ഡീസൽ മൈൽഡ് ഹൈബ്രിഡ് സജ്ജീകരണത്തിൽ 48V ബാറ്ററി, ഒരു ചെറിയ ഇലക്ട്രിക് മോട്ടോർ, 2.8L ടർബോ ഡീസൽ എഞ്ചിൻ എന്നിവ ഉൾപ്പെടുന്നു. നാല് സിലിണ്ടർ, 1GD-FTV സീരീസ് ഓയിൽ ബർണർ AC60F 6-സ്പീഡ് ഓട്ടോമാറ്റിക് ഗിയർബോക്സുമായി ജോടിയാക്കിയിരിക്കുന്നു.
ജനപ്രിയ ഹിലക്സ് പിക്കപ്പ് ട്രക്കിൽ ഡീസൽ മൈൽഡ്-ഹൈബ്രിഡ് പവർട്രെയിൻ അവതരിപ്പിക്കാൻ ജാപ്പനീസ് വാഹന ബ്രാൻഡായ ടൊയോട്ട ഒരുങ്ങുന്നതായി റിപ്പോര്‍ട്ട്. കെനിയയിൽ നടന്ന ലോക റാലി ചാമ്പ്യൻഷിപ്പിന്റെ (ഡബ്ല്യുആർസി) സഫാരി റാലി 2023-ൽ ഈ നൂതന സാങ്കേതികവിദ്യയുടെ കഴിവുകൾ പ്രദർശിപ്പിച്ചുകൊണ്ട് വാഹന നിർമ്മാതാവ് അടുത്തിടെ ഹിലക്സ് എംഎച്ച്ഇവി (മൈൽഡ് ഹൈബ്രിഡ് ഇലക്ട്രിക് വെഹിക്കിൾ) കൺസെപ്റ്റിന്റെ വിജയകരമായ ഡെമോ റൺ നടത്തിയിരുന്നു. ഈ മൈൽഡ്-ഹൈബ്രിഡ് സജ്ജീകരണം അടുത്ത തലമുറ ഫോർച്യൂണറിനും ലഭിക്കും എന്നാണ് പുതിയ റിപ്പോര്‍ട്ടുകള്‍.
ഡീസൽ മൈൽഡ് ഹൈബ്രിഡ് സജ്ജീകരണത്തിൽ 48V ബാറ്ററി, ഒരു ചെറിയ ഇലക്ട്രിക് മോട്ടോർ, 2.8L ടർബോ ഡീസൽ എഞ്ചിൻ എന്നിവ ഉൾപ്പെടുന്നു. നാല് സിലിണ്ടർ, 1GD-FTV സീരീസ് ഓയിൽ ബർണർ AC60F 6-സ്പീഡ് ഓട്ടോമാറ്റിക് ഗിയർബോക്സുമായി ജോടിയാക്കിയിരിക്കുന്നു. ടൊയോട്ടയുടെ പുതിയ മൈൽഡ് ഹൈബ്രിഡ് സാങ്കേതികവിദ്യ 10 ശതമാനം മികച്ച ഇന്ധനക്ഷമത വാഗ്ദാനം ചെയ്യുമെന്ന് അവകാശപ്പെടുന്നു. 2024-ൽ വരാനിരിക്കുന്ന പുതിയ തലമുറ ടൊയോട്ട ഫോർച്യൂണറിലും ഇതേ പവർട്രെയിൻ വാഗ്ദാനം ചെയ്യും. ഡീസൽ മൈൽഡ് ഹൈബ്രിഡ് പവർട്രെയിൻ പുതിയ ഹിലക്സ് എംഎച്ച്‍ഇവിയിൽ നിന്ന് കടമെടുത്തതാണെങ്കിലും, പുതിയ ടാക്കോമയിൽ നിന്ന് പ്രചോദനം ഉൾക്കൊണ്ടാണ് എസ്‌യുവിയുടെ രൂപകൽപ്പന.
undefined
2024 ടൊയോട്ട ഫോർച്യൂണർ ഒരു പുതിയ പ്ലാറ്റ്‌ഫോമിലാണ് രൂപകൽപ്പന ചെയ്‌തിരിക്കുന്നത്. കൂടാതെ അത് അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റം (ADAS) സാങ്കേതികവിദ്യയുമായാണ് വരുന്നതെന്നാണ് റിപ്പോർട്ട്. ഓട്ടോമാറ്റിക് എമർജൻസി ബ്രേക്കിംഗ്, അഡാപ്റ്റീവ് ക്രൂയിസ് കൺട്രോൾ, ഓട്ടോമാറ്റിക് പാർക്കിംഗ് അസിസ്റ്റ്, ലെയിൻ ഡിപ്പാർച്ചർ അസിസ്റ്റ്, ബ്ലൈൻഡ് സ്പോട്ട് ഡിറ്റക്ഷൻ, ഫോർവേഡ് കൂട്ടിയിടി മുന്നറിയിപ്പ് തുടങ്ങിയ ഫീച്ചറുകൾ സ്യൂട്ടിൽ ഉൾപ്പെടും. ജനറേഷൻ മാറുന്നതോടെ ഫോർച്യൂണറിന് കൂടുതൽ ഫീച്ചറുകളും ലഭിക്കും. വാഹന സ്ഥിരത നിയന്ത്രണവും ഹൈഡ്രോളിക് സ്റ്റിയറിംഗ് വീലും ലഭിക്കുമെന്ന് അഭ്യൂഹമുണ്ട്.
മേൽപ്പറഞ്ഞ എല്ലാ അപ്‌ഗ്രേഡുകളും (പ്രതീക്ഷിക്കുന്നത്) തീർച്ചയായും പുതിയ 2024 ടൊയോട്ട ഫോർച്യൂണറിനെ കുറച്ചുകൂടി ചെലവേറിയ ഡീൽ ആക്കും. എസ്‌യുവിയുടെ നിലവിലെ തലമുറ മോഡൽ ലൈനപ്പ് 7 വേരിയന്റുകളിൽ ലഭ്യമാണ്, അവയുടെ വില 32.59 ലക്ഷം മുതൽ 50.34 ലക്ഷം രൂപ വരെയാണ് (എക്സ്-ഷോറൂം). പുതിയ ഫോർച്യൂണറിന് പുറമെ, മാരുതി ഫ്രോങ്ക്സ് അധിഷ്ഠിത കോംപാക്റ്റ് ക്രോസ്ഓവറും കൊറോള ക്രോസ് അടിസ്ഥാനമാക്കിയുള്ള 7 സീറ്റർ എസ്‌യുവിയും സമീപഭാവിയിൽ ടൊയോട്ട അവതരിപ്പിക്കും.
ഇന്‍റീരിയറും സൂപ്പറാ, 'മാരുതി ഇന്നോവ' കലക്കുമെന്ന് വാഹനപ്രേമികള്‍!