നേരത്തേ അറിയിക്കാതിരുന്ന ഒരു സര്‍പ്രൈസ് സമ്മാനവും ബിഗ് ബോസ് വിജയിയായ അഖിലിനെ തേടിയെത്തി. ഷോയുടെ ടൈറ്റില്‍ സ്പോണ്‍സര്‍മാരില്‍ ഒരാളായ മാരുതി സുസുക്കിയുടെ ഏറ്റവും പുതിയ ക്രോസോവറായ ഫ്രോങ്ക്സ് ആണ് അഖിലിന് ലഭിച്ചത്. കമ്പനിയുടെ പ്രതിനിധിയാണ് ഗ്രാന്‍ഡ് ഫിനാലെ വേദിയിലെത്തി കാറിന്‍റെ താക്കോല്‍ വിജയിക്ക് സമ്മാനിച്ചത്. അപ്രതീക്ഷിതമായി ലഭിച്ച ആ സമ്മാനത്തിന്‍റെ ആവേശത്തിലാണ് അഖിലും ഫാൻസുമെല്ലാം. മാരുതിയുടെ കിടിലൻ ക്രോസവര്‍ എസ്‍യുവിയായ ഫ്രോങ്ക്സിന്‍റെ ചില വിശേഷങ്ങള്‍
മലയാളത്തിലെ ഏറ്റവും കൂടുതല്‍ പ്രേക്ഷകരുള്ള ടിവി ഷോയായ ബിഗ് ബോസ് സീസണ്‍ 5 കഴിഞ്ഞ ദിവസമാണ് സമാപിച്ചത്. അഖില്‍ മാരാര്‍ ആണ് ബിഗ് ബോസ് മലയാളം സീസണ്‍ 5 വിജയി. കഴിഞ്ഞ 98 ദിവസങ്ങളിലെ ഷോയിലെ പ്രകടനങ്ങളുടെ വെളിച്ചത്തില്‍ പ്രേക്ഷകര്‍ തെരഞ്ഞെടുത്ത അഖിലിന് 50 ലക്ഷം രൂപയാണ് സമ്മാനമായി ലഭിച്ചത്. എന്നാല്‍ നേരത്തേ അറിയിക്കാതിരുന്ന ഒരു സര്‍പ്രൈസ് സമ്മാനവും ടൈറ്റില്‍ വിജയിയായ അഖിലിനെ തേടിയെത്തി. ഷോയുടെ ടൈറ്റില്‍ സ്പോണ്‍സര്‍മാരില്‍ ഒരാളായ മാരുതി സുസുക്കിയുടെ ഏറ്റവും പുതിയ എസ്യുവി ആയ ഫ്രോങ്ക്സ് ആണ് അഖിലിന് ലഭിച്ചത്. കമ്പനിയുടെ പ്രതിനിധിയാണ് ഗ്രാന്‍ഡ് ഫിനാലെ വേദിയിലെത്തി കാറിന്‍റെ താക്കോല്‍ വിജയിക്ക് സമ്മാനിച്ചത്. അപ്രതീക്ഷിതമായി ലഭിച്ച ആ സമ്മാനത്തിന്‍റെ ആവേശത്തിലാണ് അഖിലും ഫാൻസുമെല്ലാം. മാരുതിയുടെ കിടിലൻ എസ്‍യുവിയായ ഫ്രോങ്ക്സിന്‍റെ ചില വിശേഷങ്ങള്‍ അറിയാം
ബലേനോ അധിഷ്‍ഠിതം
ഈ വർഷം ഫെബ്രുവരിയിൽ നടന്ന ദില്ലി ഓട്ടോ എക്‌സ്‌പോ 2023-ൽ അരങ്ങേറുകയും പെട്ടെന്ന് തന്നെ എല്ലാവരുടെയും ശ്രദ്ധ ആകർഷിക്കുകയും ചെയ്‍ത മോഡലാണിത്. ബലേനോയെ അടിസ്ഥാനമാക്കിയുള്ള ഫ്രോങ്ക്സ് ക്രോസോവര്‍ എസ്‌യുവിയെ ഈ മാർച്ച് അവസാനത്തോടെയാണ് മാരുതി സുസുക്കി വിപണിയില്‍ അവതരിപ്പിച്ചത്.
