ഹ്യുണ്ടായ് മോട്ടോർ ഇന്ത്യയെ മറികടന്ന് ഇന്ത്യയിലെ രണ്ടാമത്തെ വലിയ കാർ നിർമ്മാതാവെന്ന പദവി സ്വന്തമാക്കാൻ ടാറ്റ മോട്ടോഴ്‌സ് തീരുമാനിച്ചു. ഈ നേട്ടം സ്വന്തമാക്കാൻ കമ്പനി ഇലക്ട്രിക് വാഹനങ്ങൾ (ഇവികൾ) ഉൾപ്പെടെ വിവിധ സെഗ്‌മെന്റുകളില്‍ ഉടനീളം പുതിയ ഉൽപ്പന്ന ലോഞ്ചുകളുടെ ഒരു പരമ്പര ആസൂത്രണം ചെയ്തിട്ടുണ്ട്.
വിൽപ്പനയിൽ ഹ്യുണ്ടായ് മോട്ടോർ ഇന്ത്യയെ മറികടന്ന് ഇന്ത്യയിലെ രണ്ടാമത്തെ വലിയ കാർ നിർമ്മാതാവെന്ന പദവി സ്വന്തമാക്കാൻ ടാറ്റ മോട്ടോഴ്‌സ് തീരുമാനിച്ചു. ഈ നേട്ടം സ്വന്തമാക്കാൻ കമ്പനി ഇലക്ട്രിക് വാഹനങ്ങൾ (ഇവികൾ) ഉൾപ്പെടെ വിവിധ സെഗ്‌മെന്റുകളില്‍ ഉടനീളം പുതിയ ഉൽപ്പന്ന ലോഞ്ചുകളുടെ ഒരു പരമ്പര ആസൂത്രണം ചെയ്തിട്ടുണ്ട്. കൂടാതെ, ടാറ്റ അവരുടെ വിൽപ്പന പ്രകടനം മെച്ചപ്പെടുത്തുന്നതിനായി നിലവിലുള്ള മോഡലുകളുടെ പുതിയ ട്രിമ്മുകളും പ്രത്യേക പതിപ്പുകളും ഫെയ്‌സ്‌ലിഫ്റ്റുകളും അവതരിപ്പിക്കും. അടുത്ത മൂന്നുമുതല്‍ നാല് മാസത്തിനുള്ളിൽ, നെക്‌സോൺ, നെക്‌സോൺ ഇവി, ഹാരിയർ, സഫാരി എന്നീ നാല് ജനപ്രിയ എസ്‌യുവികൾക്കായി ടാറ്റ മിഡ്-ലൈഫ് അപ്‌ഡേറ്റുകൾ പുറത്തിറക്കും. കൂടാതെ, കമ്പനിയുടെ ഏറ്റവും കൂടുതൽ വിൽപ്പനയുള്ള രണ്ടാമത്തെ മോഡലായ പഞ്ച്, സിഎൻജി വേരിയന്റുകളും ഇലക്ട്രിക് പതിപ്പുകളും സ്വീകരിക്കാൻ സജ്ജമാണ്. വരാനിരിക്കുന്ന ടാറ്റ എസ്‌യുവികളുടെ പ്രധാന വിശദാംശങ്ങൾ നമുക്ക് പരിശോധിക്കാം.
ടാറ്റ നെക്‌സോണും ഇവി ഫെയ്‌സ്‌ലിഫ്റ്റുകളും
പുതുക്കിയ നെക്സോണ്‍, നെക്സോണ്‍ ഇവി എന്നിവയിൽ അൽപ്പം മെച്ചപ്പെടുത്തിയ ഡിസൈനുകളും പുതിയ ഫീച്ചറുകളും ഉണ്ട്. സബ് കോംപാക്റ്റ് എസ്‌യുവി പുതിയ 1.2 എൽ ടർബോ പെട്രോൾ എഞ്ചിനും പുതിയ ഡിസിടി ഗിയർബോക്സും വാഗ്ദാനം ചെയ്തേക്കുമെന്ന് റിപ്പോർട്ടുകൾ സൂചിപ്പിക്കുന്നു. ഈ പുതിയ പെട്രോൾ യൂണിറ്റ് 125 ബിഎച്ച്പിയും 225 എൻഎം ടോർക്കും നൽകും. ഇത് മുമ്പത്തേതിനേക്കാൾ കൂടുതൽ ശക്തമാക്കും. നിലവിലുള്ള 1.5ലിറ്റർ ഡീസൽ എൻജിനും ലഭ്യമാകും. രണ്ട് ടാറ്റ എസ്‌യുവികളും ഈ വർഷത്തെ ഓട്ടോ എക്‌സ്‌പോയിൽ പ്രദർശിപ്പിച്ച ടാറ്റ കര്‍വ്വ് ആശയത്തിൽ നിന്ന് പ്രചോദനം ഉൾക്കൊണ്ടിരിക്കും. 2023 ടാറ്റ നെക്സോണ്‍ ഇവി അതിന്റെ നിലവിലുള്ള പവർട്രെയിൻ ഓപ്ഷനുകൾ നിലനിർത്തും.
