Palunku : താരങ്ങളുടെ വിവാഹവീട്ടിലേക്ക് 'ദീപ്തി ഐപിഎസ്' എത്തുന്നു
പരസ്പരം എന്ന ഏഷ്യാനെറ്റ് പരമ്പരയിലൂടെ മലയാളിക്ക് വളരെ പ്രിയങ്കരിയായ താരമാണ് ഗായത്രി അരുണ്‍.
 )
Followസൂപ്പര്‍ഹിറ്റ് ബംഗാളി (Bengali serial) പരമ്പരയായ ഖോര്‍ഖുട്ടോയുടെ (Khorkuto) റീമേക്കായി ഏഷ്യാനെറ്റില്‍ സംപ്രേഷണം ആരംഭിച്ച പരമ്പരയാണ് പളുങ്ക് (Palunku). ലീന ഗംഗോപാദ്യായ് (Leena gangopadhyay) എന്ന ബംഗാളി എഴുത്തുകാരിയുടെ കഥയാണ് ഖോര്‍ഖുട്ടോയുടേത്. ഇവരുടെ തന്നെ പല സൂപ്പര്‍ഹിറ്റ് പരമ്പരകളും മലയാളത്തിലേക്കും മറ്റ് ഭാഷകളിലേക്കും പല തവണ റീമേക്കായി വന്നിട്ടുണ്ട്. ഖോര്‍ഖുട്ടോ പളുങ്കായി മലയാളത്തില്‍ എത്തിയപ്പോഴും നല്ല സ്വീകാര്യതയാണ് പ്രേക്ഷകര്‍ക്കിടയില്‍നിന്നും കിട്ടുന്നത്. ശാസ്ത്രഞ്ജനായ നായകന്‍ വീട്ടുകാരുടെ നിര്‍ബന്ധത്തിന് വഴങ്ങി വിവാഹത്തിന് തയ്യാറാകുന്നതും മറ്റുമാണ് പരമ്പരയുടെ പ്രധാന പ്രതിപാദ്യ വിഷയമെങ്കിലും, ഒരു തെളിവുമില്ലാത്ത ഒരു അപകടത്തിൻറെ പുറകേയാണ് പരമ്പര മുന്നോട്ട് പോകുന്നതെന്ന് മനസ്സിലാക്കാം.
ലക്ഷ്മിപ്രിയ(Lakshmipriya), രാജേഷ് ഗബ്ബാര്‍(Rajesh Gabbar), തേജസ് ഗൗഡ(Tejus Gowda), ഖുഷി സമ്പത്ത്(Khushi Sampath) തുടങ്ങിയ സൂപ്പര്‍ താരങ്ങളെ അണി നിരത്തിയാണ് പളുങ്ക് പ്രേക്ഷകരുടെ ഇടയിലേക്ക് എത്തിയത്. പ്രധാന കഥാപാത്രങ്ങളായ ദീപക് നിള എന്നിവരുടെ വിവാഹത്തിലേക്കാണ് പരമ്പര ഇപ്പോള്‍ എത്തിയിരിക്കുന്നത്. പരസ്പരം ഇഷ്ടമില്ലാത്ത രണ്ടുപേരെ ഒന്നിപ്പിക്കാനുള്ള ശ്രമമായിരുന്നു പരമ്പരയില്‍ ഇതുവരെ നടന്നിരുന്നത്. പണക്കാരായ രണ്ട് കുടുംബങ്ങളിലെ പ്രശ്‌നങ്ങളും, പണം കൂടുമ്പോള്‍ ബന്ധങ്ങളിലെ ആഴം കുറയുന്നു എന്ന് പറയപ്പെടുന്ന പ്രശ്‌നങ്ങളുമെല്ലാം പരമ്പരയിലും കാണാം.
പരസ്പരം എന്ന ഏഷ്യാനെറ്റ് പരമ്പരയിലൂടെ മലയാളിക്ക് വളരെ പ്രിയങ്കരിയായ താരമാണ് ഗായത്രി അരുണ്‍. പരമ്പരയ്ക്കുശേഷം ബിഗ് സ്‌ക്രീനിലേക്കും എഴുത്തുകാരിയായും മാറിയ ഗായത്രി സോഷ്യല്‍മീഡിയയിലും സജീവമാണ്. നിള ദീപക് വിവാഹത്തിന് താനെത്തുന്നു എന്ന് പറഞ്ഞുള്ള ഗായത്രിയുടെ വീഡിയോ വൈറലായിക്കഴിഞ്ഞു. ഏഷ്യാനെറ്റ് പങ്കുവച്ച പ്രൊമോയിലാണ് താന്‍ വിവാഹത്തിന് എത്തുന്നുവെന്ന് താരം അറിയിച്ചത്. പരസ്പരം പരമ്പരയിലെ ദീപ്തിയുടെ മാസ് രംഗങ്ങള്‍ കാണിച്ചാണ് ഗായത്രി പളുങ്കിലെത്തുന്നു എന്ന വിശേഷം ഏഷ്യാനെറ്റ് അറിയിച്ചത്.
മലയാളികള്‍ക്ക് അധികം പരിചയമില്ലാത്ത കോംപ്ലിക്കേഷനുള്ള പരമ്പരയാണ് പളുങ്ക്. അതുകൊണ്ടുതന്നെ മറ്റ് പരമ്പരകളുടെ പ്രേക്ഷകര്‍ക്ക് പളുങ്കിനോട് യോജിക്കാന്‍ സമയം ആവശ്യമാണെന്നാണ് കരുതുന്നത്. കൂടാതെ പരമ്പരയിലെ നായകനടക്കം ഉള്ളവരുടെ ഡബ്ബിംഗ് പ്രശ്‌നവുമെല്ലാം പരമ്പരയുടെ കാഴ്ച്ചക്കാര്‍ പലപ്പോഴായി പറഞ്ഞിട്ടുണ്ട്. എങ്കിലും റേറ്റിംഗില്‍ വലിയ പരമ്പരകളോട് പിടിച്ചു നില്‍ക്കാന്‍ പളുങ്കിന് കഴിയുന്നുണ്ട്. നിള ദീപക് വിവാഹത്തിന്റേതായി കാണിക്കുന്ന പ്രൊമോയില്‍ ആളുകളെ ഞെട്ടിക്കുന്ന, രക്തരൂക്ഷിതമായ എപ്പിസോഡുകളാണ് വരാനിരിക്കുന്നതെന്ന സൂചനയാണുള്ളത്.
പ്രൊമോ കാണാം
