'ഞാന്‍ സ്വവര്‍ഗ്ഗ അനുരാഗിയാണ്': വെളിപ്പെടുത്തി സ്ട്രേഞ്ചർ തിംഗ്സ് താരം നോഹ ഷ്നാപ്പ്
ജൂലൈയിൽ വെറൈറ്റിക്ക് നല്‍കിയ അഭിമുഖത്തില്‍ നോഹ സ്‌നാപ്പ് തന്‍റെ സ്ട്രേഞ്ചർ തിംഗ്‌സിലെ കഥാപാത്രമായ വില്ലിന്‍റെ ലൈംഗിക ആഭിമുഖ്യത്തെക്കുറിച്ച് പറഞ്ഞത് വലിയ വാര്‍ത്തയായിരുന്നു.
 )
Followഹോളിവുഡ്: നെറ്റ്ഫ്ലിക്സില്‍ സ്ട്രീം ചെയ്യുന്ന സ്ട്രേഞ്ചർ തിംഗ്സ് സീരിസില്‍ പ്രേക്ഷകരെ ആകര്‍ഷിച്ച ഒരു കഥാപാത്രമാണ് വില്‍. ഈ കഥാപാത്രം അവതരിപ്പിച്ച നോഹ ഷ്നാപ്പിന്‍റെ വെളിപ്പെടുത്തലാണ് ഹോളിവുഡിലെ പുതിയ വാര്‍ത്ത. താന്‍ ഒരു സ്വവർഗ്ഗാനുരാഗിയാണ് എന്ന് വെളിപ്പെടുത്തിയിരിക്കുകയാണ് താരം.
"18 വർഷം ഈ സ്വത്വവുമായി ജീവിച്ച് ഒടുവില്‍ ഭയന്നാണ് സുഹൃത്തുക്കളോടും കുടുംബാംഗങ്ങളോടും ഇത് വെളിപ്പെടുത്തിയത് എന്നാല്‍ അവര്‍ പറഞ്ഞു അവര്‍ക്ക് ഇത് നേരത്തെ മനസിലായെന്ന്, താന്‍ സ്ട്രേഞ്ചർ തിംഗ്സ് സീരിസിലെ വില്‍ എന്ന ക്യാരക്ടറിനോട് വിചാരിച്ചതിനേക്കാള്‍ കൂടുതല്‍ സാമ്യമുള്ളതായി തോന്നുന്നു" - ടിക്ടോക്കില്‍ പോസ്റ്റ് ചെയ്ത വീഡിയോയില്‍ നോഹ ഷ്നാപ്പ് പറയുന്നു.
ജൂലൈയിൽ വെറൈറ്റിക്ക് നല്‍കിയ അഭിമുഖത്തില്‍ നോഹ സ്‌നാപ്പ് തന്‍റെ സ്ട്രേഞ്ചർ തിംഗ്‌സിലെ കഥാപാത്രമായ വില്ലിന്‍റെ ലൈംഗിക ആഭിമുഖ്യത്തെക്കുറിച്ച് പറഞ്ഞത് വലിയ വാര്‍ത്തയായിരുന്നു. വില്ലിന് ഉറ്റസുഹൃത്ത് മൈക്കിനോട് പ്രണയമുണ്ടെന്ന് അദ്ദേഹം സ്ഥിരീകരിച്ചു. ആ കഥാപാത്രങ്ങള്‍ക്ക് പ്രായമായെന്നും അവരുടെ ഇഷ്ടം കൂടുതല്‍ വെളിവായെന്നും താരം അഭിമുഖത്തില്‍ പറഞ്ഞു. ഇതും ചേര്‍ത്താണ് താരം തന്‍റെ ലൈംഗിക അഭിമുഖ്യം വെളിപ്പെടുത്തിയത്.
സ്ട്രേഞ്ചർ തിംഗ്സ് എന്ന ചിത്രത്തിലെ അഭിനയത്തിലൂടെ ശ്രദ്ധേയനായ നോഹ സ്‌നാപ്പ്. സ്റ്റീവൻ സ്പിൽബർഗിന്‍റെ ബ്രിഡ്ജ് ഓഫ് സ്പൈസ് (2015) ഉൾപ്പെടെയുള്ള സിനിമകള്‍ അഭിനയിച്ചിട്ടുണ്ട്. അതേ വർഷം തന്നെ ആനിമേറ്റഡ് സിനിമയായ ദി പീനട്ട്‌സ് എന്ന സിനിമയില്‍ ചാർലി ബ്രൗണിന്റെ കഥാപാത്രത്തിന് വേണ്ടി നോഹ ശബ്ദം നല്‍കി.
'ലവ് എഗെയ്‍ൻ', പ്രിയങ്കയുടെ ഹോളിവുഡ് ചിത്രത്തിലെ പുതിയ സ്റ്റില്‍ പുറത്ത്
ഭീകരമായ അപകടത്തിന് ശേഷം തന്‍റെ ഫോട്ടോ പങ്കുവച്ച് ആവഞ്ചേര്‍സ് താരം ജെര്‍മി റെന്നർ