undefined
"ബുള്ളറ്റ് ഡാാ.."എതിരാളികള്‍ മനസില്‍ കണ്ടത് റോയല്‍ എൻഫീല്‍ഡ് മാനത്ത് കണ്ടു!
ടാറ്റ പഞ്ച് സിഎൻജി
ടാറ്റയുടെ ഡ്യുവൽ സിലിണ്ടർ സിഎൻജി സാങ്കേതികവിദ്യയിൽ സജ്ജീകരിച്ചിരിക്കുന്ന 1.2 ലീറ്റർ, 3 സിലിണ്ടർ നാച്ചുറലി ആസ്പിറേറ്റഡ് പെട്രോൾ എഞ്ചിൻ ഫീച്ചർ ചെയ്യുന്ന ടാറ്റ പഞ്ച് സിഎൻജി അടുത്ത മാസം നിരത്തിലെത്താൻ ഒരുങ്ങുകയാണ്. പഞ്ച് സിഎൻജി പരമാവധി 72 ബിഎച്ച്പി പവറും 102 എൻഎം ടോർക്കും നൽകും. ടെയിൽഗേറ്റിലെ 'i-CNG' ബാഡ്‍ജ് കൂടാതെ, മോഡൽ അതിന്റെ ICE-പവർ കൗണ്ടർപാർട്ടിന് സമാനമായി കാണപ്പെടും. അതേസമയം വാഹനത്തിന്‍റെ അകത്തും പുറത്തും ഇവി-അനുസൃത മാറ്റങ്ങൾക്ക് വിധേയമാകും. ഒറ്റ ചാർജിൽ ഏകദേശം 300 കിലോമീറ്റർ റേഞ്ച് നൽകുമെന്ന് പ്രതീക്ഷിക്കുന്ന ഇലക്ട്രിക് മൈക്രോ എസ്‌യുവിക്ക് ടാറ്റ ടിയാഗോ ഇവിയുമായി പവർട്രെയിൻ പങ്കിടാൻ സാധിക്കും.
ടാറ്റ ഹാരിയർ/സഫാരി ഫെയ്‌സ്‌ലിഫ്റ്റ്
പുതിയ ഹാരിയർ, സഫാരി ഫെയ്‌സ്‌ലിഫ്റ്റുകളുടെ ഔദ്യോഗിക ലോഞ്ച് തീയതികൾ ഇതുവരെ പ്രഖ്യാപിച്ചിട്ടില്ല. എന്നാൽ 2023 ദീപാവലി സീസണിൽ അവ ഒക്ടോബറിൽ എത്തുമെന്ന് പ്രതീക്ഷിക്കുന്നു. ടാറ്റയുടെ പുതിയ 1.5L ടർബോ DI പെട്രോൾ എഞ്ചിൻ, BS6 ഘട്ടം II എമിഷൻ മാനദണ്ഡങ്ങൾ പാലിക്കുന്നതും E20 ഇന്ധന മിശ്രിതത്തിൽ പ്രവർത്തിക്കാൻ കഴിവുള്ളതുമായ ഒരു പ്രധാന ഹൈലൈറ്റ് ആയിരിക്കും. ഭാരം കുറഞ്ഞ അലുമിനിയം നിർമ്മാണവും നൂതന സാങ്കേതികവിദ്യയും ഉപയോഗിച്ച്, എഞ്ചിൻ മികച്ച പ്രകടനവും ഉയർന്ന മൈലേജും വാഗ്ദാനം ചെയ്യുന്നു, ഇത് യഥാക്രമം 170bhp, 280Nm പവറും ടോർക്കും നൽകുന്നു.