പൂച്ചകളെ ഉമ്മ വെക്കരുത്; കൊവിഡ് പകരാൻ സാധ്യതയെന്ന് ശാസ്ത്രജ്ഞർ
അവക്കൊപ്പം മൂന്നുപൂച്ചകളെയും കഴിയാൻ അനുവദിച്ചു. കുറച്ചു ദിവസം കഴിഞ്ഞപ്പോൾ മൂന്നുപൂച്ചകളിലേക്കും വൈറസ് പടർന്നു. എന്നാൽ ആറുപൂച്ചകളിലും രോഗലക്ഷണങ്ങൾ പ്രകടമായില്ല.
 )
Followലണ്ടൻ: പൂച്ചകളിൽ നിന്ന് മറ്റു പൂച്ചകളിലേക്ക് കൊവിഡ് വളരെ വേഗത്തിൽ പകരുമെന്ന വെളിപ്പെടുത്തലുമായി ഗവേഷകർ. പൂച്ചകളിൽ പലപ്പോഴും കൊവിഡ് രോഗലക്ഷണങ്ങൾ പ്രകടമാകില്ലെന്നും ശാസ്ത്രജ്ഞർ കൂട്ടിച്ചേർക്കുന്നു. മനുഷ്യരിൽ നിന്നാണ് കൊവിഡ് പൂച്ചകളിലേക്ക് പകരുന്നത്. ഈ പൂച്ചകൾ വഴി രോഗം വീണ്ടും മനുഷ്യരിലെത്തുമെത്തുമോ എന്നതിൽ കൂടുതൽ ഗവേഷണം ആവശ്യമാണ്. എന്നാൽ അത്തരത്തിലൊരു സാധ്യത ഇല്ലെന്നാണ് ആരോഗ്യവിദഗ്ധരുടെ വെളിപ്പെടുത്തൽ.
അതേസമയം, പൂച്ചകളെ ഉമ്മവെക്കരുതെന്നും ഒരുപക്ഷേ അതു വഴി വൈറസ് ശരീരത്തിലെത്താമെന്നും വൈറസ് വിദഗ്ധൻ പീറ്റർ ഹാഫ്മാൻ പറഞ്ഞു. ഹാഫ്മാനും സഹപ്രവർത്തകരും വിസ്കോൻസിൻ സ്കൂൾ ഓഫ് വെറ്ററിനറി മെഡിസിന്റെ സഹായത്തോടെ നടത്തിയ പരീക്ഷണഫലം ന്യൂ ഇംഗ്ലണ്ട് ജേണൽ ഓഫ് മെഡിസിനിലാണ് പ്രസിദ്ധീകരിച്ചത്. കൊവിഡ് രോഗിയെയും മനുഷ്യരിൽ നിന്ന് രോഗം പകർന്ന മൂന്ന് പൂച്ചകളെയുമാണ് പരീക്ഷണ വിധേയമാക്കിയത്. അവക്കൊപ്പം മൂന്നുപൂച്ചകളെയും കഴിയാൻ അനുവദിച്ചു. കുറച്ചു ദിവസം കഴിഞ്ഞപ്പോൾ മൂന്നുപൂച്ചകളിലേക്കും വൈറസ് പടർന്നു. എന്നാൽ ആറുപൂച്ചകളിലും രോഗലക്ഷണങ്ങൾ പ്രകടമായില്ല.
'അവ തുമ്മുകയോ ചുമയ്ക്കുകയോ ചെയ്തില്ല. അതുപോലെ ശരീര താപനില വർദ്ധിക്കുകയോ ശരീരഭാരം കുറയുകയോ ചെയ്തില്ല. യാതൊരു വിധത്തിലുള്ള കൊവിഡ് ലക്ഷണങ്ങളും ഇവയിൽ പ്രകടമായില്ല.' ഹാഫ്മാൻ വെളിപ്പെടുത്തി. വളർത്തുമൃഗങ്ങളിൽ നിന്നാണ് പലർക്കും പകർച്ചവ്യാധികൾ ഉണ്ടാകുന്നത്. അതിനാൽ വൃത്തിയായിരിക്കുക എന്നത് പരമപ്രധാനമാണ്. വളർത്തുമൃഗങ്ങളെ സ്പർശിക്കുന്നതിന് മുമ്പും ശേഷവും കൈകൾ വൃത്തിയായി കഴുകണം. അതുപോലെ വളർത്തുമൃഗങ്ങൾക്ക് ഭക്ഷണം കൊടുക്കുന്ന പാത്രങ്ങളും മറ്റും എപ്പോഴും വൃത്തിയായിരിക്കണം.
