മുകേഷ് അംബാനിയുടെ മകൻ്റെ വിവാഹത്തിൽ പങ്കെടുക്കുക ആരൊക്കെ; മാർക്ക് സക്കർബർഗ് മുതൽ ബിൽ ഗേറ്റ്സ് വരെ പട്ടികയിൽ

രാജ്യത്തെ ഏറ്റവും വലിയ ധനികനായ മുകേഷ് അംബാനിയുടെ ഇളയ മകനായ അനന്ത് അംബാനിയുടെ വിവാഹ ചടങ്ങുകൾക്ക് കോടിയേരി കഴിഞ്ഞു. ഈ മാസം ആദ്യം വിവാഹത്തിന് മുമ്പുള്ള ആഘോഷങ്ങൾ പരമ്പരാഗത ഗുജറാത്തി രീതിയിൽ അംബാനി കുടുംബം ആഘോഷിച്ചു. അനന്തിന്റെയും രാധിക മർച്ചന്റിന്റെയും വിവാഹത്തിന് മുമ്പുള്ള ആഘോഷങ്ങൾ മാർച്ച് 1-ന് ആരംഭിച്ച് 2024 മാർച്ച് 3 വരെ ഗുജറാത്തിലെ ജാംനഗറിൽ തുടരും. ജാംനഗർ സ്വദേശികളാണ് അംബാനിമാർ. 

രാജ്യം ഏറെ ആകാംക്ഷയോടെ കാത്തിരിക്കുന്ന ചടങ്ങുകളിലൊന്നാണ് ഈ അതിഗംഭീരം വിവാഹം. ചടങ്ങിൽ പങ്കെടുക്കുമെന്ന് പ്രതീക്ഷിക്കുന്നവരിൽ മെറ്റാ സിഇഒ മാർക്ക് സക്കർബർഗ്, മോർഗൻ സ്റ്റാൻലി സിഇഒ ടെഡ് പിക്ക്, മൈക്രോസോഫ്റ്റ് സ്ഥാപകൻ ബിൽ ഗേറ്റ്സ്, ഡിസ്നി സിഇഒ ബോബ് ഇഗർ, ബ്ലാക്ക് റോക്ക് സിഇഒ ലാറി ഫിങ്ക്, അഡ്‌നോക് സിഇഒ സുൽത്താൻ അഹമ്മദ് അൽ ജാബർ, ഇഎൽ റോത്‌സ്‌ചൈൽഡ് ചെയർ ലിൻ ഫോറസ്റ്റർ ഡി റോത്ത്‌ചൈൽഡ് എന്നിവരും ഉൾപ്പെടുന്നു.

ഖത്തർ പ്രധാനമന്ത്രി മുഹമ്മദ് ബിൻ അബ്ദുൽറഹ്മാൻ ബിൻ ജാസിം അൽ താനി, ബിപി സിഇഒ മുറെ ഓച്ചിൻക്ലോസ്, കോളനി ക്യാപിറ്റൽ ചെയർമാനും സ്ഥാപകനുമായ തോമസ് ബാരാക്ക്, മുൻ സ്വീഡൻ പ്രധാനമന്ത്രി കാൾ ബിൽഡ്,  ജെസി2 വെഞ്ചേഴ്‌സ് സിഇഒ ജോൺ ചേമ്പേഴ്‌സ്, എക്‌സോർ എക്‌സിക്യുട്ടീവ് ചെയർമാൻ ജോൺ എൽകാൻ, എൻഡവർ സിഇഒ ഏരി ഇമ്മാനുവൽ, ജനറൽ അറ്റ്ലാൻ്റിക് ചെയർമാനും സി.ഇ.ഒ. സ്റ്റീഫൻ ഷ്വാർസ്മാൻ, ബ്ലാക്ക്സ്റ്റോൺ ഗ്രൂപ്പ് സ്ഥാപകൻ; ബ്രയാൻ തോമസ് മൊയ്‌നിഹാൻ, ബാങ്ക് ഓഫ് അമേരിക്ക ചെയർമാൻ കാർലോസ് സ്ലിം, സാംസങ് ഇലക്‌ട്രോണിക്‌സ് എക്‌സിക്യൂട്ടീവ് ചെയർമാൻ ജെയ് ലീ, മോർഗൻ സ്റ്റാൻലി മാനേജിംഗ് ഡയറക്ടർ മൈക്കൽ ഗ്രിംസ്, കാനഡ മുൻ പ്രധാനമന്ത്രി സ്റ്റീഫൻ ഹാർപ്പർ, ഗൂഗിൾ പ്രസിഡൻ്റ് ഡൊണാൾഡ് ഹാരിസൺ എന്നിവർ ചടങ്ങിൽ പങ്കെടുത്തേക്കും എന്നാണ് സൂചന. 

2023 ജനുവരിയിൽ മുംബൈയിലെ ആൻ്റിലിയയിൽ വച്ച് അനന്ത് അംബാനിയുടെയും രാധിക മർച്ചൻ്റിന്റെയും വിവാഹ നിശ്ചയം നടന്നു. ഷാരൂഖ് ഖാൻ, രൺബീർ കപൂർ, ആലിയ ഭട്ട്, സൽമാൻ ഖാൻ, ജാൻവി കപൂർ, രൺവീർ സിംഗ് തുടങ്ങി നിരവധി ബോളിവുഡ് താരങ്ങൾ ചടങ്ങിൽ പങ്കെടുത്തു.

• Anant Ambani