Natasha Williams : ക്ലബ്ബിന് പുറത്ത് യുവാവിനെ വംശീയമായി അധിക്ഷേപിച്ച് മോഡൽ, വീഡിയോ വൈറൽ, രോഷം
തന്റെ ബാഗ് ആരോ മോഷ്ടിച്ചു എന്നും അത് എടുക്കാനായിട്ടാണ് അകത്തേക്ക് വീണ്ടും കയറാൻ തുനിഞ്ഞത് എന്നും മോഡൽ പറയുകയുണ്ടായി. ഏതായാലും വീഡിയോ വളരെ പെട്ടെന്ന് തന്നെ വൈറലായി. ഇതോടെ അവർക്ക് നേരെ വലിയതരത്തിൽ രോഷമുയർന്നു.
 )
Followനൈറ്റ് ക്ലബ്ബിന് പുറത്ത് വച്ച് ഒരു മോഡൽ സെക്യൂരിറ്റി ഗാർഡിനോട് ദേഷ്യപ്പെടുന്നതും വംശീയാധിക്ഷേപം (racist slur) നടത്തുന്നതായും കാണിക്കുന്ന ഒരു വീഡിയോ വൈറലായി. ഇതേ തുടർന്ന് ആളുകൾ രോഷം കൊള്ളുകയാണ്. നടാഷ വില്ല്യംസ്(Natasha Williams) എന്ന 24 -കാരിയായ മോഡലാണ് വീഡിയോയിൽ.
ലീമിംഗ്ടൺ സ്പായിലെ ബാറിൽ നിന്നും പുറത്തിറങ്ങിയതാണ് നടാഷ. എന്നാൽ, വീണ്ടും ബാറിലേക്ക് കയറാനെത്തിയപ്പോൾ അവളെ സെക്യൂരിറ്റി ഗാർഡ് തടഞ്ഞു. ഇതോടെയാണ് നടാഷ അയാളോട് ദേഷ്യപ്പെടുന്നതും വർഗീയമായ പരാമർശം നടത്തുന്നതും. പാകിസ്ഥാൻകാരോടും സൗത്ത് ഏഷ്യക്കാരോടും വിവേചനം കാണിക്കാനുപയോഗിക്കുന്ന വാക്കാണ് മോഡൽ യുവാവിന് നേരെ പ്രയോഗിച്ചത്.
തന്റെ ബാഗ് ആരോ മോഷ്ടിച്ചു എന്നും അത് എടുക്കാനായിട്ടാണ് അകത്തേക്ക് വീണ്ടും കയറാൻ തുനിഞ്ഞത് എന്നും മോഡൽ പറയുകയുണ്ടായി. ഏതായാലും വീഡിയോ വളരെ പെട്ടെന്ന് തന്നെ വൈറലായി. ഇതോടെ അവർക്ക് നേരെ വലിയതരത്തിൽ രോഷമുയർന്നു. എന്നാൽ, മകൾ അപ്പോൾ തന്നെ യുവാവിനോട് വർഗീയ പരാമർശത്തിൽ ഖേദം പ്രകടിപ്പിച്ചു എന്നാണ് നടാഷയുടെ അമ്മയുടെ വിശദീകരണം. സംഭവത്തെ തുടർന്ന് നടാഷയ്ക്ക് നേരെ വലിയ ഭീഷണിയുയർന്നും എന്നും അവളുടെ ജീവന് തന്നെ ഭീഷണിയുണ്ട്. അവളുടെ ബാഗ് അകത്തായിരുന്നു. അതിൽ അവളുടെ ഫോണും ബോയ്ഫ്രണ്ടിന്റെ വണ്ടിയുടെ താക്കോലും ഉണ്ടായിരുന്നു. അതുകൊണ്ടാണ് അവൾ ദേഷ്യപ്പെട്ട് പോയത് എന്നുമാണ് അവളുടെ അച്ഛൻ പറയുന്നത്.
നടാഷ വളരെയധികം മദ്യപിച്ചിരുന്നു എന്ന് ബാറിലുണ്ടായിരുന്നവർ പറയുന്നു. ഏതായാലും മോഡലിന്റെ വർഗീയ പരാമർശം വലിയ ചർച്ച തന്നെയായി.
വീഡിയോ കാണാം:
