'എല്ലാത്തിനും അതിന്‍റെതായ മൂല്യങ്ങൾ ഉണ്ട് സ്വയം തിരിച്ചറിയുക കണ്ടെത്തുക', കുറിപ്പുമായി സൂരജ്
പുതിയ സിനിമ പുറത്തിറങ്ങുന്നതിന്റെ തിരക്കിലാണ് നടൻ ഇപ്പോൾ. മലയാളത്തിൽ നിരവധി സിനിമകൾ സമ്മാനിച്ച ഷാജൂണ്‍ കാര്യാല്‍ സംവിധാനം ചെയ്യുന്ന പുതിയ ചിത്രത്തിലാണ് സൂരജ് നായകനായി എത്തുന്നത്.
 )
Followതിരുവനന്തപുരം: മിനിസ്ക്രീനിൽ ഒരേ ഒരു സീരിയലിൽ മാത്രം അഭിനയിച്ച് നിരവധി ആരാധകരെ സ്വന്തമാക്കിയ താരമാണ് സൂരജ് സൺ. 'പാടാത്ത പൈങ്കിളി'യിലെ ദേവയെ അവതരിപ്പിച്ചു കൊണ്ടാണ് സൂരജ് അഭിനയ ജീവിതത്തിന് തുടക്കമിട്ടിരുന്നത്. സ്വന്തം കുടുംബത്തിലെ ഒരംഗത്തെപ്പോലെ പലരും സൂരജിനെ ഏറ്റെടുത്തു. ചില വ്യക്തിപരമായ കാരണങ്ങളാൽ താരം സീരിയലിൽ നിന്ന് വിട്ടു നിന്നപ്പോഴും ഏവരും ഒപ്പം നിന്നു. മോട്ടിവേഷണൽ വീഡിയോയും മറ്റുമായി സോഷ്യൽമീഡിയയിലും സജീവമാണ് സൂരജ്. ഇപ്പോഴിതാ തന്റെ പിറന്നാൾ ദിനത്തിൽ കുറിപ്പുമായി എത്തിയിരിക്കുകയാണ് താരം.
'വഴിയിൽ ആർക്കും വേണ്ടാതെ കിടന്ന ഒരു തീപ്പെട്ടി പെട്ടിക്ക് പോലും ഒരു നിമിഷമെങ്കിലും നമ്മളെ ചിരിപ്പിക്കാൻ സാധിക്കുന്നുണ്ടെങ്കിൽ ഓർക്കുക എല്ലാത്തിനും അതിന്റേതായ മൂല്യങ്ങൾ ഉണ്ട് സ്വയം തിരിച്ചറിയുക കണ്ടെത്തുക. എനിക്ക് പിറന്നാൾ ആശംസകൾ' എന്നാണ് സന്തോഷവാനായ വീഡിയോയ്ക്ക് താഴെ സൂരജ് കുറിച്ചത്. പിന്നാലെ കേക്ക് മുറിക്കുന്ന വീഡിയോയും താരം പങ്കുവെച്ചിരുന്നു. നിരവധി ആരാധകരാണ് താരത്തിന് ആശംസ നേർന്ന് എത്തുന്നത്.
പുതിയ സിനിമ പുറത്തിറങ്ങുന്നതിന്റെ തിരക്കിലാണ് നടൻ ഇപ്പോൾ. മലയാളത്തിൽ നിരവധി സിനിമകൾ സമ്മാനിച്ച ഷാജൂണ്‍ കാര്യാല്‍ സംവിധാനം ചെയ്യുന്ന പുതിയ ചിത്രത്തിലാണ് സൂരജ് നായകനായി എത്തുന്നത്. "മൃദു ഭാവേ ദൃഢ കൃത്യേ” എന്നാണ് ചിത്രത്തിന്റെ പേര്. സൂരജ് സൺ ആദ്യമായി നായകനാവുന്ന സിനിമ കൂടിയാണ് ഇത്. സീരിയയിൽ നിന്നും ബ്രേക്കെടുത്ത സൂരജ് വിനീത് ശ്രീനിവാസന്റെ 'ഹൃദയ'ത്തിൽ കല്യാണ ചെക്കനായെത്തി ശ്രദ്ധനേടിയിരുന്നു. ആറാട്ടുമുണ്ടൻ എന്ന ചിത്രത്തിലും സൂരജ് സൺ പ്രധാന വേഷത്തിൽ എത്തുന്നുണ്ട്. 'മുരളി' എന്ന കഥാപാത്രത്തെയാണ് ചിത്രത്തിൽ സൂരജ് അവതരിപ്പിക്കുന്നത്. പ്രൈസ് ഓഫ് പൊലീസ് എന്നൊരു ചിത്രത്തിലും സൂരജ് ഭാഗമാണ്.
'അങ്ങനെ ഞങ്ങടെ ചെക്കന്റെ 28കെട്ട് കഴിഞ്ഞു', വിശേഷങ്ങളുമായി ദേവികയും വിജയ്‍യും
ദൃശ്യവിസ്മയം തീർക്കാൻ സൂര്യ; പുതിയ ചിത്രം ഒരുങ്ങുന്നത് 10 ഭാഷകളിൽ, വമ്പൻ അപ്ഡേറ്റ് എത്തി
