ഇപ്പോഴിതാ ബ്രെസയ്ക്ക് ശ്രദ്ധേയമായ കുറച്ച് സാങ്കേതിക, ഫീച്ചർ മാറ്റങ്ങൾ ലഭിച്ചിരിക്കുന്നു. ഈ എസ്‌യുവി ഇപ്പോൾ എല്ലാ യാത്രക്കാർക്കും സീറ്റ് ബെൽറ്റ് റിമൈൻഡറുകളോടെ ലഭ്യമാണ്.
ജനപ്രിയ വാഹന ബ്രാൻഡായ മാരുതി സുസുക്കിയില്‍ നിന്ന് ഏറ്റവുമധികം വിറ്റഴിക്കപ്പെടുന്ന സബ്കോംപാക്റ്റ് എസ്‌യുവിയാണ് മാരുതി സുസുക്കി ബ്രെസ. ഇപ്പോഴിതാ ബ്രെസയ്ക്ക് ശ്രദ്ധേയമായ കുറച്ച് സാങ്കേതിക, ഫീച്ചർ മാറ്റങ്ങൾ ലഭിച്ചിരിക്കുന്നു. ഈ എസ്‌യുവി ഇപ്പോൾ എല്ലാ യാത്രക്കാർക്കും സീറ്റ് ബെൽറ്റ് റിമൈൻഡറുകളോടെ ലഭ്യമാണ്. നേരത്തെ മുൻ സീറ്റുകളിൽ മാത്രമായിരുന്നു ഇത്. എങ്കിലും, ബ്രെസ്സ സിഎൻജിക്ക് ഹിൽ ഹോൾഡ് അസിസ്റ്റും ഇലക്ട്രോണിക് സ്റ്റെബിലിറ്റി പ്രോഗ്രാമും നഷ്ടമാകുന്നു.
കൂടാതെ, കാർ നിർമ്മാതാവ് 1.5 ലിറ്റർ പെട്രോൾ മാനുവൽ വേരിയന്റുകളിൽ നിന്ന് മൈൽഡ് ഹൈബ്രിഡ് സാങ്കേതികവിദ്യ നീക്കം ചെയ്‍തു. ഇത് വാഹനത്തിന്‍റെ ഇന്ധനക്ഷമത 2.77കിമി വരെ കുറച്ചു. ഇപ്പോൾ, മാരുതി ബ്രെസ മാനുവൽ പതിപ്പ് 17.38 കിലോമീറ്റർ മൈലേജ് വാഗ്ദാനം ചെയ്യുന്നു. ബ്രെസ്സ ഓട്ടോമാറ്റിക് ലിറ്ററിന് 20.15 കിലോമീറ്റർ ഇന്ധനക്ഷമത നൽകുന്നു. ഫാക്ടറിയിൽ ഘടിപ്പിച്ച സിഎൻജി കിറ്റിനൊപ്പം അതേ 1.5L പെട്രോൾ മോട്ടോറിനൊപ്പം കോംപാക്റ്റ് എസ്‌യുവിയുടെ സിഎൻജി പതിപ്പും ലഭ്യമാണ്. ഈ സജ്ജീകരണം 87.8bhp കരുത്തും 121.5Nm ടോര്‍ക്കും ഉത്പാദിപ്പിക്കുന്നു. ട്രാൻസ്മിഷൻ ഓപ്ഷനുകളിൽ അഞ്ച് സ്പീഡ് മാനുവലും ആറ് സ്പീഡ് ഓട്ടോമാറ്റിക്കും ഉൾപ്പെടുന്നു.
undefined
ചില സവിശേഷതകൾ നഷ്‌ടമായിട്ടും അതിന്റെ വിലകളിൽ മാറ്റങ്ങളൊന്നും വരുത്തിയിട്ടില്ല എന്നത് ശ്രദ്ധിക്കേണ്ടതാണ്. 8.29 ലക്ഷം മുതൽ 13.98 ലക്ഷം രൂപ വരെയാണ് മാരുതി ബ്രെസയുടെ വില. പെട്രോൾ വേരിയന്റുകളുടെ വില 8.29 ലക്ഷം മുതൽ 14.14 ലക്ഷം രൂപ വരെയും സിഎൻജി മോഡലുകൾക്ക് 9.24 ലക്ഷം മുതൽ 12.15 ലക്ഷം രൂപ വരെയുമാണ് വില. മേൽപ്പറഞ്ഞ എല്ലാ വിലകളും എക്സ്-ഷോറൂം വിലകള്‍ ആണ്.
യുവി വിപണിയെ കൂടുതൽ ശക്തിപ്പെടുത്തുകയെന്ന ലക്ഷ്യത്തോടെ, മാരുതി സുസുക്കി ഈ വർഷം മൂന്ന് പുതിയ മോഡലുകൾ അവതരിപ്പിച്ചു. ഫ്രോങ്ക്സ് കോംപാക്റ്റ് ക്രോസ്ഓവർ, 5-ഡോർ ജിംനി, ഇൻവിക്റ്റോ പ്രീമിയം ശക്തമായ ഹൈബ്രിഡ് എംപിവി എന്നിവയാണവ . ടാറ്റ പഞ്ചിന്റെയും പുതുതായി പുറത്തിറക്കിയ ഹ്യുണ്ടായ് എക്‌സ്‌റ്ററിന്റെയും നേരിട്ടുള്ള എതിരാളിയാണ് മാരുതി ഫ്രോങ്ക്സ്.
ഇൻവിക്ടോ ഇൻഡോ-ജാപ്പനീസ് കാർ നിർമ്മാതാക്കളിൽ നിന്നുള്ള ആദ്യത്തെ റീ-ബാഡ്‍ജ് ചെയ്‍ത ടൊയോട്ട മോഡലാണ്. ഈ പ്രീമിയം എംപിവി ഇന്നോവ ഹൈക്രോസിനെ അടിസ്ഥാനമാക്കിയുള്ളതാണ്. കൂടാതെ സെറ്റ പ്ലസ് 7-സീറ്റർ, സെറ്റ പ്ലസ് 8-സീറ്റർ, ആൽഫ 7-സീറ്റർ - യഥാക്രമം 24.79 ലക്ഷം രൂപ, 24.84 ലക്ഷം രൂപ, 28.42 ലക്ഷം രൂപ എന്നിങ്ങനെ മൂന്ന് വേരിയന്റുകളിൽ വരുന്നു.