സീബ്ര ലൈന്‍ ഷോര്‍ട്ട് ടോപ്പില്‍ ഗ്ലാമറസായി മൃദുല വിജയ്, ചിത്രങ്ങൾ

മിനിസ്‌ക്രീന്‍ ലോകത്തെ സൂപ്പര്‍ നായികമാരില്‍ മുന്‍ നിരയില്‍ തന്നെയാണ് ഇപ്പോള്‍ മൃദുല വിജയ് യും. 2015 ല്‍ കല്യാണ സൗഗന്ധികം എന്ന സീരിയലിലൂടെ മിനിസ്‌ക്രീനിലെത്തിയ താരം ഇപ്പോള്‍ അഭിനേത്രിയായും അവതാരികയായും എല്ലാം നിറഞ്ഞു നില്‍ക്കുകയാണ്. അഭിനയിക്കുന്ന സീരിയസിന്റെ ജനപ്രിതീ കൊണ്ടു മാത്രമല്ല, സക്‌സസ്ഫുള്‍ കുടുംബ ജീവിതത്തിന്റെ പേരിലും മൃദുലയെ ആരാധിക്കുന്നവരുണ്ട്.

ഇപ്പോഴിതാ പുതിയ കുറച്ച് ചിത്രങ്ങളുമായി ഇന്‍സ്റ്റഗ്രാമില്‍ എത്തിയിരിക്കുകയാണ് താരം. പൊതുവെ ഹാഫ് സാരിയും, ചുരിദാറുമൊക്കെയായ നാടന്‍ ലുക്കിലുള്ള വേഷങ്ങളിലാണ് മൃദുല പ്രേക്ഷക ശ്രദ്ധ നേടുന്നത്. എന്നാല്‍ പങ്കുവച്ചിരിയ്ക്കുന്ന പുതിയ ചിത്രങ്ങള്‍ അങ്ങനെയുള്ളതല്ല. സീബ്ര ലൈന്‍ ഷോര്‍ട്ട് ടോപ്പില്‍ അതി സുന്ദരിയായി നില്‍ക്കുന്ന മൃദുലയെ ചിത്രങ്ങളില്‍ നിന്ന് കാണാം. 
 

വെയിലത്ത് നിന്നെടുത്ത ചിത്രങ്ങളില്‍ മൃദുലയുടെ ക്യൂട്‌നസ്സും, ചിരിയും ആകര്‍ഷണമാണ്. ഇന്റസ്ട്രിയിലെ അടുത്ത സുഹൃത്തുക്കളും ആരാധകരും എല്ലാം സ്‌നേഹം അറിയിച്ച് കമന്റ് ബോക്‌സില്‍ എത്തിയിട്ടുണ്ട്. ക്യൂട്ടായിട്ടുണ്ട് ചേച്ചി, സുന്ദരിയായിരിക്കുന്നു എന്നിങ്ങനെ പോകുന്നു കമന്റുകള്‍. എങ്ങനെ ഈ സൗന്ദര്യം നിലനിര്‍ത്തുന്നു എന്നാണ് ചിലര്‍ക്ക് അറിയേണ്ടത്.മിനിസ്‌ക്രീന്‍ താരം യുവ കൃഷ്ണയാണ് മൃദുലയുടെ ഭര്‍ത്താവ്. ഇരുവരുടെയും വിവാഹവും സോഷ്യല്‍ മീഡിയ ഏറ്റെടുത്തതാണ്. വിവാഹത്തിന് ശേഷം മൃദ്വ വ്‌ളോഗ്‌സ് എന്ന യൂട്യൂബ് ചാനലിലൂടെയും മൃദുല സജീവമായി. ഇപ്പോള്‍ മൃദുലയും യുവയും മകള്‍ ധ്വനിയും അടങ്ങുന്ന കുടുംബ വിശേഷങ്ങളാണ് ചാനലിലെ പ്രധാന വിശേഷം.
 

ഗര്‍ഭിണിയായ സമയത്ത് മാത്രമാണ് മൃദുല കരിയറില്‍ നിന്ന് ചെറിയ ബ്രേക്ക് എടുത്തത്. പിന്നീട് യുവയുടെ സപ്പോര്‍ട്ടോടെ ശക്തമായ തിരിച്ചുവരവ് നടത്തിയ താര അങ്കറിങിലും അഭിനയത്തിലും എല്ലാം സജീവമാണ്. ഏഷ്യനെറ്റില്‍ സംപ്രേക്ഷണം ചെയ്യുന്ന ഇഷ്ട മാത്രം എന്ന സീരിയലിലാണ് നിലവില്‍ അഭിനയിക്കുന്നത്‌.