യുവതിയുടെ റീല്‍സ് വൈറല്‍; കാരണം പിറകില്‍ നില്‍ക്കുന്ന 'ചേട്ടൻ'...
റീല്‍സെടുക്കുന്ന യുവതി നൃത്തം ചെയ്യുമ്പോള്‍ തൊട്ട് പിന്നിലായി കാഴ്ചയില്‍ തൊഴിലാളിയാണെന്ന് തോന്നിക്കുന്ന ഒരാള്‍ യുവതിയെ അനുകരിച്ച് അതേ പടി നൃത്തം ചെയ്യുകയാണ്.
 )
Followഇന്ന് സോഷ്യല്‍ മീഡിയ പ്ലാറ്റ്ഫോമുകളെല്ലാം തന്നെ വീഡിയോകള്‍ കൊണ്ട് നിറഞ്ഞിരിക്കുകയാണ്. ചെറുവീഡിയോകള്‍ അല്ലെങ്കില്‍ റീല്‍സ് എടുക്കാത്തവരോ കാണാത്തവരോ ആയി ഇന്ന് ആരും ഇല്ല എന്ന് തന്നെ പറയാം. ഇക്കൂട്ടത്തില്‍ തങ്ങള്‍ ചെയ്യുന്ന റീല്‍സ് പരമാവധി കൂടുതല്‍ പേര്‍ കാണണമെന്നും അത് വൈറലാകണമെന്നുമെല്ലാം ആഗ്രഹിക്കുന്നവരും ഏറെയാണ്.
റീല്‍സ് പല തരത്തിലാണ് 'ഹിറ്റ്' ആകാറ്. 'പോപ്പുലര്‍' ആയി, അതല്ലെങ്കില്‍ ഏറ്റവുമധികം പ്രചാരത്തില്‍ നില്‍ക്കുന്ന സിനിമാഗാനങ്ങള്‍ക്ക് ചുവടുവച്ചും, അത് പാടിയും അല്ലെങ്കില്‍ ഡബ് ചെയ്തുമെല്ലാം റീല്‍സെടുത്ത് ശ്രദ്ധ നേടുന്നവരുണ്ട്.
ഇതില്‍ നൃത്തം ചെയ്യുന്നവരാണെങ്കില്‍ അത് കാര്യമായ രീതിയില്‍ ശ്രദ്ധ നേടാൻ വേണ്ടി പല പരീക്ഷണങ്ങളും ചെയ്യുന്നവരുണ്ട്. അത്തരത്തില്‍ നൃത്തം അടങ്ങിയ റീല്‍സുകളില്‍ അടുത്ത കാലത്ത് വന്നൊരു ട്രെൻഡാണ്, തിരക്കുള്ളയിടങ്ങളില്‍ പോയി റീല്‍സെടുക്കുകയെന്നത്. പ്രത്യേകിച്ച് മാര്‍ക്കറ്റുകളില്‍ ആണ് ഇങ്ങനെ കൂടുതല്‍ ഡാൻസ് റീല്‍സും കണ്ടിട്ടുള്ളത്.
സമാനമായൊരു വീഡിയോ ഇപ്പോള്‍ സോഷ്യല്‍ മീഡിയിയല്‍ വൈറലൈണ്. സുഷ്മിത സെന്നിന്‍റെ ഹിറ്റ് ഗാനം 'ദില്‍ബറി'നാണ് ഇതില്‍ യുവതി ചുവടുവയ്ക്കുന്നത്. എന്നാല്‍ ഇവരുടെ നൃത്തം കൊണ്ടല്ല യഥാര്‍ത്ഥത്തില്‍ ഈ വീഡിയോ വൈറലായിരിക്കുന്നത്.
രസകരമായ മറ്റൊരു സംഗതി കൂടി ഈ വീഡിയോയില്‍ നമുക്ക് കാണാം. റീല്‍സെടുക്കുന്ന യുവതി നൃത്തം ചെയ്യുമ്പോള്‍ തൊട്ട് പിന്നിലായി കാഴ്ചയില്‍ തൊഴിലാളിയാണെന്ന് തോന്നിക്കുന്ന ഒരാള്‍ യുവതിയെ അനുകരിച്ച് അതേ പടി നൃത്തം ചെയ്യുകയാണ്.
അദ്ദേഹം യുവതിയെ അപമാനിക്കാനോ ശല്യപ്പെടുത്താനോ ശ്രമിച്ചതല്ല, മറിച്ച് നൃത്തം ചെയ്യാനുള്ള ആവേശം തന്നെയാണത് എന്നാണ് വീഡിയോ കണ്ടവരെല്ലാം അഭിപ്രായപ്പെടുന്നത്. എന്തായാലും ഇദ്ദേഹത്തിന്‍റെ സാന്നിധ്യം ഒന്ന് കൊണ്ട് മാത്രം ഈ വീഡിയോ അതിവേഗം ജനശ്രദ്ധ പിടിച്ചുപറ്റി എന്ന് വേണം പറയാൻ. വീഡിയോ കണ്ടവരെല്ലാം തന്നെ 'പിറകിലുള്ള ചേട്ടനെ' കുറിച്ചാണ് ഏറെയും ചര്‍ച്ച ചെയ്യുന്നത്. എന്നാലിദ്ദേഹം ആരാണെന്നോ മറ്റ് വിവരങ്ങളോ ഒന്നും തന്നെ ലഭ്യമല്ല. രസകരമായ വീഡിയോ കണ്ടുനോക്കൂ...
Also Read:- റീല്‍സിനായി റോഡിലിരുന്ന് മദ്യപിച്ച ഇൻസ്റ്റഗ്രാം താരത്തിനെതിരെ അറസ്റ്റ് വാറണ്ട്
