മകന്‍ ആര്യന്‍ ഖാന്‍റെ സംവിധാനത്തില്‍ ഷാരൂഖ് - വീഡിയോ ഇറങ്ങി
ആര്യന്‍ ഖാന് അച്ഛനെ സംവിധാനം ചെയ്യുന്ന ചിത്രം നേരത്തെ സുഹാന ഖാന് പങ്കുവച്ചിരുന്നു. ഇന്‍സ്റ്റഗ്രാം സ്റ്റോറിയായാണ് സുഹാന ഈ ചിത്രം പങ്കുവച്ചത്.
 )
Followകൊച്ചി: ഷാരൂഖ് ഖാന് അഭിനയിച്ച മകന്‍ ആര്യന്‍ ഖാന് സംവിധാനം ചെയ്ത പരസ്യചിത്രം ഇറങ്ങി. ഡി യാവോൾ എക്സ് ( D'yavol X) എന്ന് ആര്യന്‍ ഖാന് ബിസിനസ് പങ്കാളിത്തമുള്ള പ്രിമീയം ബ്രാന്‍റിന്‍റെ പരസ്യത്തിലാണ് ഷാരൂഖ് അഭിനയിച്ചിരിക്കുന്നത്.
ഡി യാവോൾ എന്ന പേരിന് മുന്നില്‍ ഒരു കറുത്ത ബോര്‍ഡില്‍ എഴുത്തുകുത്തുകള്‍ നടത്തുന്ന ആര്യനെയാണ് പരസ്യത്തില്‍ ആദ്യം കാണുന്നത്. പിന്നീട് അത് ഉപേക്ഷിച്ച് എഴുതിയതെല്ലാം ചുവന്ന പെയിന്‍റില്‍ വെട്ടിട്ട് ആര്യന്‍ നിരാശയോടെ ചുവന്ന പെയിന്‍റ് ബ്രഷ് എറിഞ്ഞ് കളഞ്ഞ് പോകുന്നു. എന്നാല്‍ പിന്നാലെയെത്തുന്ന ഷാരൂഖ് അതില്‍ ഒരു വെട്ട് കൂടിയിട്ട് അതിനെ ഡി യാവോൾ എക്സ് എന്ന് ആക്കുന്നു.
ആര്യന്‍ ഖാന് അച്ഛനെ സംവിധാനം ചെയ്യുന്ന ചിത്രം നേരത്തെ സുഹാന ഖാന് പങ്കുവച്ചിരുന്നു. ഇന്‍സ്റ്റഗ്രാം സ്റ്റോറിയായാണ് സുഹാന ഈ ചിത്രം പങ്കുവച്ചത്. നീല ഷര്‍ട്ടില്‍ മോണിറ്ററില്‍ നോക്കിയിരിക്കുന്ന ആര്യന്‍ ഖാന്‍റെ ചിത്രമാണ് സുഹാന പങ്കുവച്ചിരിക്കുന്നത്. തിങ്കളാഴ്ച ഈ പരസ്യത്തിന്‍റെ ടീസര്‍ ആര്യന്‍ ഖാന് തന്റെ സോഷ്യല്‍ മീഡിയ പ്ലാറ്റ്ഫോമില്‍ പുറത്തുവിട്ടിരുന്നു. ചൊവ്വാഴ്ചയാണ് ടീസര്‍ പുറത്തുവിട്ടത്.
അതേ സമയം റെഡ് ചില്ലീസ് എന്റർടൈൻമെന്റ് നിർമ്മിക്കുന്ന സീരീസിലൂടെ എഴുത്തുകാരനായും സംവിധായകനായും താൻ അരങ്ങേറ്റം കുറിക്കുന്നുവെന്ന് കഴിഞ്ഞ ഡിസംബറില്‍ ആര്യൻ ഖാൻ തന്നെ സ്ഥിരീകരിച്ചിരുന്നു. ഒരു മുൻനിര പ്ലാറ്റ്‌ഫോമിനായി 2023-ന്റെ തുടക്കത്തോടെ പദ്ധതി ആരംഭിക്കും എന്നാണ് ഇദ്ദേഹം അറിയിച്ചത്. പിതാവ് ഷാരൂഖ് ഖാനും പുതിയ രംഗത്തെക്കുള്ള മകന്‍റെ പ്രവേശനത്തിന് തന്റെ ആശംസകൾ അറിയിച്ചിരുന്നു.
ഇതിന് പിന്നാലെയാണ് ബിസിനസ് രംഗത്തേക്കും കടക്കുകയാണെന്നും ജൂനിയര്‍ ഖാന് വ്യക്തമാക്കിയത്. പങ്കാളികളായ ബണ്ടി സിംഗ്, ലെറ്റി ബ്ലാഗോവ എന്നിവരുമായി ചേര്‍ന്ന് ഡി യാവോൾ ( D'YAVOL) എന്ന ഫാഷന്‍ ബ്രാന്‍റാണ് ഇദ്ദേഹം ആരംഭിച്ചിരിക്കുന്നത്. ആഡംബര ജീവിതശൈലി പിന്തുടര്‍ന്നവര്‍ക്കായുള്ള പ്രോഡക്ടുകളാണ് ഈ ബ്രാന്‍റില്‍ നിന്നും വരുക എന്നാണ് പിങ്ക് വില്ല റിപ്പോര്‍ട്ട് ചെയ്യുന്നത്. ഇവരുടെ സ്ട്രീറ്റ് വെയര്‍ പരസ്യമാണ് ഇപ്പോള്‍ ഷാരൂഖിനെ വച്ച് ഇറങ്ങിയിരിക്കുന്നത്.
വന്‍ ബംഗ്ലാവ് പണിയുന്നു; അടുത്ത് തന്നെ 37.8 കോടിയുടെ അപ്പാര്‍ട്ട്മെന്‍റ് വാങ്ങി ആലിയ ഭട്ട്
"ഇന്ത്യന്‍ ചരിത്രത്തിലെ ഏറ്റവും രഹസ്യമായ മിഷന്‍": സ്പൈ ത്രില്ലര്‍ ഐബി 71 ന്റെ ട്രെയിലര്‍ ഇറങ്ങി
