"പിടിച്ചത് ശരിക്കും പാമ്പിനെ": തനിക്കെതിരെയുള്ള 'പാമ്പ്' ട്രോളുകളില്‍ പ്രതികരിച്ച് മേഘ്ന വിൻസന്‍റ്

കൊച്ചി: ടെലിവിഷന്‍ പ്രേക്ഷകര്‍ക്ക് പ്രിയങ്കരിയായി മാറിയ താരമാണ് മേഘ്‌ന വിന്‍സെന്റ്. സോഷ്യല്‍മീഡിയയില്‍ സജീവമായ മേഘ്‌ന പങ്കിടുന്ന വിശേഷങ്ങള്‍ പെട്ടെന്ന് തന്നെ വൈറലായി മാറാറുണ്ട്. സീ കേരളം ചാനലില്‍ സംപ്രേഷണം ചെയ്തുവരുന്ന മിസിസ് ഹിറ്റ്‌ലറില്‍ അഭിനയിച്ച് വരികയാണ് താരം. 

ചന്ദനമഴയിലെ അമൃതയെപ്പോലെ തന്നെ ആരാധകര്‍ ജ്യോതിയേയും ഏറ്റെടുത്ത് കഴിഞ്ഞതാണ്. പരമ്പരയ്ക്ക് ലഭിക്കുന്ന സ്വീകാര്യതയില്‍ സന്തോഷമുണ്ടെന്നും എന്നുംഈ പിന്തുണ വേണമെന്നും താരം പറഞ്ഞിരുന്നു. യൂട്യൂബ് ചാനലിലൂടെയായും മേഘ്‌ന വിശേഷങ്ങള്‍ പങ്കിടാറുണ്ട്. വീട് പണിയുടെ വിശേഷങ്ങളും പുതിയ വീട്ടിലേക്ക് മാറിയത്തുമെല്ലാം താരം പ്രേക്ഷകരെ അറിയിച്ചിരുന്നു. 

കഴിഞ്ഞ കുറച്ചു നാളുകളായി സോഷ്യൽ മീഡിയയിൽ പ്രചരിക്കുന്ന ട്രോളിനെ കുറിച്ച് പ്രതികരിച്ചിരിക്കുകയാണ് നടി. ചന്ദനമഴ സീരിയലിലെയാണ് രംഗങ്ങൾ. ഇന്ത്യാ ​ഗ്ലിറ്റ്സിനോടാണ് പ്രതികരണം. സീരിയലിലെ പാമ്പിനെ എടുക്കുന്ന രം​ഗം വൈറലായതിനെക്കുറിച്ചാണ് മേഘ്ന സംസാരിച്ചത്. 

'ശരിക്കും ഞാൻ പാമ്പിനെ എടുത്തു. ചെറിയൊരു പാമ്പാണെന്നാണ് എന്നോട് പറഞ്ഞത്. പിടിക്കാൻ പറഞ്ഞപ്പോൾ പേടിച്ചിട്ടാണെങ്കിലും പിടിച്ചു. മോളേ മുറുക്കി പിടിക്കരുത് ചിലപ്പോൾ ചുറ്റാൻ സാധ്യതയയുണ്ടെന്ന് പറഞ്ഞു. ഞാൻ ഭയങ്കരമായി ലൂസായി പിടിച്ചു. അപ്പോൾ പാമ്പ് ഇഴയും. ആദ്യം പിടിച്ചപ്പോൾ പാമ്പ് തിരിഞ്ഞ് നോക്കി. മൂന്ന് ലോകം കണ്ടു. ആദ്യത്തെ ടേക്ക് ഓക്കെയായി. രണ്ടാമത്തെ ഷോട്ടിൽ പാമ്പ് ചീറ്റി. ഞാൻ വിട്ടില്ല. ക്യാമറമാൻ ചേട്ടൻ ക്യാമറയിട്ട് ഓടിക്കളഞ്ഞു'വെന്നും നടി പറയുന്നു. അതിന് ശേഷം പാമ്പിനോട് പേടി തോന്നിയിട്ടില്ലെന്നും മേഘ്ന കൂട്ടിച്ചേർക്കുന്നു.

അരുവിക്കരയിൽ വെച്ച് കേരളത്തിൽ റോഡ് മോശമായത് കാരണം കാറിൽ ഇരുന്ന് മേക്കപ്പ് ചെയ്യാൻ പറ്റുന്നില്ലെന്ന് മേഘ്ന പറഞ്ഞത് വൻ ട്രോളായിരുന്നു. ഇതേക്കുറിച്ചും നടി സംസാരിച്ചു. അന്ന് രാഷ്ട്രീയത്തെ കുറിച്ച് ഒന്നും അറിയില്ലായിരുന്നെന്നും ഇപ്പോൾ ഓർക്കുമ്പോൾ എന്ത് മണ്ടത്തരമാണ് പറഞ്ഞതെന്ന് മനസിലാകുന്നതെന്നും മേഘ്ന വ്യക്തമാക്കുന്നു.

'മഹേഷും മാരുതിയും' വരുന്നൂ, ആസിഫ് ചിത്രത്തിന്റെ റിലീസ് പ്രഖ്യാപിച്ചു

അക്ഷയ് കുമാറിന് ഒരു പതിറ്റാണ്ടിനിടെ ഏറ്റവും ദുരന്ത ഞായര്‍; ബോക്സ് ഓഫീസില്‍ തകര്‍ന്ന് 'സെല്‍ഫി'
 

• Meghna vincent
• snake