ബീവറേജിൽ നിന്ന് മദ്യം വാങ്ങാൻ പേഴ്സിൽ നിന്ന് പണം എടുത്ത് എണ്ണവെ തട്ടിപ്പറിച്ച് ഓടി, പ്രതിയെ പൊലീസ് പിടികൂടി
1200 രൂപയാണ് ഇയാൾ വിജിത്തിൽ നിന്നും തട്ടിയെടുത്തത്
ഹരിപ്പാട്: ബീവറേജ് കോർപ്പറേഷനിൽ മദ്യം വാങ്ങാൻ എത്തിയ ആളുടെ കയ്യിൽ നിന്നും പണം തട്ടിയെടുത്ത പ്രതി പിടിയിൽ. പള്ളിപ്പാട് തെക്കേക്കര കിഴക്ക് ശ്രുതി ഭവനത്തിൽ സുധീഷിനെയാണ് ഹരിപ്പാട് പൊലീസ് അറസ്റ്റ് ചെയ്തത്. കഴിഞ്ഞ ദിവസം ഉച്ചയോടെ ബീവറേജിൽ മദ്യം വാങ്ങാൻ എത്തിയ പള്ളിപ്പാട് സ്വദേശിയായ വിജിത്ത് പേഴ്സിൽ നിന്നും പണം എടുത്ത് എണ്ണി കൊണ്ടിരിക്കുന്നതിനിടയിൽ സുധീഷ് പണം തട്ടിയെടുത്ത് ഓടിക്കളയുകയായിരുന്നു. 1200 രൂപയാണ് ഇയാൾ വിജിത്തിൽ നിന്നും തട്ടിയെടുത്തത്. തുടർന്ന് വിജിത്ത് ഹരിപ്പാട് പോലീസിൽ പരാതി നൽകുകയായിരുന്നു.
ഏഷ്യാനെറ്റ് ന്യൂസ് വാർത്തകൾ തത്സമയം കാണാം
Last Updated Jul 3, 2024, 10:04 PM IST
