ആശുപത്രിയിൽ സന്തോഷവതിയായി സുധാപ്പൂ, കുഞ്ഞിന് എന്തുപറ്റിയെന്ന് സൗഭാഗ്യയോട് ആരാധകര്‍
പുതിയ കാര്‍ വാങ്ങിയതിന്റെ സന്തോഷത്തില്‍, അതിലൊരു ട്രിപ്പ് പോകണം എന്ന് പ്ലാനിട്ട് കഴിഞ്ഞ ദിവസമാണ് സൗഭാഗ്യയും അര്‍ജുനും മറ്റ് കുടുംബാഗങ്ങളും ചേര്‍ന്ന് കന്യാകുമാരിയിലേക്ക് ടൂര്‍ പോയത്.
 )
Followതാര കല്യാണിന്റെ മകള്‍ സൗഭാഗ്യ വെങ്കിടേഷ് യൂട്യൂബില്‍ വളരെ സജീവമാണ്. തന്റെയും കുടുംബത്തിന്റെയും വിശേഷങ്ങള്‍ താരപുത്രി നിരന്തരം പങ്കുവയ്ക്കാറുണ്ട്. നടന്‍ അര്‍ജുന്റെ ഭാര്യ കൂടിയായ സൗഭാഗ്യ നര്‍ത്തകിയാണ്. ഏറ്റവുമൊടുവില്‍ കന്യാകുമാരിയിലേക്ക് ഒരു ടൂര്‍ പോയ വീഡിയോ ആണ് സൗഭാഗ്യ പങ്കുവച്ചിരുന്നത്. ഇന്നലെ പങ്കുവച്ച വീഡിയോയ്ക്ക് പിന്നാലെ, ഇന്ന് ഇന്‍സ്റ്റഗ്രാമില്‍ പങ്കുവച്ചിരിയ്ക്കുന്നത് ഒരു ആശുപത്രി ഫോട്ടോയാണ്.
അത്രയധികം സന്തോഷത്തോടെ ഒരു ട്രിപ്പ് കഴിഞ്ഞ് വന്നിട്ട് നേരെ പോയത് ആശുപത്രിയിലേക്കാണോ എന്നാണ് ആരാധകരുടെ ചോദ്യം. മകള്‍ സുധാപ്പൂ എന്ന സുധര്‍ശനയെ ആശുപത്രിയില്‍ അഡ്മിറ്റ് ചെയ്തിരിയ്ക്കുകയാണ്. എന്താണ്, ഏതാണ് എന്നൊന്നും പറഞ്ഞിട്ടില്ല. വളരെ സന്തോഷത്തോടെ ചിരിച്ചു നില്‍ക്കുന്ന സുധാപ്പൂന്റെ ഫോട്ടോയ്‌ക്കൊപ്പമാണ് സൗഭാഗ്യ ഇക്കാര്യം അറിയിച്ചത്. 'ഈ മിസ്സ് ഹാപ്പി ഫെയിസ് ആരാണ്, ആശുപത്രിയില്‍ അഡ്മിറ്റ് ചെയ്തതിന് ഇത്രയധികം സന്തോഷിക്കുന്നത്' എന്നാണ് ക്യാപ്ഷന്‍.
സുധാപ്പൂന് എന്ത് പറ്റി, വയ്യായ്ക ഒന്നും മുഖത്തില്ലല്ലോ, സോ ക്യൂട്ട്, അസുഖം എന്ത് തന്നെയാണെങ്കിലും പെട്ടന്ന് സുഖം പ്രാപിച്ച് തിരിച്ചുവരട്ടെ എന്നൊക്കെയാണ് ഫോട്ടോയ്ക്ക് താഴെ വരുന്ന കമന്റ്. ശ്രുതി രജിനികാന്ത്, അശ്വതി ശ്രീകാന്ത്, ലിന്റു റോണി തുടങ്ങി നിരവധി സെലിബ്രിറ്റികളുടെ കമന്റും ഇക്കൂട്ടത്തില്‍ പെടുന്നു. അച്ഛന്‍ അര്‍ജുന്‍ സോമശേഖരന്‍ തന്നെയാണ് സുധാപ്പൂന്റെ ഫോട്ടോ എടുത്തിരിക്കുന്നത്.
പുതിയ കാര്‍ വാങ്ങിയതിന്റെ സന്തോഷത്തില്‍, അതിലൊരു ട്രിപ്പ് പോകണം എന്ന് പ്ലാനിട്ട് കഴിഞ്ഞ ദിവസമാണ് സൗഭാഗ്യയും അര്‍ജുനും മറ്റ് കുടുംബാഗങ്ങളും ചേര്‍ന്ന് കന്യാകുമാരിയിലേക്ക് ടൂര്‍ പോയത്. യാത്രയിലെ വിശേഷങ്ങള്‍ എല്ലാം കഴിഞ്ഞ വീഡിയോയില്‍ സൗഭാഗ്യ കാണിച്ചിരുന്നു. യാത്ര സുധാപ്പൂ ഒട്ടും ആസ്വദിച്ചില്ല, ഭയങ്കര കരച്ചിലും, മൂഡ് സ്വിങ്‌സ് ഒക്കെയായിരുന്നു മകള്‍ക്ക് എന്ന് ആ വീഡിയോയില്‍ തന്നെ സൗഭാഗ്യ പറയുന്നുണ്ട്.
'ലോകത്ത് എവിടെ പോയാലും ഈ സ്വർഗത്തിൽ ജീവിക്കുന്ന സുഖം വേറെയില്ല'; വീടിനെക്കുറിച്ച് സൂരജ് സൺ
ഏഷ്യാനെറ്റ് ന്യൂസ് വാർത്തകൾ തത്സമയം അറിയാം..
