അഞ്ച് ഡോറുകളുള്ള മാരുതി ജിംനിയുടെ ഔദ്യോഗിക വരവിന് മുമ്പ് അതിന്റെ പ്രധാന ഹൈലൈറ്റുകൾ നോക്കാം.
2023 ജൂൺ 7- ന് മാരുതി സുസുക്കി ലൈഫ്‌സ്‌റ്റൈൽ ഓഫ്-റോഡ് എസ്‌യുവിയായ ജിംനി പുറത്തിറക്കും. അഞ്ച് വാതിലുകളുള്ള ജിംനിക്കായുള്ള നീണ്ട കാത്തിരിപ്പ് ഇതോടെ അവസാനിക്കാൻ പോകുകയാണ്. രാജ്യത്തെ ഉപഭോക്താക്കള്‍ക്കിടയിൽ ഈ വാഹനം സൃഷ്‍ടിച്ച തരംഗം 30,000 മാർക്ക് കടന്ന അതിന്റെ ബുക്കിംഗ് നമ്പറുകളിൽ നിന്ന് വ്യക്തമാണ്. മാരുതി സുസുക്കിയുടെ ഗുരുഗ്രാം പ്ലാന്‍റ് ആഭ്യന്തര വിപണിയിലും കയറ്റുമതി വിപണിയിലും ജിംനിയുടെ ഉൽപ്പാദന കേന്ദ്രമായിരിക്കും. അഞ്ച് ഡോറുകളുള്ള മാരുതി ജിംനിയുടെ ഔദ്യോഗിക വരവിന് മുമ്പ് അതിന്റെ പ്രധാന ഹൈലൈറ്റുകൾ നോക്കാം.
കിടുക്കൻ ഓഫ്-റോഡിംഗ് കഴിവുകൾ!
ഓഫ്-റോഡിംഗ് കഴിവുകളുടെ കാര്യം വരുമ്പോൾ, 5-ഡോർ മാരുതി ജിംനിക്ക് മികവുറ്റ മോഡലാണ്. ബ്രാൻഡിന്റെ പഴയ K15B, ഫോർ-സിലിണ്ടർ പെട്രോൾ എഞ്ചിൻ ഫീച്ചർ ചെയ്യുന്ന എസ്‌യുവി 105 ബിഎച്ച്‌പിയുടെ പീക്ക് പവറും 134 എൻഎം ടോർക്കും നൽകുന്നു. ഓട്ടോമാറ്റിക് എഞ്ചിൻ സ്റ്റാർട്ട്-സ്റ്റോപ്പ് സവിശേഷതയോടെ മോട്ടോർ ബൂസ്‌റ്റ് ചെയ്‌തിരിക്കുന്നു. 5-സ്പീഡ് മാനുവൽ അല്ലെങ്കിൽ 4-സ്പീഡ് ടോർക്ക് കൺവെർട്ടർ ഓട്ടോമാറ്റിക് ഗിയർബോക്സാണ് ട്രാൻസ്മിഷൻ ചുമതലകൾ നിർവഹിക്കുന്നത്. സുസുക്കിയുടെ ഓല്‍ഗ്രിപ്പ് പ്രോ ഡ്രൈവ്ട്രെയിൻ സിസ്റ്റം നാല് ചക്രങ്ങളിലേക്കും പവർ നൽകുന്നു. യൂണിറ്റ് മൂന്ന് മോഡുകൾ വാഗ്ദാനം ചെയ്യുന്നു - 2WD-ഹൈ, 4WD-ഹൈ, 4WD-ലോ.
