'നീ പൊന്നപ്പനല്ലടാ തങ്കപ്പനാ..'; സിംഹത്തോട് കുശലം പറഞ്ഞ് അജു വർഗീസ്, വീഡിയോ
മൃഗശാലയിലെ കണ്ണാടി കൂടിനുള്ളിൽ കിടക്കുന്ന സിംഹത്തോടാണ് അജുവിന്റെ കുശലം പറച്ചിൽ.
 )
Followമലയാള സിനിമയിലെ മുന്‍നിര നടന്മാരിൽ ഒരാളാണ് അജു വര്‍ഗീസ്. മലർവാടി ആർട്സ് ക്ലബ്ബ് എന്ന ചിത്രത്തിലൂടെ മലയാളികളുടെ മനസ്സിൽ ഇടംനേടിയ താരം, ചുരുങ്ങിയ കാലംകൊണ്ടാണ് മലയാള സിനിമയിൽ തന്റേതായൊരിടം സ്വന്തമാക്കിയത്. കോമഡി വേഷങ്ങളില്‍ നിന്നും നായകനിലേക്ക് ചുവടുമാറ്റിയ അജു ഈയ്യടുത്ത് ക്യാരക്ടര്‍ റോളുകളിലും വില്ലന്‍ വേഷത്തിലുമെല്ലാം കയ്യടി നേടിയിരുന്നു. ഇപ്പോഴിതാ അജു പങ്കുവച്ചൊരു വീഡിയോയാണ് ശ്രദ്ധനേടുന്നത്.
സിംഹത്തോട് കുശലം പറയുന്ന വീഡിയോയാണ് അജു പങ്കുവച്ചിരിക്കുന്നത്. മൃഗശാലയിലെ കണ്ണാടി കൂടിനുള്ളിൽ കിടക്കുന്ന സിംഹത്തോടാണ് അജുവിന്റെ കുശലം പറച്ചിൽ. അജുവിനെ കണ്ടതും അടുത്തേക്ക് വന്ന സിംഹം കണ്ണാടിക്കടുത്ത് തന്നെ കിടക്കുന്നതും വീഡിയോയിൽ കാണാം. 'മാന്നാര്‍ മത്തായി സ്പീകിങ്ങി'ൽ ജനാർദ്ദനന്റെ 'നീ പൊന്നപ്പനല്ലടാ തങ്കപ്പനാ.. തങ്കപ്പൻ'എന്ന ഹിറ്റ് സംഭാഷണത്തോടെയാണ് അജു വീഡിയോ പങ്കുവച്ചിരിക്കുന്നത്. വീഡിയോ പുറത്തുവന്നതിന് പിന്നാലെ നിരവധി പേരാണ് കമന്റുകളുമായി രംഗത്തെത്തിയിരിക്കുന്നത്. 'ഗ്ലാസ് ഇല്ലായിരുന്നെങ്കിൽ എന്റെ ശിവനെ..ഗ്ലാസ് ഉള്ളത് നന്നായി', എന്നിങ്ങനെ പോകുന്നു കമന്റുകൾ.
അതേസമയം, നിവിന്‍ പോളി കേന്ദ്രകഥാപാത്രത്തെ അവതരിപ്പിക്കുന്ന 'സാറ്റര്‍ഡേ നൈറ്റ്' എന്ന ചിത്രമാണ് അജുവിന്‍റേതായി റിലീസിനൊരുങ്ങുന്നത്. റോഷന്‍ ആന്‍ഡ്രൂസ് ആണ് സംവിധായകന്‍. കായംകുളം കൊച്ചുണ്ണി എന്ന വിജയ ചിത്രത്തിനു ശേഷം റോഷന്‍ ആൻഡ്രൂസും നിവിൻ പോളിയും ഒന്നിക്കുന്ന ചിത്രമാണ് ഇത്. സിജു വിൽസൻ, സൈജു കുറുപ്പ്, ഗ്രേസ് ആന്റണി, സാനിയ ഇയ്യപ്പൻ, മാളവിക, പ്രതാപ് പോത്തൻ, ശാരി, വിജയ് മേനോൻ, അശ്വിൻ മാത്യു എന്നിവർ മറ്റു പ്രധാന കഥാപാത്രങ്ങളെ അവതരിപ്പിക്കുന്നു. കോമഡി എന്‍റര്‍ടെയ്നര്‍ വിഭാഗത്തില്‍ പെടുന്ന ചിത്രത്തിന്റെ നിര്‍മ്മാണം അജിത്ത് വിനായക ഫിലിംസിന്റെ ബാനറിൽ വിനായക അജിത്ത് ആണ്.
നിത്യ ദാസിന്റെ ഗംഭീര തിരിച്ചുവരവ്; വിനീത് ശ്രീനിവാസന്റെ ശബ്ദത്തിൽ 'പള്ളിമണി' സോംഗ്
