ഇത്രയേറെ നിറങ്ങൾ നിങ്ങൾ സ്വപ്നത്തിൽ പോലും കണ്ടിട്ടുണ്ടാകില്ല; വൈറലായി പാന്തർ ചാമിലിയന്റെ വീഡിയോ
നിറം മാറ്റാൻ കഴിയുന്ന വലുതും മനോഹരവുമായ ഇനമാണ് പാന്തർ ചാമിലിയോൺ. സ്ത്രീകൾ ഇണചേരില്ല എന്ന സൂചന നൽകാൻ ഗർഭിണിയായിരിക്കുമ്പോൾ മാത്രമാണ് ഇത് ഇത്തരത്തിൽ നിറം മാറ്റുന്നത്.
 )
Followഇന്ത്യൻ ഫോറസ്റ്റ് സർവീസ് (IFS) ഓഫീസർ, സുശാന്ത നന്ദയുടെ സോഷ്യൽ മീഡിയ പോസ്റ്റുകൾ എപ്പോഴും വൈറൽ ആകാറുണ്ട്. കാട്ടിൽ നിന്നുള്ള അത്യപൂർവ്വങ്ങളായ വീഡിയോകൾ അദ്ദേഹം എപ്പോഴും പങ്കുവെക്കാറുണ്ട്. അറിവും കൗതുകവും ഒരുപോലെ പകരുന്ന അദ്ദേഹത്തിൻറെ വീഡിയോകൾക്ക് നിരവധി ഫോളോവേഴ്സ് ആണ് ഉള്ളത്. ഇപ്പോൾ സോഷ്യൽ മീഡിയയിലെ ശ്രദ്ധിക്കപ്പെടുന്നത് അദ്ദേഹം കഴിഞ്ഞ ദിവസം പോസ്റ്റ് ചെയ്ത ഒരു വീഡിയോ ആണ്. ഒരു പാന്തർ ചാമിലിയന്റെ മനോഹരമായ വ്യത്യസ്ത നിറങ്ങൾ കാണിക്കുന്ന വീഡിയോ ആണ് ഇത്. ഒരുപക്ഷേ നമ്മൾ സ്വപ്നത്തിൽ പോലും എത്രമാത്രം മനോഹരമായ രീതിയിൽ ഇത്രയേറെ നിറങ്ങൾ ഒന്നിച്ചു കണ്ടിട്ടുണ്ടാകില്ല.
ദൈവത്തെക്കാൾ മികച്ച ചിത്രകാരൻ ആര് എന്ന കുറിപ്പോടെ കഴിഞ്ഞ ദിവസമാണ് സുശാന്ത നന്ദ വീഡിയോ പോസ്റ്റ് ചെയ്തത്. ഒരു ചിത്രകാരൻ മനോഹരമായി പെയിൻറ് ചെയ്തത് പോലെയുള്ള ശരീരഘടനയോട് കൂടിയ പാന്തർ ചാമിലിയന്റെ വീഡിയോ നിമിഷനേരം കൊണ്ടാണ് സോഷ്യൽ മീഡിയയിൽ വൈറലായത്.
നിറം മാറ്റാൻ കഴിയുന്ന വലുതും മനോഹരവുമായ ഇനമാണ് പാന്തർ ചാമിലിയോൺ. സ്ത്രീകൾ ഇണചേരില്ല എന്ന സൂചന നൽകാൻ ഗർഭിണിയായിരിക്കുമ്പോൾ മാത്രമാണ് ഇത് ഇത്തരത്തിൽ നിറം മാറ്റുന്നത്. അതേസമയം ആൺ വർഗ്ഗത്തിൽപ്പെട്ടവയ്ക്ക് അവയുടെ മാനസികാവസ്ഥ അനുസരിച്ച് ചുവപ്പ്, പച്ച, നീല എന്നിവയുടെ ഏത് കോമ്പിനേഷനും നിറം മാറാൻ കഴിയും.
ചാമിലിയന്റെ ചർമ്മത്തിൽ, കോശത്തിന്റെ ഉപരിതലത്തിൽ ദൃശ്യമാകുന്നതോ മറഞ്ഞിരിക്കുന്നതോ ആയ നിറങ്ങളുടെ ഒരു ശ്രേണി സംഭരിക്കുന്ന ക്രോമാറ്റോഫോറുകൾ എന്ന പ്രത്യേക കോശങ്ങളുടെ സാന്നിധ്യമുണ്ട്. ചാമിലിയന്റെ മസ്തിഷ്കത്തിൽ നിന്നുള്ള സിഗ്നലുകൾ ഓരോ ചർമ്മകോശത്തെയും ഏത് നിറങ്ങളാണ് പുറത്തുവരേണ്ടതെന്നും ഏത് മറയ്ക്കണമെന്നും അറിയിക്കുന്നു, അതിന്റെ ഫലമായി എല്ലാ പരിതസ്ഥിതികളോടും പൊരുത്തപ്പെടാൻ കഴിയുന്ന
പാറ്റേൺ ലഭിക്കും.
ഇപ്പോഴും നിരവധി പേരാണ് ഈ വീഡിയോ കണ്ട് കൂടുതലാളുകളിലേക്ക് ഷെയർ ചെയ്യുന്നത്. പാന്തർ ചാമിലിയന്റെ മനോഹരമായ സൗന്ദര്യത്തിൽ സോഷ്യൽ മീഡിയ ഉപയോക്താക്കൾ അമ്പരന്നു നിൽക്കുകയാണ് ഇപ്പോൾ.