undefined
കിടിലൻ എഞ്ചിൻ
1.0 ലിറ്റർ 3 സിലിണ്ടർ ബൂസ്റ്റർജെറ്റ് പെട്രോൾ, 1.2 ലിറ്റർ കെ-സീരീസ് പെട്രോൾ എന്നിങ്ങനെ രണ്ട് എഞ്ചിൻ ഓപ്ഷനുകളിൽ മാരുതി സുസുക്കി ഫ്രോങ്ക്സ് ലഭ്യമാണ്. ആദ്യത്തേത് 100 ബിഎച്ച്‌പിയും 147.6 എൻഎം ടോർക്കും മികച്ചതാണെങ്കിൽ, പിന്നീടുള്ളത് 90 ബിഎച്ച്‌പിയും 113 എൻഎം ടോർക്കും ഉത്പാദിപ്പിക്കുന്നു. ട്രാൻസ്മിഷൻ ചോയിസുകളിൽ 5-സ്പീഡ് മാനുവൽ, 1.2L എഞ്ചിനോടുകൂടിയ AMT, 1.0L ടർബോ പെട്രോളോടുകൂടിയ 6-സ്പീഡ് ടോർക്ക് കൺവെർട്ടർ ഓട്ടോമാറ്റിക് എന്നിവ ഉൾപ്പെടുന്നു. 1.2L പെട്രോൾ പതിപ്പ് 21.79kmpl (MT) & 22.98kmpl (AT) എന്ന ARAI സാക്ഷ്യപ്പെടുത്തിയ മൈലേജ് നൽകുമെന്ന് കമ്പനി അവകാശപ്പെടുന്നു. 1.0L മാനുവൽ, ഓട്ടോമാറ്റിക് എന്നിവ യഥാക്രമം 21.5kmpl ഉം 20.01kmpl ഉം നൽകുന്നു.
വൻ ബുക്കിംഗ്
7.46 ലക്ഷം രൂപ പ്രാരംഭ എക്സ്-ഷോറൂം വിലയിൽ എത്തിയ വാഹനത്തിന് ആദ്യ മാസത്തിൽ തന്നെ 8,000 ത്തില്‍ അധികം ബുക്കിംഗുകളാണ് ലഭിച്ചത്. ഇപ്പോഴും ഈ എസ്‌യുവിക്കുള്ള ഡിമാൻഡുകൾ കുതിച്ചുയരുകയാണ്. വാഹനത്തിന്‍റെ കാത്തിരിപ്പ് കാലയളവും നിരന്തരം വർദ്ധിച്ചുകൊണ്ടിരിക്കുന്നു. നെക്‌സ റീട്ടെയിൽ നെറ്റ്‌വർക്കിലൂടെയാണ് ഈ മോഡല്‍ മാരുതി വിൽക്കുന്നത്. ഫ്രോങ്ക്സ് എസ്‌യുവിക്കുള്ള കാത്തിരിപ്പ് കാലാവധി നിലവില്‍ ആറാഴ്ച മുതൽ ആരംഭിക്കുന്നു. ഇത് ബുക്ക് ചെയ്യാൻ തിരഞ്ഞെടുക്കുന്ന വേരിയന്റിനെ ആശ്രയിച്ച് 10 മാസം വരെ പോകാം. ടർബോചാർജ്‍ഡ് പെട്രോൾ എൻജിനുള്ള ടോപ്പ് എൻഡ് വേരിയന്റുകൾക്ക് ഡിമാൻഡ് കൂടുതലാണ്. സിഗ്‍മ, ഡെല്‍റ്റ, ഡെല്‍റ്റ പ്ലസ്, ആല്‍ഫ, സെല്‍റ്റ എന്നിങ്ങനെ അഞ്ച് വിശാലമായ വേരിയന്റുകളിലുടനീളം മാരുതി സുസുക്കി ഫ്രോങ്ക്സ് എസ്യുവി വാഗ്ദാനം ചെയ്യുന്നു. രണ്ട് എഞ്ചിൻ ഓപ്ഷനുകളിലും മൂന്ന് ട്രാൻസ്മിഷൻ ചോയിസുകളിലും എസ്യുവി ലഭ്യമാണ്.
എതിരാളികള്‍
7.46 ലക്ഷം മുതല്‍ 13.13 ലക്ഷം രൂപ വരെയാണ് ഫ്രോങ്ക്സിന്‍റെ എക്സ് ഷോറൂം വില. ഇന്ത്യയിലെ ചെറു എസ്‌യുവികളിൽ ടാറ്റ പഞ്ച്, നിസാൻ മാഗ്‌നൈറ്റ്, റെനോ കിഗർ എന്നിവയോട് ഈ ക്രോസോവര്‍ മത്സരിക്കുന്നു. ഈ വർഷം അവസാനം ലോഞ്ച് ചെയ്യുമ്പോൾ വരാനിരിക്കുന്ന ഹ്യുണ്ടായ് എക്‌സ്‌റ്ററിനെയും ഇത് നേരിടും.
30 കിമി മൈലേജ്, വില ഏഴുലക്ഷത്തിലും താഴെ; എന്തുപറഞ്ഞാലും ഇവൻ ഞങ്ങടെയല്ലേ മാരുതീ എന്ന് ജനം!