സെല്‍ഫി എടുക്കാന്‍ വന്നയാളുടെ കൈതട്ടിമാറ്റി ഷാരൂഖ് ഖാന്‍ - വീഡിയോ
പാപ്പരാസികളെയും, ആരാധകരെയും ആദ്യം ഷാരൂഖ് അഭിവാദ്യം ചെയ്ത് അവര്‍ക്ക് ഫ്ലെയിംഗ് കിസ് നല്‍കുന്നു. അതിന് ശേഷമാണ് ഒരു ഫാന്‍ ഷാരൂഖിന്‍റെ അടുത്ത് എത്തി സെല്‍ഫിക്ക് വേണ്ടി ശ്രമിക്കുന്നത്.
 )
Followമുംബൈ: മുംബൈ വിമാനതാവളത്തില്‍ സെല്‍ഫിക്ക് ശ്രമിച്ച വ്യക്തിയോട് ദേഷ്യപ്പെടുന്ന ഷാരൂഖ് ഖാന്‍റെ വീഡിയോ വൈറലാകുന്നു. ബുധനാഴ്ച പാപ്പരാസി അക്കൗണ്ടിലാണ് ഈ വീഡിയോ പ്രത്യക്ഷപ്പെട്ടത്. ഷാരൂഖ് തന്റെ മാനേജർ പൂജ ദലാനിക്കൊപ്പം വിമാനത്താവളത്തിൽ നിന്ന് പുറത്തിറങ്ങുമ്പോഴാണ് സംഭവം നടക്കുന്നത്.
പാപ്പരാസികളെയു, ആരാധകരെയും ആദ്യം ഷാരൂഖ് അഭിവാദ്യം ചെയ്ത് അവര്‍ക്ക് ഫ്ലെയിംഗ് കിസ് നല്‍കുന്നു. അതിന് ശേഷമാണ് ഒരു ഫാന്‍ ഷാരൂഖിന്‍റെ അടുത്ത് എത്തി സെല്‍ഫിക്ക് വേണ്ടി ശ്രമിക്കുന്നത്. എന്നാല്‍ ഷാരൂഖ് അയാളുടെ കൈ തട്ടിമാറ്റി തിരിഞ്ഞ് അയാളെ നോക്കുന്നത് കാണാം.
അതിന് ശേഷം ഷാരൂഖിനെ അദ്ദേഹത്തിന്‍റെ അംഗരക്ഷകര്‍ കാറിന് അടുത്തേക്ക് അനുഗമിക്കുകയായിരുന്നു. ബ്ലാക്ക് ടി ഷര്‍ട്ടും, അതിന് യോജിച്ച ലതര്‍ ജാക്കറ്റും ആണ് ഷാരൂഖ് അണിഞ്ഞിരിക്കുന്നത്. ഒപ്പം സണ്‍ ഗ്ലാസും ഷാരൂഖ് ഇട്ടിരുന്നു.
രാജ്കുമാർ ഹിരാനിയുടെ വരാനിരിക്കുന്ന ചിത്രമായ ഡങ്കിയുടെ ചിത്രീകരണത്തിനായി കഴിഞ്ഞ ആഴ്ച ഷാരൂഖ് കശ്മീരില്‍ ആയിരുന്നു. അതിന് ശേഷം തിരിച്ചുവരുകയായിരുന്നു ഷാരൂഖ്. അതേ സമയം കശ്മീരില്‍ നിന്നും പുറത്തുവന്ന ഫോട്ടോകളില്‍ തണുത്ത കാലാവസ്ഥയിൽ ഷാരൂഖ് തന്റെ ആരാധകർക്കൊപ്പം പോസ് ചെയ്തത് കാണാമായിരുന്നു.
ശ്രീനഗർ വിമാനത്താവളത്തിൽ കഴിഞ്ഞ ആഴ്ച ഷാരൂഖ് എത്തിയപ്പോള്‍ വലിയ ആൾക്കൂട്ടം രൂപപ്പെട്ടതിന്‍റെ വീഡിയോ വൈറലായിരുന്നു. വിമാനത്താവളത്തിൽ ജനക്കൂട്ടം നടനെ വളയുന്നത് വീഡിയോയിൽ കാണാമായിരുന്നു. പിന്നീട് ഷാരൂഖിനെ സുരക്ഷാ ഉദ്യോഗസ്ഥർ ജനക്കൂട്ടത്തിൽ നിന്ന് രക്ഷപ്പെടുത്തി കൊണ്ടുപോവുകയായിരുന്നു.
സംവിധായകൻ രാജ്കുമാർ ഹിരാനി, നടി തപ്‌സി പന്നു എന്നിവരുമായി ഷാരൂഖ് ആദ്യമായി ഒന്നിക്കുന്ന ചിത്രമാണ് ഡങ്കി. ഈ വർഷം അവസാനം ചിത്രം തിയേറ്ററുകളിൽ റിലീസ് ചെയ്യും.
'സ്വര്‍ണ്ണം കൊണ്ടാണോ വസ്ത്രം ഉണ്ടാക്കിയത്' : ആര്യന്‍ ഖാന്‍റെ വസ്ത്ര ബ്രാന്‍റിന് ട്രോള്‍ മഴ.!
സ്ത്രീ ശരീരം അമൂല്യം, അത് മൂടി വയ്ക്കുന്നതാണ് നല്ലത് : സല്‍മാന്‍ ഖാന്‍
