എല്‍ജി ജി6ന് ഇന്ത്യയില്‍ വില വെട്ടിക്കുറച്ചു
 )
Followഎല്‍ജിയുടെ ഫ്ലാഗ്ഷി‌പ്പ് ഫോണായ ജി6 മോഡലിന്റെ വില കുത്തനെ കുറച്ചു. ഒമ്പതിനായിരത്തോളം രൂപയാണ് ഒറ്റയടിക്ക് കുറച്ചത്. ഇപ്പോള്‍ ഈ ഫോണിന്റെ വില 37,990 രൂപയാണ്. ഓണ്‍ലൈന്‍-ഓഫ്‌ലൈന്‍ സ്റ്റോറുകളില്‍ ഈ വിലയ്‌ക്കായിരിക്കും എല്‍ജി ജി6 വില്‍ക്കുക. വിപണിയില്‍ ഐഫോണ്‍ 7 പ്ലസ്, ഗൂഗിള്‍ പിക്‌സല്‍ എക്‌സ് എല്‍ എന്നീ മോഡലുകളോട് മല്‍സരിക്കുന്ന എല്‍ ജി ജി6ന് ഇത് മൂന്നാം തവണയാണ് ഇന്ത്യയില്‍ വില കുറയ്‌ക്കുന്നത്. 5.7 ഇഞ്ച് ഫുള്‍വിഷന്‍ ഡിസ്‌പ്ലേ, ആന്‍ഡ്രോയ്ഡ് 7.0 നോഗട്ട് ഒ എസ്, സ്‌നാപ്ഡ്രാഗണ്‍ 821 പ്രോസസര്‍, 4ജിബി റാം, ഡ്യൂവല്‍ റിയര്‍ ക്യാമറ, 3300 എംഎഎച്ച് ബാറ്റി എന്നിവയാണ് ഈ ഫോണിന്റെ പ്രത്യേകതകള്‍.
