Malayalam Poem : സായന്തനം, വരുണ്‍ എം എഴുതിയ കവിത
ചില്ല, എഴുത്തിന്റെ ചിറകനക്കങ്ങള്‍. വരുണ്‍ എം എഴുതിയ കവിത
 )
Followചില്ല. മികച്ച എഴുത്തുകള്‍ക്ക് ഒരിടം. സൃഷ്ടികള്‍ submissions@asianetnews.in എന്ന വിലാസത്തില്‍ അയക്കൂ. ഒപ്പം ഫോട്ടോയും വിശദമായ വിലാസവും അയക്കണം. എഡിറ്റോറിയല്‍ ബോര്‍ഡ് തെരഞ്ഞെടുക്കുന്ന സൃഷ്ടികള്‍ പ്രസിദ്ധീകരിക്കും
Also Read : പ്രേമം, റഹീമ ശൈഖ് മുബാറക്ക് എഴുതിയ കവിത
Also Read : എന്റെ ഉടലില്‍ നിന്റെ കവിത മണക്കുന്നു, അമ്പിളി ഓമനക്കുട്ടന്‍ എഴുതിയ കവിത
.....................
ഒരുപാടു പറയുവാ, നൊന്നിച്ചിരുന്നു
നമ്മള്‍ നനവാടയാറ്റുന്ന കണ്ണുകളുമായി .
നോവിന്റെ ഉപ്പു കിനിയുന്നു,
കടലിരമ്പുന്നു, നെഞ്ചിലെ
ചക്രവാളങ്ങളില്‍.
നീയെന്ന രാമഴയൊരുനാളും
നനച്ചതില്ല ഞാനെന്ന ചേമ്പിലയെ!
ദുഃഖഗോളങ്ങള്‍ നീര്‍തുള്ളികളായി
ഞാനെന്നൊരിലയെ തഴുകീടവേ
താലിച്ചരടിന്റെ കടുകെട്ടില്‍
നിന്റെ ആത്മതാപത്തെ
കുരുക്കി നീയെന്നെ ശൂന്യനാക്കി .
ചേമ്പിലയായിരുന്നെങ്കിലും
എന്റെ തണലിലൊരു
തളിരും വിരിഞ്ഞതില്ല,
കനവിനും തളിരിനും
നീയായിരുന്നു കൂട്ട് ,
കാറ്റിനും കാറിനും കൊടുക്കാതെ
കാത്തൊരു കൂട്ട്.
സായന്തന തിണ്ണയിലിന്നിരിക്കവേ
സാമന്ത ഭൂപാള, മനാഥ-
മായതറിയുന്നു ഞാന്‍
എനിക്കായെരിഞ്ഞൊരു ചൂട്ടായിരുന്നു നീ,
നിനക്കായ് ഞാനൊന്നുമായില്ലെങ്കിലും!
പടരുന്ന നോവിതള്‍ കൊഴിച്ചു
നീ, ജീവിത വ്യഥകള്‍
ഘനീഭവിച്ച
പേമാരിയായിട്ടും
നീയെന്ന രാമഴ ഒരുനാളും
നനച്ചതില്ല ഞാനെന്ന ചേമ്പിലയെ!
ഒറ്റവെട്ടിനു വേരറ്റു പോയൊരു
പടുവൃക്ഷമാണിന്നു ജീവിതം ,
നമ്മളാ ചില്ലയില്‍
തകരുന്ന കൂട്ടിലെ
ഇണകള്‍ മാത്രം.
ഇനിയൊന്നു നീ പെയ്യുമോ?
നീയെന്നെ രാമഴയേറ്റു നനയുന്ന
ചേമ്പിലയാകാനൊരു മോഹം,
(അതിമോഹം)
ഇവിടെ ക്ലിക്ക് ചെയ്താല്‍ വായിക്കാം, മികച്ച കഥകള്‍, മികച്ച കവിതകള്‍...
