കൂടാതെ, പുതിയ വേരിയന്റിനൊപ്പം കമ്പനി ഇലക്ട്രിക് സ്‍കൂട്ടർ മോഡൽ ലൈനപ്പ് വിപുലീകരിക്കും. രണ്ട് അപ്‌ഡേറ്റുകളും 2023 ജൂലൈയിൽ അവതരിപ്പിക്കും.
ലൈം ഗ്രീൻ, ഇലക്ട്രിക് ബ്ലൂ എന്നീ രണ്ട് പുതിയ വൈബ്രന്റ് കളർ സ്‍കീമുകളിൽ എസ്1 പുറത്തിറക്കുമെന്ന് ഒല ഇലക്ട്രിക് സ്ഥിരീകരിച്ചു. കൂടാതെ, പുതിയ വേരിയന്റിനൊപ്പം കമ്പനി ഇലക്ട്രിക് സ്‍കൂട്ടർ മോഡൽ ലൈനപ്പ് വിപുലീകരിക്കും. രണ്ട് അപ്‌ഡേറ്റുകളും 2023 ജൂലൈയിൽ അവതരിപ്പിക്കും.
എസ്1 സ്റ്റാൻഡേർഡ്, എസ്1 പ്രോ, എസ്1 എയർ എന്നീ ഇലക്ട്രിക് സ്കൂട്ടറിന്റെ മൂന്ന് വേരിയന്റുകളിലും പുതിയ നിറങ്ങൾ നൽകുമെന്ന് പ്രതീക്ഷിക്കുന്നു. നിലവിൽ, ലിക്വിഡ് സിൽവർ, ജെറ്റ് ബ്ലാക്ക്, ആന്ത്രാസൈറ്റ് ഗ്രേ, മാറ്റ് ബ്ലാക്ക്, കോറൽ ഗ്ലാം, ജെറുവ, പോർസലൈൻ വൈറ്റ്, മിഡ്‌നൈറ്റ് ബ്ലൂ, മാർഷ്മാലോ, നിയോ മിന്റ്, മില്ലേനിയൽ പിങ്ക് എന്നിങ്ങനെ 11 പെയിന്റ് സ്‍കീമുകളിൽ ഇത് ലഭ്യമാണ്.
undefined
അടുത്തിടെ കമ്പനി തങ്ങളുടെ ജിഗാഫാക്‌ടറിയുടെ നിർമ്മാണ പ്രവർത്തനങ്ങൾ ആരംഭിച്ചു. ഇന്ത്യയിലെ ഏറ്റവും വലിയ ഉൽപ്പാദന കേന്ദ്രമായ ഈ പ്ലാന്റ് രാജ്യത്തെ വൈദ്യുത വാഹന ബാറ്ററികളുടെ പ്രാദേശിക ഉൽപ്പാദനം വർധിപ്പിക്കും. തമിഴ്‌നാട്ടിലെ കൃഷ്ണഗിരിയിൽ 115 ഏക്കറിലാണ് ഒലയുടെ പുതിയ ഉൽപ്പാദന കേന്ദ്രം.
അടുത്ത വർഷം ആദ്യം മുതൽ ഫാക്ടറി പ്രവർത്തനക്ഷമമാകുമെന്ന് കമ്പനി സ്ഥിരീകരിച്ചു. ഇതിന് 5GWh (ബാറ്ററി സെല്ലുകളിൽ) ഉൽ‌പാദന ശേഷി ഉണ്ടായിരിക്കും, അതിന്റെ പൂർണ്ണ ശേഷിയിൽ ഇതിന് 100GWh ശേഷി ഉണ്ടായിരിക്കും. ബെംഗളൂരുവിൽ ബാറ്ററി ഇന്നൊവേഷൻ സെന്റർ സ്ഥാപിക്കുന്നതിനായി 500 മില്യൺ ഡോളറിന്റെ (ഏകദേശം 4,000 കോടി രൂപ) നിക്ഷേപം ഓല ഇലക്ട്രിക് കഴിഞ്ഞ വർഷം പ്രഖ്യാപിച്ചിരുന്നു.
വരും മാസങ്ങളിൽ വിൽപ്പന ശൃംഖല 1,000 ടച്ച് പോയിന്റുകളിലേക്ക് വിപുലീകരിക്കാനാണ് ഒല ഇലക്ട്രിക് ലക്ഷ്യമിടുന്നത്. ഒന്നു- രണ്ട് ശതമാനം മുതൽ എട്ട് - പത്ത് ശതമാനം വരെ ഇവി വില്‍പ്പന വർദ്ധിപ്പിക്കുന്നതിനായി, ഇരുചക്രവാഹന നിർമ്മാതാവ് അതിന്റെ അനുഭവ കേന്ദ്രങ്ങൾ ടയർ I, ടയര്‍ II നഗരങ്ങളിൽ സ്ഥാപിക്കും.
കൂടാതെ, പ്രതിമാസ വിൽപ്പന 50,000 യൂണിറ്റ് വരെ കൈവരിക്കാനും കമ്പനി ലക്ഷ്യമിടുന്നു. ഇ-സ്‌കൂട്ടറുകളും പ്രീമിയം ഇ-ബൈക്കുകളും ഉൾപ്പെടെ പുതിയ ഇലക്ട്രിക് ഇരുചക്രവാഹനങ്ങളുടെ ഒരു ശ്രേണി ഒല ആസൂത്രണം ചെയ്തിട്ടുണ്ട്. ഇലക്ട്രിക് ബൈക്ക് നിരയിൽ ക്രൂയിസർ, അഡ്വഞ്ചർ ടൂറർ, സ്പോർട്സ് ബൈക്ക്, റോഡ് ബൈക്ക്, മാസ് മാർക്കറ്റ് ബൈക്ക് എന്നിവയുണ്ടാകും.