അനിയന്മാരെ ബിസിനസിലേക്ക് തള്ളിവിടാന്‍ ബാലന്‍ : സാന്ത്വനം റിവ്യു
അഞ്ജലിയേയും ശിവനേയും കിട്ടുന്ന തക്കത്തില്‍ത്തന്നെ കളിയാക്കാന്‍ നടക്കുന്ന കഥാപാത്രമാണ് അഞ്ജലിയുടെ കുടുംബക്കാരിയായ ജയന്തി. അതുകൊണ്ടുതന്നെ, ജയന്തി അറിയാതെ ജയന്തിയെക്കൊണ്ട് സാന്ത്വനം വീട്ടിലേക്ക് ചെന്ന് ശിവനേയും അഞ്ജലിയേയും കളിയാക്കിപ്പിക്കുകയാണ് ബാലന്‍.
 )
Followബിസിനസ് എന്നുപറഞ്ഞ് ഓടിക്കൊണ്ടിരുന്ന എല്ലാവരും ഇപ്പോള്‍ വളരെ സന്തോഷത്തോടെയാണ് പഴയ പലചരക്ക് കടയില്‍ ഇരിക്കുന്നത്. ബിസിനസ് പദ്ധതി ഉപേക്ഷിച്ച ശിവനും, വൈറ്റ് കോളര്‍ ജോലിക്ക് പോയിരുന്ന ഹരിയുമെല്ലാം ഇപ്പോള്‍ കൃഷ്ണ സ്‌റ്റോഴ്‌സില്‍ത്തന്നെയാണ്. എല്ലാവരും ചെറിയ സന്തോഷത്തിലേക്ക് ഒതുങ്ങുന്നത് ഇഷ്ടപ്പെടാത്ത ഒരേയൊരാള്‍ വല്ല്യേട്ടനായ ബാലനാണ്.
അതുകൊണ്ടുതന്നെ അനിയന്മാരെ എങ്ങനെയെങ്കിലും തിരികെ ബിസിനസിലേക്ക് എത്തിക്കാനുള്ള കഠിന പരിശ്രമത്തിലാണ് ബാലനുള്ളത്. ബാലന്‍ ആവുന്നത് പറഞ്ഞുനോക്കിയെങ്കിലും ശിവന്‍ അടുക്കാത്തതുകൊണ്ട്, പലരേയുംകൊണ്ട് പരിഹാസത്തിലൂന്നിയ സംഗതികളിലൂടെ ശിവനേയും, അഞ്ജലിയേയും തിരികെ ബിസിനസില്‍ എത്തിക്കാനാണ് ബാലന്റെ ശ്രമം.
അഞ്ജലിയേയും ശിവനേയും കിട്ടുന്ന തക്കത്തില്‍ത്തന്നെ കളിയാക്കാന്‍ നടക്കുന്ന കഥാപാത്രമാണ് അഞ്ജലിയുടെ കുടുംബക്കാരിയായ ജയന്തി. അതുകൊണ്ടുതന്നെ, ജയന്തി അറിയാതെ ജയന്തിയെക്കൊണ്ട് സാന്ത്വനം വീട്ടിലേക്ക് ചെന്ന് ശിവനേയും അഞ്ജലിയേയും കളിയാക്കിപ്പിക്കുകയാണ് ബാലന്‍. ദേവിയ്ക്ക് ബാലന്റെ പെരുമാറ്റത്തില്‍ നല്ല സംശയം തോന്നുന്നെങ്കിലും, ദേവിയോടുപോലും ബാലന്‍ ഒന്നും വിട്ടുപറയുന്നില്ല.
എപ്പോഴും എന്തെങ്കിലുമെല്ലാം പറഞ്ഞ് തന്റെ സംസാരം നിര്‍ത്തിക്കാറുള്ള ബാലന്‍, ഇത്തവണ തന്റെ സംസാരത്തില്‍ ഇടപെടാത്തതില്‍ ജയന്തിയ്ക്കും സംശയമുണ്ട്. ആ സമയത്താണ് ബാലനെ സൂസന്‍ വിളിക്കുന്നത്. ശിവനും അഞ്ജലിക്കുമൊപ്പം ബിസിനസ് ചെയ്യാനൊരുങ്ങുന്ന പങ്കാളിയാണ് സൂസന്‍. ആദ്യമെല്ലാം സൂസന്‍ ചതിക്കുമോയെന്ന ഭയം എല്ലാവര്‍ക്കും ഉണ്ടായിരുന്നെങ്കിലും, സൂസന്‍ ജെന്വിനായ കഥാപാത്രമാണെന്ന് ഇപ്പോള്‍ എല്ലാവര്‍ക്കും മനസ്സിലായിട്ടുണ്ട്.
അഞ്ജലി ബിസിനസ് എഗ്രിമെന്റ് പിന്‍വലിച്ച് പതിനഞ്ച് ലക്ഷം തിരികെ ചോദിച്ചെന്നെല്ലാം പറയാനാണ് സൂസന്‍ ബാലനെ വിളിക്കുന്നത്. ഹരിക്ക് ബിസിനസ് തുടങ്ങാന്‍ പറ്റാത്തതാണ് അവരുടെ വലിയ പ്രശ്‌നമെന്നും സൂസന്‍ പറയുന്നുണ്ട്. കടയിലിരിപ്പ് തുടര്‍ന്നാല്‍ ഇനി ബിസിനസിലേക്ക് ഇറങ്ങുന്ന കാര്യം സംശയമാണ് എന്നുകൂടെ സൂസന്‍ പറഞ്ഞപ്പോള്‍ ബാലന്‍ ആകെ വിളറി. അനിയന്മാരുടെ ബിസിനസ് മോഹങ്ങള്‍ നശിപ്പിച്ച തമ്പിയെ കാണാനാണ് അവസാനമായി ബാലന്‍ പോകുന്നത്.
ശിവനേയും ഹരിയേയുമെല്ലാം കടയില്‍നിന്നും അകറ്റിയല്ലോ എന്ന സന്തോഷത്തില്‍ നില്‍ക്കുന്ന തമ്പിയുടെ അടുക്കല്‍ച്ചെന്ന്, അനിയന്മാരെ തിരികെ കടയിലെത്തിച്ചതിന് നന്ദിയെന്നാണ് ബാലന്‍ പറയുന്നത്. തമ്പി വീണ്ടും എന്തെങ്കിലും ബുദ്ധി കാണിച്ച് അവരെ കടയില്‍ നിന്നിറക്കി, ബിസിനസിലേക്ക് വീണ്ടും തിരിപ്പിക്കും എന്ന ചിന്തയിലാണ് ബാലന്‍ തമ്പിയെ പരമാവധി പരിഹസിച്ച് മടങ്ങുന്നത്. അതോടൊപ്പം സൂസന്‍ അഞ്ജലിയുടെ മനസ്സ് മാറ്റാനുള്ള പദ്ധതികളും തുടങ്ങിയിട്ടുണ്ട്.ഏതായാലും അനിയന്മാരെ തിരികെ ബിസിനസിലേക്ക് എത്തിക്കുമെന്ന വാശിയിലാണ് ബാലന്‍.
കുത്തിത്തിരിപ്പുമായി ജയന്തി സാന്ത്വനം വീട്ടില്‍ : പരമ്പര റിവ്യു
