ഏഷ്യാനെറ്റില്‍ 'കുക്ക് വിത്ത് കോമഡി'; വിധികര്‍ത്താക്കളായി ധ്യാനും ആനിയും
ലോഞ്ച് എപ്പിസോഡ് മെയ് 6 ന്
 )
Followസിനിമ, ടെലിവിഷൻ താരങ്ങളും കേരളത്തിലെ പ്രമുഖ ഹാസ്യതാരങ്ങളും ഒന്നിക്കുന്ന കുക്കിംഗ് റിയാലിറ്റി ഷോ കുക്ക് വിത്ത് കോമഡി ഏഷ്യാനെറ്റിൽ സംപ്രേക്ഷണം ചെയ്യുന്നു. രണ്ട് പേര്‍ വീതമുള്ള ഏഴ് ടീമുകളാണ് ഈ ഷോയിൽ പങ്കെടുക്കുന്നത്. ഓരോ ടീമിലും ഒരു പ്രശസ്തതാരം മത്സരാർഥിയായും സഹായിക്കുന്നതിന് ഒരു ഹാസ്യതാരവും ഉണ്ടാകും.
ഷോയുടെ വിധികർത്താക്കളായി എത്തുന്നത് നടനും സംവിധായകനും കൗണ്ടർ കിംഗുമായ ധ്യാൻ ശ്രീനിവാസനും മലയാളികളുടെ പ്രിയതാരം ആനിയുമാണ്. ഈ ഷോയുടെ അവതാരകയായി എത്തുന്നത് ചലച്ചിത്രതാരം മീര നന്ദനാണ്. വർണ്ണാഭമായ കുക്ക് വിത്ത് കോമഡിയുടെ ലോഞ്ചിംഗ് എപ്പിസോഡിൽ മുഖ്യാതിഥിയായി എത്തുന്നത് പ്രശസ്ത ചലച്ചിത്രതാരം അജു വര്‍ഗീസ് ആണ്. പാചകമേളയ്‌ക്കൊപ്പം വാചകമേളയുമായി എത്തുന്ന കുക്ക് വിത്ത് കോമഡിയുടെ ലോഞ്ച് എപ്പിസോഡ് ഏഷ്യാനെറ്റിൽ മെയ് 6 ശനിയാഴ്ച രാത്രി 7.30 നും തുടർന്ന് എല്ലാ ശനി, ഞായർ ദിവസങ്ങളിൽ രാത്രി 8 മണിക്കും സംപ്രേഷണം ചെയ്യുന്നു.
ALSO READ : കേരളത്തിലും ഹിറ്റ്; 'പൊന്നിയിന്‍ സെല്‍വന്‍ 2' ആദ്യ നാല് ദിവസത്തില്‍ നേടിയത്
