൽ ഇത് ഓൺലൈനായി മാത്രമേ ബുക്ക് ചെയ്യാൻ കഴിയൂ, ഓർഡർ-ടു-ഓർഡർ അടിസ്ഥാനത്തിലാണ് ഇത് നിർമ്മിക്കുന്നത്.
പുത്തൻ കാറിന് 2.37 ലക്ഷം വിലക്കുറവ്, അമ്പരപ്പിക്കും നീക്കവുമായി ജര്‍മ്മൻ കമ്പനി!