undefined
210 എംഎം ഗ്രൗണ്ട് ക്ലിയറൻസ്, അപ്രോച്ച് (36 ഡിഗ്രി)/ഡിപ്പാർച്ചർ (47 ഡിഗ്രി), റാംപ് ബ്രേക്ക്ഓവർ (24) ആംഗിളുകൾ, ഇടുങ്ങിയ ഫ്രണ്ട് ആൻഡ് റിയർ ട്രാക്ക്, 5.7 മീറ്റർ ടേണിംഗ് റേഡിയസ്, ഇലക്ട്രിക് പവർ സ്റ്റിയറിങ് തുടങ്ങിയ ഫീച്ചറുകൾ അതിന്റെ ഓഫ്-റോഡ് കഴിവുകളെ കൂടുതൽ വർധിപ്പിക്കുന്നു. എസ്‌യുവി ലാഡർ ഫ്രെയിം ഷാസിക്ക് അടിവരയിടുന്നു. കൂടാതെ ഇലക്ട്രോണിക് ബ്രേക്കിംഗ് ഡിഫറൻഷ്യൽ (മുന്നിലും പിന്നിലും), ഇലക്ട്രോണിക് സ്റ്റെബിലിറ്റി പ്രോഗ്രാം, ഹിൽ സ്റ്റാർട്ട് അസിസ്റ്റ്, ഹിൽ ഡിസന്റ് കൺട്രോൾ തുടങ്ങിയ സവിശേഷതകളോടെയാണ് വരുന്നത്.
റെട്രോയുടെയും ആധുനിക ലോകത്തിന്റെയും മിശ്രിതം!
പുതിയ അഞ്ച് ഡോർ മാരുതി ജിംനിക്ക് ചില റെട്രോ ബിറ്റുകൾ (അകത്തും പുറത്തും) നിലനിർത്താൻ സാധിച്ചു, അതേസമയം ആധുനിക ഫീച്ചറുകളുടെ സുഖം പ്രദാനം ചെയ്യുന്നു. വയർലെസ് ആപ്പിൾ കാർപ്ലേ, ആൻഡ്രോയിഡ് ഓട്ടോ എന്നിവയുള്ള ഒമ്പത് ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ്, ക്ലൈമറ്റ് കൺട്രോൾ, റിവേഴ്‌സിംഗ് ക്യാമറ, 360 ഡിഗ്രി ക്യാമറ, ക്രൂയിസ് കൺട്രോൾ, കീലെസ് എൻട്രി, ഇലക്ട്രിക്കലി ഫോൾഡബിൾ ഒആർവിഎം, ഹെഡ്‌ലാമ്പ് വാഷറുകളുള്ള എൽഇഡി ഹെഡ്‌ലാമ്പുകൾ തുടങ്ങിയവ എസ്‌യുവിയുടെ ആൽഫ ട്രിമ്മിന്റെ ഫീച്ചർ കിറ്റിൽ ഉൾപ്പെടുന്നു. സുരക്ഷാ വ്യവസ്ഥകൾക്കായി, ഇലക്ട്രോണിക് സ്റ്റെബിലിറ്റി പ്രോഗ്രാം, 6 എയർബാഗുകൾ, ഹിൽ ഹോൾഡ് അസിസ്റ്റ്, ഹിൽ ഡിസന്റ് കൺട്രോൾ, ഇബിഡി ഉള്ള എബിഎസ്, ബ്രേക്ക് ലിമിറ്റഡ് സ്ലിപ്പ് ഡിഫറൻഷ്യൽ, ഐസോഫിക്സ് ചൈൽഡ് സീറ്റ് മൗണ്ടുകൾ എന്നിവയുണ്ട്. അതേസമയം സ്റ്റോറേജ് സ്പേസുകൾ പരിമിതമാണ്.
വില
അഞ്ച് ഡോർ ജിംനിയുടെ എൻട്രി ലെവൽ വേരിയന്റിന് വില 10 ലക്ഷം രൂപയിൽ വില ആരംഭിക്കാൻ സാധ്യതയുണ്ട്. ഫീച്ചർ പായ്ക്ക് ചെയ്ത ടോപ്പ് മോഡലിന് ഏകദേശം 12 ലക്ഷം രൂപ വിലവരും.