ഹോണ്ടയും സിട്രോണും സെഗ്‌മെന്റിൽ തങ്ങളുടെ മുദ്ര പതിപ്പിക്കാൻ ഒരുങ്ങുകയാണ്. സിംഗിൾ പെട്രോൾ എഞ്ചിൻ ഘടിപ്പിച്ച എലവേറ്റ് അവതരിപ്പിക്കാൻ ഹോണ്ട പദ്ധതിയിടുന്നുണ്ട്. അതേസമയം സിട്രോൺ അവരുടെ സി-ക്യൂബ് പ്രോഗ്രാമിന്റെ ഏറ്റവും പുതിയ കൂട്ടിച്ചേർക്കലായി C3 എയർക്രോസ് അവതരിപ്പിക്കും.
ആധുനികമായ രൂപകൽപ്പന, പ്രീമിയം ഇന്റീരിയർ, ശുദ്ധീകരിച്ച എഞ്ചിനുകൾ എന്നിവയാല്‍ ഇടത്തരം എസ്‌യുവി വിഭാഗത്തിലെ അനിഷേധ്യ സാനിധ്യമായി മാറിയിരിക്കുകയാണ് ഇന്ന് ഹ്യുണ്ടായ് ക്രെറ്റ. വിപണിയിൽ പ്രവേശിച്ചതു മുതൽ ഇന്ത്യയിലെ ഏറ്റവും കൂടുതൽ വിറ്റഴിക്കപ്പെടുന്ന എസ്‌യുവി എന്ന സ്ഥാനം ഈ മോഡല്‍ നിലനിർത്തിയിട്ടുണ്ട്.
മറ്റു കമ്പനികളും ഈ സെഗ്മെന്‍റില്‍ ഒട്ടും മോശക്കാരല്ല. ഇടത്തരം എസ്‌യുവി ഇടം മുതലാക്കാൻ ക്രെറ്റയുടെ എതിരാളികളായ മാരുതിയും ടൊയോട്ടയും യഥാക്രമം ഗ്രാൻഡ് വിറ്റാര, ഹൈറൈഡർ എന്നിവ വികസിപ്പിച്ചു. ഹോണ്ടയും സിട്രോണും സെഗ്‌മെന്റിൽ തങ്ങളുടെ മുദ്ര പതിപ്പിക്കാൻ ഒരുങ്ങുകയാണ്. സിംഗിൾ പെട്രോൾ എഞ്ചിൻ ഘടിപ്പിച്ച എലവേറ്റ് അവതരിപ്പിക്കാൻ ഹോണ്ട പദ്ധതിയിടുന്നുണ്ട്. അതേസമയം സിട്രോൺ അവരുടെ സി-ക്യൂബ് പ്രോഗ്രാമിന്റെ ഏറ്റവും പുതിയ കൂട്ടിച്ചേർക്കലായി C3 എയർക്രോസ് അവതരിപ്പിക്കും. ജനപ്രിയ ഹ്യൂണ്ടായ് ക്രെറ്റയ്ക്ക് എതിരാളിയായി വരാനിരിക്കുന്ന ഈ എസ്‌യുവികളുടെ അവശ്യ വിശദാംശങ്ങൾ പരിശോധിക്കാം.
