ഡാന്‍സ് റീലുമായി 'കുടുംബവിളക്ക്' താരങ്ങള്‍; വീഡിയോ
ശരണ്യയാണ് വീഡിയോ പങ്കുവച്ചിരിക്കുന്നത്
 )
Followമലയാളി മിനിസ്ക്രീന്‍ പ്രേക്ഷകരുടെ പ്രിയ പരമ്പരയാണ് കുടുംബവിളക്ക്. മീര വാസുദേവ് സുമിത്ര എന്ന കഥാപാത്രത്തെ അവതരിപ്പിക്കുമ്പോള്‍ ശരണ്യ ആനന്ദ് 'വേദിക'യായാണ് പരമ്പരയില്‍ എത്തുന്നത്. സുമിത്രയില്‍ നിന്ന് ഭര്‍ത്താവിനെ തട്ടിയെടുക്കുന്ന 'വേദിക'യുടെയും നിലനില്‍പ്പിനായി പൊരുതുന്ന സുമിത്രയുടെയും കഥയാണ് പരമ്പര പറയുന്നത്. ജീവിത വിജയം കൈവരിച്ച സുമിത്രയോട് മുന്‍ ഭര്‍ത്താവ് സിദ്ധാര്‍ത്ഥിനും അയാളോട് അടുപ്പമുള്ളവര്‍ക്കുമുള്ള അസഹിഷ്ണുതയും മറ്റു സംഭവവികാസങ്ങളുമാണ് പരമ്പരയുടെ നിലവിലെ കഥാഗതി.
സുമിത്രയുടെ മകളായ ശീതളിന്റെ വിവാഹം സംബന്ധിച്ച പ്രശ്‌നങ്ങളും മറ്റുമാണ് ഇപ്പോള്‍ പരമ്പരയില്‍ നടക്കുന്നത്. വിവാഹം നടക്കുമോ, അതോ മയക്കുമരുന്ന് സംഘത്തിന്റെ ഇടപെടല്‍ കാരണം എല്ലാം മുടങ്ങുമോ എന്ന ടെന്‍ഷനിലാണ് കഥാഗതി. എന്നാല്‍ സീരിയലിന്‍റെ സെറ്റില്‍ നിന്നുള്ള റീല്‍ വീഡിയോകളില്‍ ആര്‍ക്കും ടെന്‍ഷനില്ല എന്ന് മാത്രമല്ല, കല്യാണപ്പെണ്ണ് അടക്കമുള്ളവര്‍ ഡാന്‍സ് ചെയ്യുകയുമാണ്. പരമ്പരയിലെ പൂജ, വേദിക, സഞ്ജന, ശീതള്‍ തുടങ്ങിയവരെയെല്ലാം ഡാന്‍സ് റീലില്‍ കാണാം. മനോഹരമായ റീലുകള്‍ പങ്കുവച്ചിരിക്കുന്നത് വേദികയായി സ്‌ക്രീനിലെത്തുന്ന ശരണ്യയാണ്. സീരിയലില്‍ നെഗറ്റീവ് റോളിലാണ് ശരണ്യ എത്തുന്നതെങ്കിലും പ്രേക്ഷകരുടെ ഇഷ്ടം നേടിയെടുക്കാന്‍ ശരണ്യക്ക് സാധിച്ചിട്ടുണ്ട്. മുന്‍പ് സിനിമയില്‍ ലീഡ് റോള്‍ ചെയ്തിട്ടുണ്ടെങ്കിലും തന്റെ കരിയറില്‍ തന്നെ വലിയ വഴിത്തിരിവായി മാറിയ കഥാപാത്രമാണിതെന്ന് ശരണ്യ പറഞ്ഞിട്ടുമുണ്ട്. സോഷ്യല്‍ മീഡിയയിലും വളരെ സജീവമാണ് താരങ്ങളില്‍ ഒരാളാണ് ശരണ്യ ആനന്ദ്.
ഡാന്‍സെല്ലാം സൂപ്പറാണെന്നാണ് ആരാധകര്‍ പറയുന്നത്. അതിനിടെ ചിലര്‍ കുടുംബവിളക്കിലെ വിവാഹവിശേഷങ്ങള്‍ ചോദിക്കുന്നുമുണ്ട്. സെറ്റില്‍ നിന്നും ഒരേ വസ്ത്രത്തിലുള്ള നാല് റീലുകളാണ് ശരണ്യ പങ്കുവച്ചിരിക്കുന്നത്. പരമ്പരയില്‍ പൂജയായി എത്തുന്ന ഐശ്വര്യയാണ് മിക്ക ഡാന്‍സിലും ശരണ്യയ്ക്ക് കൂട്ടിനുള്ളത്. വലിയ സ്‌റ്റെപ്പുകളൊന്നും അല്ലെങ്കിലും സംഗതി കലക്കിയിട്ടുണ്ടെന്ന് കാണുന്ന ആര്‍ക്കും തോനുന്ന തരത്തിലുള്ള സ്‌റ്റെപ്പുകളാണ് റീലിലുള്ളത്.
ALSO READ : 'മുണ്ടുടുത്ത് എത്തുമോ റൊണാള്‍ഡോ'? ട്രോളിന് മറുപടിയുമായി ശോഭ വിശ്വനാഥ്
