ഈ വാഹനങ്ങളിലെ സ്റ്റിയറിംഗ് ടൈ റോഡിന് തകരാറുണ്ടെന്നാണ് മാരുതി പറയുന്നത്. ഈ വാഹനങ്ങളിൽ ഉപയോഗിക്കുന്ന സ്റ്റിയറിംഗ് ടൈ റോഡിന്റെ ഒരു ഭാഗത്ത് തകരാർ ഉണ്ടാകാൻ സാധ്യതയുണ്ടെന്ന് സംശയിക്കുന്നുവെന്നും ഇത് അപൂർവ സന്ദർഭങ്ങളിൽ വാഹനത്തിന്റെ സ്റ്റിയറബിലിറ്റിയെയും ഹാൻഡ്‌ലിംഗിനെയും തകരാറിലാക്കും എന്നും മാരുതി സുസുക്കി പ്രസ്‍താവനയില്‍ പറഞ്ഞു.
രാജ്യത്തെ ഏറ്റവും വലിയ കാർ നിർമ്മാതാക്കളായ മാരുതി സുസുക്കി ഇന്ത്യ, 87,599 യൂണിറ്റ് എസ്-പ്രസോ, ഇക്കോ മോഡലുകൾ തിരിച്ചുവിളിക്കുന്നതായി റിപ്പോര്‍ട്ട്. സ്റ്റിയറിംഗ് വീൽ സജ്ജീകരണത്തിലെ തകരാറിനെ തുടര്‍ന്നാണ് നടപടി. തിരിച്ചുവിളിച്ച യൂണിറ്റുകൾ 2021 ജൂലൈ അഞ്ചിനും 2023 ഫെബ്രുവരി 15 നും ഇടയിൽ നിർമ്മിച്ചവയാണെന്നാണ് കമ്പനി പറയുന്നത്.
ഈ വാഹനങ്ങളിലെ സ്റ്റിയറിംഗ് ടൈ റോഡിന് തകരാറുണ്ടെന്നാണ് മാരുതി പറയുന്നത്. ഈ വാഹനങ്ങളിൽ ഉപയോഗിക്കുന്ന സ്റ്റിയറിംഗ് ടൈ റോഡിന്റെ ഒരു ഭാഗത്ത് തകരാർ ഉണ്ടാകാൻ സാധ്യതയുണ്ടെന്ന് സംശയിക്കുന്നുവെന്നും ഇത് അപൂർവ സന്ദർഭങ്ങളിൽ വാഹനത്തിന്റെ സ്റ്റിയറബിലിറ്റിയെയും ഹാൻഡ്‌ലിംഗിനെയും തകരാറിലാക്കും എന്നും മാരുതി സുസുക്കി പ്രസ്‍താവനയില്‍ പറഞ്ഞു. തകരാറുള്ള മോഡലുകളുടെ ഉടമകൾക്ക് പണം നൽകാതെ പ്രശ്‌നം പരിഹരിക്കുന്നതിന് അടുത്തുള്ള ഡീലർമാരെ ബന്ധപ്പെടാൻ അറിയിക്കുമെന്നും കാർ നിർമ്മാതാവ് ഉറപ്പുനൽകി. തകരാറിലായ വാഹന ഉടമകൾക്ക് കമ്പനിയുടെ അംഗീകൃത ഡീലർ വർക്ക്‌ഷോപ്പുകളിൽ നിന്ന് കേടായ ഭാഗം പരിശോധിച്ച് മാറ്റിസ്ഥാപിക്കുന്നതിനുള്ള ആശയവിനിമയം സൗജന്യമായി ലഭിക്കുമെന്നും മാരുതി സുസുക്കി അറിയിച്ചു.
undefined
സമീപകാലത്ത് മാരുതി സുസുക്കി നടത്തിയ ഏറ്റവും വലിയ തിരിച്ചുവിളികളില്‍ ഒന്നാണിത്. രണ്ട് വർഷം മുമ്പ് മോട്ടോർ ജനറേറ്റർ യൂണിറ്റിന്റെ തകരാർ കാരണം സിയാസ്, വിറ്റാര ബ്രെസ്സ, XL6 പെട്രോൾ വേരിയന്റുകളുൾപ്പെടെ വിവിധ മോഡലുകളുടെ രണ്ട് ലക്ഷത്തോളം യൂണിറ്റുകൾ തിരിച്ചുവിളിക്കാൻ മാരുതി സുസുക്കി നിർബന്ധിതരായിരുന്നു. കഴിഞ്ഞ വർഷം, മാരുതി 1.34 ലക്ഷം യൂണിറ്റ് വാഗൺആർ, ബലേനോ ഹാച്ച്ബാക്കുകൾ ഇന്ധന പമ്പുകളിൽ തകരാറുള്ളതിനാൽ തിരിച്ചുവിളിച്ചിരുന്നു. അതേ വർഷം തന്നെ, തകരാർ സംഭവിച്ച മോട്ടോർ ജനറേറ്റർ യൂണിറ്റിന് 63,493 യൂണിറ്റ് സിയാസ്, എർട്ടിഗ, XL6 പെട്രോൾ സ്മാർട്ട് ഹൈബ്രിഡ് (SHVS) വേരിയന്റുകൾ മാരുതി തിരിച്ചുവിളിച്ചിരുന്നു.
മാരുതി സുസുക്കി എസ്-പ്രെസ്സോ 2019-ൽ ആണ് ലോഞ്ച് ചെയ്‍തത്. ഇത് മാരുതി സുസുക്കിയിൽ നിന്നുള്ള ഒരു ജനപ്രിയ മോഡലാണ്. പലരും, പ്രത്യേകിച്ച് ആദ്യമായി കാർ വാങ്ങുന്നവർ ഇത് പ്രായോഗിക ഓപ്ഷനായി കണക്കാക്കുന്നു. വ്യത്യസ്‌ത വകഭേദങ്ങളെ ആശ്രയിച്ച് എസ്-പ്രെസ്സോയുടെ എക്‌സ്-ഷോറൂം വില 4.25 ലക്ഷം മുതൽ 5.99 ലക്ഷം വരെയാണ്. അള്‍ട്ടോ K10 മോഡലുകളിൽ ഉപയോഗിക്കുന്ന അതേ 1.0 ലിറ്റർ പെട്രോൾ എഞ്ചിനാണ് ഇത് നൽകുന്നത്.
വാണിജ്യപരമായും പാസഞ്ചർ വാഹനമായും വിറ്റഴിക്കപ്പെടുന്ന ഏറ്റവും പ്രശസ്‍തമായ വാനുകളിൽ ഒന്നാണ് മാരുതി ഇക്കോ. 2010-ലാണ് ഇത് ആദ്യമായി അവതരിപ്പിച്ചത്. അതിനുശേഷം, ഇന്ത്യയിൽ 10 ലക്ഷത്തിലധികം പേര്‍ ഈക്കോ ഉടമകളായി. 1.2 ലിറ്റർ അഡ്വാൻസ്ഡ് കെ-സീരീസ് ഡ്യുവൽ ജെറ്റ്, ഡ്യുവൽ വിവിടി എഞ്ചിനാണ് ഇക്കോ മൾട്ടി പർപ്പസ് വാനിന്റെ കരുത്ത്. ഇത് സിഎൻജി വേരിയന്റിലും ലഭ്യമാണ്.