undefined
ഹോണ്ട എലിവേറ്റ്
പ്രാരംഭ തുകയായ 21,000 രൂപ നൽകി ഹോണ്ട എലിവേറ്റിന്റെ ബുക്കിംഗ് ആരംഭിച്ചുകഴിഞ്ഞു. 2023 സെപ്റ്റംബറിൽ ഇത് വിപണിയിലെത്തും. നാല് വ്യത്യസ്ത വകഭേദങ്ങളിൽ എസ്‌യുവി ലഭ്യമാകും. മികച്ച രണ്ട് വേരിയന്റുകളിൽ സൺറൂഫ് മാത്രമായി സജ്ജീകരിച്ചിരിക്കുന്നു. 121 bhp കരുത്തും 145 Nm ടോര്‍ക്കും ഉത്പാദിപ്പിക്കുന്ന 1.5 ലിറ്റർ നാച്ചുറലി ആസ്പിറേറ്റഡ് പെട്രോൾ എഞ്ചിനാണ് ഹോണ്ട എലിവേറ്റിന് കരുത്തേകുന്നത് . വാങ്ങുന്നവർക്ക് ആറ് സ്പീഡ് മാനുവൽ, ഏഴ് സ്പീഡ് സിവിടി ഓട്ടോമാറ്റിക്ക് എന്നിങ്ങനെ രണ്ട് ഗിയർബോക്‌സ് ഓപ്ഷനുകൾ തിരഞ്ഞെടുക്കാം. മൂന്ന് ഡ്യുവൽ ടോൺ ഷേഡുകൾ ഉൾപ്പെടെ ഏഴ് എക്സ്റ്റീരിയർ കളർ ഓപ്ഷനുകളിലാണ് എസ്‌യുവി വാഗ്ദാനം ചെയ്യുന്നത്. ഉള്ളിൽ 10.25 ഇഞ്ച് ഇൻഫോടെയ്ൻമെന്റ് സിസ്റ്റം, 7 ഇഞ്ച് സെമി ഡിജിറ്റൽ ഇൻസ്ട്രമെന്റ് ക്ലസ്റ്റർ, ഹോണ്ട സെൻസിംഗ് എഡിഎസ് സ്യൂട്ട് എന്നിവയും ഉണ്ട്.
ഒരു നികുതിയിളവും ഇല്ല, അമേരിക്കൻ വാഹനഭീമനോട് വീണ്ടും നിലപാട് വ്യക്തമാക്കി സര്‍ക്കാര്‍
സിട്രോൺ C3 എയർക്രോസ്
സി‌എം‌പി മോഡുലാർ പ്ലാറ്റ്‌ഫോമിലാണ് പുതിയ സിട്രോൺ മിഡ്‌സൈസ് എസ്‌യുവി നിർമ്മിച്ചിരിക്കുന്നത്. കൂടാതെ ചില ഡിസൈൻ ഘടകങ്ങളും പവർട്രെയിനും C3 ഹാച്ച്‌ബാക്കുമായി പങ്കിടുന്നു. ഇത് 5-സീറ്റർ, 7-സീറ്റർ എന്നിങ്ങനെ രണ്ട് സീറ്റിംഗ് കോൺഫിഗറേഷനുകളിൽ ലഭ്യമാകും. മൂന്നാം നിര ഫ്ലാറ്റ് മടക്കിയിരിക്കുമ്പോൾ യഥാക്രമം 444-ലിറ്ററും 511-ലിറ്ററും ബൂട്ട് സ്പേസ് നൽകുന്നു. 110 bhp കരുത്തും 190 Nm ടോര്‍ക്കും ഉത്പാദിപ്പിക്കുന്ന 1.2L ടർബോ പെട്രോൾ എഞ്ചിനാണ് C3 എയർക്രോസിൽ സജ്ജീകരിച്ചിരിക്കുന്നത് . തുടക്കത്തിൽ, ഇത് 6-സ്പീഡ് മാനുവൽ ഗിയർബോക്സുമായി വരും. അതേസമയം ഒരു ഇലക്ട്രിക് പതിപ്പ് പിന്നീട് പുറത്തിറക്കാൻ പദ്ധതിയിട്ടിട്ടുണ്ട്. 10.0 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, ഓൾ-ഡിജിറ്റൽ ഇൻസ്ട്രുമെന്റ് ക്ലസ്റ്റർ, ലെതറെറ്റ് അപ്‌ഹോൾസ്റ്ററി എന്നിവയുൾപ്പെടെ മാന്യമായ ഒരു കൂട്ടം സവിശേഷതകൾ എസ്‌യുവിയിൽ ഉണ്ട്.