ഹോണ്ട മോട്ടോർസൈക്കിൾ ആൻഡ് സ്കൂട്ടർ ഇന്ത്യ (എച്ച്എംഎസ്ഐ) ജനപ്രിയ മോഡലായ യൂണികോണിനെ അടിസ്ഥാനമാക്കിയുള്ള 160 സിസി മോട്ടോർസൈക്കിൾ ഇന്ത്യയിൽ അവതരിപ്പിക്കുമെന്ന് റിപ്പോര്‍ട്ട്.
ജാപ്പനീസ് ഇരുചക്ര വാഹന ബ്രാൻഡായ ഹോണ്ട മോട്ടോർസൈക്കിൾ ആൻഡ് സ്കൂട്ടർ ഇന്ത്യ (എച്ച്എംഎസ്ഐ) ജനപ്രിയ മോഡലായ യൂണികോണിനെ അടിസ്ഥാനമാക്കിയുള്ള 160 സിസി മോട്ടോർസൈക്കിൾ ഇന്ത്യയിൽ അവതരിപ്പിക്കുമെന്ന് റിപ്പോര്‍ട്ട്. ഹോണ്ട എസ്പി 160 യുണിക്കോണിന്റെ അതേ എഞ്ചിനും ഷാസിയും വാഗ്ദാനം ചെയ്യും. എന്നിരുന്നാലും, ഹോണ്ട SP 160 ന്റെ ഡിസൈൻ ഘടകത്തിന് അതിന്റെ ഇളയ സഹോദരൻ ieSP 125 മായി സമാനതയുണ്ടാകും.
ഹോണ്ട എസ്പി 160 വരാനിരിക്കുന്ന ഉത്സവ സീസണിൽ അവതരിപ്പിച്ചേക്കും എന്ന് ഓട്ടോകാർ ഇന്ത്യ റിപ്പോർട്ട് ചെയ്യുന്നു. മോട്ടോർസൈക്കിളിന് SP160 എന്ന് പേരിടുമെന്നും റിപ്പോര്‍ട്ടുകള്‍ പറയുന്നു. എഞ്ചിനിലേക്ക് വരുമ്പോൾ, SP 160 ന് 162.7 സിസി, സിംഗിൾ സിലിണ്ടർ എഞ്ചിൻ (OBD-2 കംപ്ലയിന്റ്) കരുത്ത് പകരും, അത് 7500rpm-ൽ 12.9hp കരുത്തും 5,500rpm-ൽ 14Nm ടോർക്കും നൽകും. മോട്ടോർസൈക്കിളിൽ അഞ്ച് സ്പീഡ് ഗിയർബോക്‌സ് നൽകും.
undefined
ഒളിച്ചിരുന്നാലും കണ്ടെത്താം, 'സ്‍മാര്‍ട്ട് വിദ്യ'കളുമായി പുത്തൻ ഹോണ്ട ഡിയോ!
12 ലിറ്റർ ശേഷിയുള്ള താരതമ്യേന ചെറിയ ഇന്ധന ടാങ്കാണ് SP 160 വാഗ്ദാനം ചെയ്യുന്നത്. എന്നിരുന്നാലും, മോട്ടോർസൈക്കിളിന്റെ ഭാരം 141 കിലോയിൽ രണ്ട് കിലോ കൂടുതലായിരിക്കും. യൂണികോണിന്റെ 18 ഇഞ്ച് വീലുകളിൽ നിന്ന് വ്യത്യസ്തമായി 17 ഇഞ്ച് വീലുകളോടെയാണ് ഹോണ്ട SP160 വാഗ്ദാനം ചെയ്യുന്നത്. ബ്രേക്കിംഗ് ഡിപ്പാർട്ട്‌മെന്റിലേക്ക് വരുമ്പോൾ, SP160 ന് 276 എംഎം ഫ്രണ്ട് ഡിസ്‌ക്കും 220 എംഎം ഡിസ്‌ക്കും അല്ലെങ്കിൽ 130 എംഎം ഡ്രം ബ്രേക്കും ലഭിക്കും. ഇതിനർത്ഥം മോട്ടോർസൈക്കിളിന് ഒന്നിലധികം വകഭേദങ്ങൾ ലഭിക്കുമെന്നാണ്. നിലവിൽ, ഹോണ്ട യൂണികോണിന് 1,09,800 രൂപയാണ് എക്സ്-ഷോറൂം വില . അടുത്ത മാസം SP160 അവതരിപ്പിക്കുമ്പോൾ, അതേ വില തന്നെ ലഭിക്കുമെന്ന് പ്രതീക്ഷിക്കുന്നു.
ഹോണ്ടയില്‍ നിന്നുള്ള മറ്റ് വാര്‍ത്തകളില്‍ പുതിയ തലമുറ ഡിയോ 125 അടുത്തിടെ കമ്പനി പുറത്തിറക്കിയിരുന്നു. സ്‌പോർട്‌സ് ലുക്കും എല്ലാ സ്മാർട്ട് ഫീച്ചറുകളും ഉൾപ്പെടുത്തിയാണ് സ്കൂട്ടർ അവതരിപ്പിച്ചിരിക്കുന്നത്. രണ്ട് വേരിയന്റുകളിലും ഏഴ് കളർ ഓപ്ഷനുകളിലും ഈ സ്കൂട്ടർ ലഭ്യമാണ്. 83,400 രൂപ എക്‌സ്‌ഷോറൂം പ്രാരംഭ വിലയിലാണ് ഈ സ്കൂട്ടർ വിപണിയിൽ എത്തുന്നത്. സ്‌കൂട്ടറിന്റെ സ്മാർട്ട് വേരിയന്റ് 91,300,000 രൂപ എക്‌സ്‌ഷോറൂം വിലയിൽ ലഭ്യമാകും. സ്കൂട്ടർ ബുക്കിംഗും ആരംഭിച്ചു. കമ്പനിയുടെ ഏറ്റവും അടുത്തുള്ള ഡീലർഷിപ്പിലും ഓൺലൈനിലും ഇത് ബുക്ക് ചെയ്യാം. ഇതിന്റെ വിതരണവും ഉടൻ ആരംഭിക്കും.
ഈ പുതിയ സ്‍കൂട്ടറില്‍ ഹോണ്ട സ്മാർട്ട്-കീ നൽകിയിട്ടുണ്ട്. നിലവിൽ ഹോണ്ട ഡിയോ 125ൽ ആകെ രണ്ട് വേരിയന്റുകളാണ് അവതരിപ്പിച്ചിരിക്കുന്നത്. 125 സിസി എഞ്ചിനിൽ അവതരിപ്പിച്ച കമ്പനിയുടെ പോർട്ട്‌ഫോളിയോയിലെ മൂന്നാമത്തെ സ്‌കൂട്ടറാണിത്. നേരത്തെ ആക്ടിവയും ഗ്രാസിയയും കമ്പനി വിപണിയിൽ അവതരിപ്പിച്ചിരുന്നു. അലോയ് വീലുകൾ, ഡിസ്‌ക് ബ്രേക്കുകൾ, ഓൾ-ഡിജിറ്റൽ ഇൻസ്ട്രുമെന്റ് ക്ലസ്റ്റർ തുടങ്ങിയ നൂതന സവിശേഷതകൾ ഹോണ്ട ഡിയോ 125-ന് ലഭിക്കുന്നു. ഈ സ്‌കൂട്ടറിന് സീറ്റിനടിയിൽ 18 ലിറ്റർ സ്‌റ്റോറേജ് സ്‌പേസ് ലഭിക്കുന്നു.