കൊവിഡ് ബാധിച്ച് മലയാളി നഴ്‍സ് സൗദി അറേബ്യയിൽ മരിച്ചു
അൽഅഹ്‍സയിലെ കിങ് ഫഹദ് ആശുപത്രിയിൽ തിങ്കളാഴ്‍ച രാവിലെയായിരുന്നു മരണം. മൂന്നാഴ്‍ചയായി ഇതേ ആശുപത്രിയിൽ ചികിത്സയിലായിരുന്നു.
 )
Followറിയാദ്: സൗദി അറേബ്യയിൽ കൊവിഡ് ബാധിച്ച് മലയാളി നഴ്‍സ് മരിച്ചു. എറണാകുളം കോതമംഗലം കീരൻപാറ തെക്കേകുടി കുടുംബാംഗം ബിജി ജോസ് (52) ആണ് അൽഅഹ്‍സയിലെ കിങ് ഫഹദ് ആശുപത്രിയിൽ തിങ്കളാഴ്‍ച രാവിലെ മരിച്ചത്.
മൂന്നാഴ്‍ചയായി ഇതേ ആശുപത്രിയിൽ ചികിത്സയിലായിരുന്നു. ന്യുമോണിയ മൂർഛിച്ചതും ശ്വാസതടസവും മരണ കാരണമായി. ഭർത്താവ്: ജോസ്. മകനും മകളുമുണ്ട്. ഭർത്താവും ഒരു കുട്ടിയും അൽഅഹ്‍സയിൽ ഒപ്പമുണ്ടായിരുന്നു. മക്കളിൽ ഒരാൾ നാട്ടിലാണ്.
