അന്ന് സോനം ധരിച്ച ‘AK OK’ വസ്ത്രത്തിന് പിന്നിലെ കഥ ഇതാണ്
മുംബൈയില്‍ ഇഷ അംബാനിയുടെയും ആനന്ദ് പിരാമലിന്‍റെയും വിവാഹച്ചടങ്ങിൽ സോനം ധരിച്ച വസ്ത്രം ചര്‍ച്ചയായിരുന്നു.
 )
Followമുംബൈയില്‍ ഇഷ അംബാനിയുടെയും ആനന്ദ് പിരാമലിന്‍റെയും വിവാഹച്ചടങ്ങിൽ സോനം ധരിച്ച വസ്ത്രം ചര്‍ച്ചയായിരുന്നു. സോനം ധരിച്ച പിങ്ക് നിറത്തിലുള്ള വസ്ത്രത്തിന് പിന്നിൽ ‘AK OK’ എന്നെഴുതിയിരുന്നതാണ് ചര്‍ച്ചക്ക് കാരണം. ഇപ്പോള്‍ ഇതാ അതിന് പിന്നിലെ കഥ പുറത്തുവന്നിരിക്കുന്നു. ഇൻസ്റ്റഗ്രാമിൽ ഷെയർ ചെയ്ത ഈ ചിത്രത്തിനൊപ്പം സോനം കപൂർ തന്നെ നീണ്ടൊരു ക്യാപ്ഷനും ചേർത്തിരുന്നു. അതിലാണ് ഈ വസ്ത്രത്തിന് പിന്നിലെ കഥ എന്തെന്ന് അവര്‍ വെളിപ്പെടുത്തിയത്.
ഡിസൈനർ അനാമിക ഖന്നയുടെ പേരിന്‍റെ ആദ്യാക്ഷരങ്ങളാണ് AK. കഴിഞ്ഞവർഷം അസുഖബാധിതയായിരുന്ന അനാമികയെ സാന്ത്വനിപ്പിക്കാനായി മക്കൾ വിരാജും വിശേഷും എപ്പോഴും പറഞ്ഞിരുന്ന ‘everything is going to be AK-OK’ എന്ന വാചകമാണ് 'IS AK OK' എന്ന് വസ്ത്രത്തിൽ എഴുതിച്ചേർത്തത്. ഇപ്പോൾ അനാമിക ആരോഗ്യത്തോടെ തിരിച്ചെത്തിയ സന്തോഷം പങ്കുവച്ചാണ് സോനം കപൂർ ആ വസ്ത്രത്തിന്റെ ചിത്രവും അതിനു പിന്നിലെ കഥയും ഇൻസ്റ്റഗ്രാമിൽ ഷെയർ ചെയ്തത്.
