പൃഥ്വിരാജിനൊപ്പം ചുവടുവച്ച് അക്ഷയ് കുമാർ; വീഡിയോ വൈറല്‍
ഇവിടെ നിന്നുള്ള അക്ഷയ് കുമാറിന്‍റെയും മോഹന്‍ലാലിന്‍റെയും ഡാൻസ് വീഡിയോ ദിവസങ്ങള്‍ക്ക് മുന്‍പ് വൈറലായിരുന്നു.
 )
Followജയ്പൂര്‍: ഒരോ താരത്തിനൊപ്പം ഒരോ ഡാന്‍സ് വീഡിയോകള്‍ ദിവസവും അക്ഷയ് കുമാറിന്‍റെതായി പുറത്തുവരാറുണ്ട്. ജയ്പൂരിൽ നടന്ന വാൾട്ട് ഡിസ്നി കമ്പനി ഇന്ത്യയുടെയും സ്റ്റാർ ഇന്ത്യയുടെയും പ്രസിഡന്‍റ് കെ മാധവന്‍റെ മകന്‍റെ വിവാഹത്തിൽ അക്ഷയ് കുമാർ പങ്കെടുത്തിരുന്നു. കമൽഹാസൻ, മോഹൻലാൽ, ആമിർ ഖാൻ, മുൻ ഭാര്യ കിരൺ റാവു, പൃഥ്വിരാജ് സുകുമാരൻ, കരൺ ജോഹർ എന്നിവരും താരങ്ങളുടെ വിവാഹത്തിൽ പങ്കെടുത്തിരുന്നു.
ഇവിടെ നിന്നുള്ള അക്ഷയ് കുമാറിന്‍റെയും മോഹന്‍ലാലിന്‍റെയും ഡാൻസ് വീഡിയോ ദിവസങ്ങള്‍ക്ക് മുന്‍പ് വൈറലായിരുന്നു. ഇപ്പോള്‍ അക്ഷയ് കുമാറും പൃഥ്വിരാജ് സുകുമാരനും വിവാഹത്തിൽ നൃത്തം ചെയ്യുന്നതിന്‍റെ ഒരു വീഡിയോയും വൈറലാകുകയാണ്. സോഷ്യൽ മീഡിയയിലെ താരങ്ങളുടെ നിരവധി ഫാൻ പേജുകളാണ് വീഡിയോ പങ്കുവെച്ചിട്ടുണ്ട്.
അടുത്തതായി റിലീസാകാനുള്ള അക്ഷയ് കുമാറിന്‍റെ ചിത്രം സെല്‍ഫിയാണ്. പൃഥ്വിരാജ് മലയാളത്തില്‍ നായകനായി എത്തിയ ഡ്രൈവിംഗ് ലൈസന്‍സിന്‍റെ റീമേക്കാണ് ഈ ചിത്രം. സെൽഫിയിൽ അക്ഷയ് കുമാറിനൊപ്പം ഇമ്രാൻ ഹാഷ്മി, നുഷ്രത്ത് ബറൂച്ച, ഡയാന പെന്‍റി എന്നിവരും ഉൾപ്പെടുന്നു. ഫെബ്രുവരി 24ന് ചിത്രം തിയേറ്ററുകളിൽ എത്തുക.
അതേ സമയം ചിത്രത്തിന്‍റെ പ്രമോഷന്‍റെ ഭാഗമായി അക്ഷയ് ഈ ചിത്രത്തിലെ ഗാനങ്ങള്‍ വിവിധ ബോളിവുഡ് താരങ്ങള്‍ക്കൊപ്പം ഡാന്‍സ് ചെയ്തിട്ടുണ്ട്. മെം ഖിലാഡി എന്ന റീമിക്സ് ഗാനത്തില്‍ സല്‍‍മാന്‍ ഖാന്‍, ടൈഗര്‍ ഷെരോഫ് എന്നിവര്‍ക്കൊപ്പവും സെല്‍ഫിയിലെ ഗാനത്തിനൊപ്പം നോറ ഫത്തേഹിക്കൊപ്പവും അക്ഷയ് ഡാന്‍സ് കളിച്ച വീഡിയോകള്‍ വൈറലാണ്.
