Viral Video: കംഗാരുവിനെ ചുറ്റിവരിഞ്ഞ് പെരുമ്പാമ്പ്; രക്ഷിക്കാനെത്തി 'കൂട്ടുകാരന്‍'; വൈറലായി വീഡിയോ
കംഗാരുവിനെ പെരുമ്പാമ്പില്‍ നിന്ന് രക്ഷിക്കാന്‍ ശ്രമിക്കുന്ന മറ്റൊരു കംഗാരുവിനെയും വീഡിയോയില്‍ കാണാം. ഇന്‍സ്റ്റഗ്രാമിലൂടെ ആണ് വീഡിയോ വൈറലാകുന്നത്.
 )
Followപാമ്പുകളെ എല്ലാവര്‍ക്കും പേടിയാണ്. പ്രത്യേകിച്ച്, പെരുമ്പാമ്പിന്‍റെ പിടിയിലായാലുള്ള അവസ്ഥ ആലോചിച്ചുനോക്കൂ. ഇവിടെയിതാ ഒരു കംഗാരുവിനെ ചുറ്റിവരിഞ്ഞ പെരുമ്പാമ്പിന്‍റെ ദൃശ്യങ്ങളാണ് സോഷ്യല്‍ മീഡിയയില്‍ വൈറലാകുന്നത്.
കംഗാരുവിനെ പെരുമ്പാമ്പില്‍ നിന്ന് രക്ഷിക്കാന്‍ ശ്രമിക്കുന്ന മറ്റൊരു കംഗാരുവിനെയും വീഡിയോയില്‍ കാണാം. ഇന്‍സ്റ്റഗ്രാമിലൂടെ ആണ് വീഡിയോ വൈറലാകുന്നത്. 'വൈല്‍ഡ് ലൈഫ് അനിമല്‍' എന്ന പേജിലാണ് വീഡിയോ പങ്കുവച്ചത്.
കംഗാരുവിനെ ചുറ്റിവരിഞ്ഞിരിക്കുകയാണ് പെരുമ്പാമ്പ്. മറ്റൊരു കംഗാരു ഇതിനെ രക്ഷിക്കാന്‍ ശ്രമിക്കുന്നതാണ് വീഡിയോയുടെ ഉള്ളടക്കം. കടിച്ചും ചവിട്ടിയുമാണ് സുഹൃത്തിനെ രക്ഷിക്കാന്‍ കംഗാരു ശ്രമിക്കുന്നത്. എന്നാല്‍ തന്‍റെ ഇരയെ അകത്താക്കാതെ താന്‍ വിടില്ല എന്ന മട്ടില്‍ വരിഞ്ഞുമുറുക്കിയിരിക്കുകയാണ് പെരുമ്പാമ്പ്. കൂട്ടുകാരനെ രക്ഷപ്പെടുത്താനുള്ള കംഗാരുവിന്‍റെ രക്ഷാപ്രവര്‍ത്തനും വിഫലമാകുന്നതായാണ് വീഡിയോയില്‍ കാണുന്നത്.
Also Read: പെരുമ്പാമ്പ് വിഴുങ്ങുന്നത് എന്തിനെയാണെന്ന് നോക്ക്;വീഡിയോ
തിരക്കേറിയ തെരുവില്‍ ബലൂണ്‍ തട്ടി കളിക്കുന്ന നായ; വൈറലായി വീഡിയോ
മൃഗങ്ങളുടെ രസകരമായ വീഡിയോകള്‍ എപ്പോഴും സൈബര്‍ ലോകത്ത് വൈറലാകാറുണ്ട്. ഇപ്പോഴിതാ അത്തരത്തില്‍ ഒരു നായയുടെ വീഡിയോ ആണ് സൈബര്‍ ലോകത്ത് ഹിറ്റായിരിക്കുന്നത്. തുര്‍ക്കിയില്‍ നിന്നുള്ള ഒരു തെരുവ് നായ ബലൂണ്‍ ഉപയോഗിച്ച് കളിക്കുന്ന വീഡിയോ ആണിത്.
തിരക്കേറിയ തെരുവില്‍ ബലൂണ്‍ തട്ടി കളിക്കുകയാണ് ഈ നായ. ചുവന്ന നിറത്തില്‍ ഹൃദയത്തിന്‍റെ ആകൃതിയിലുള്ള ബലൂണിനെ മുകളിലോട്ട് തട്ടി കളിക്കുകയാണ് നായ. തെരുവിലൂടെ യാത്രക്കാര്‍ നടക്കുമ്പോഴും നായ അവരെയൊക്കെ തട്ടിമാറ്റിയാണ് ബലൂണിന്‍റെ പിന്നാലെ പോകുന്നത്. മറ്റൊന്നും ശ്രദ്ധിക്കാതെ ചെറിയ കാര്യങ്ങളില്‍ സന്തോഷം കണ്ടെത്തുന്ന നായയെ ആണ് വീഡിയോയില്‍ കാണുന്നത്.ട്വിറ്ററിലൂടെ ആണ് വീഡിയോ പ്രചരിക്കുന്നത്. വീഡിയോ ഇതിനോടകം 2.4 മില്ല്യണ്‍ ആളുകളാണ് കണ്ടത്. നിരവധി പേര്‍ വീഡിയോയ്ക്ക് താഴെ കമന്‍റുകളുമായി രംഗത്തെത്തി. ഞാന്‍ ലോകത്തിലെ ഏറ്റവും മികച്ച വീഡിയോ കണ്ടു എന്നാണ് ഒരാളുടെ കമന്‍റ്.
