സാംസങ് ഗ്യാലക്സി എസ് 20 ഫോണുകളുടെ ഇന്ത്യയിലെ വില പ്രഖ്യാപിച്ചു, വിലയും ഓഫറുകളും ഇങ്ങനെ
വ്യത്യസ്ത വലുപ്പങ്ങളാണ് മൂന്ന് ഫോണുകള്‍ക്കുള്ളത്. 6.2 ഇഞ്ച് ക്വാഡ് എച്ച്ഡി + ഡൈനാമിക് അമോലെഡ് ഇന്‍ഫിനിറ്റിഒ ഡിസ്‌പ്ലേയാണ് എസ് 20 ന് ലഭിക്കുന്നത്. എസ് 20 + ന് 6.7 ഇഞ്ച് ക്വാഡ് എച്ച്ഡി + ഡൈനാമിക് അമോലെഡ് ഇന്‍ഫിനിറ്റിഒ ഡിസ്‌പ്ലേ ലഭിക്കും.
 )
Followദില്ലി: ഇന്ത്യയില്‍ വില്‍ക്കുന്നതിനു മുന്നോടിയായി ഓഫറുകളും വിലയും പ്രഖ്യാപിച്ചു കൊണ്ട് സാംസങ്ങ് തങ്ങളുടെ പ്രീമിയം സ്മാര്‍ട്ട് ഫോണിനെ വിപണിയിലെത്തിച്ചു. ഇന്നു മുതല്‍ പ്രീബുക്കിങ്ങും ആരംഭിച്ചിട്ടുണ്ട്. ഗ്യാലക്സി എസ് 20 ഇന്ത്യയില്‍ 66,999 രൂപയില്‍ വില്‍ക്കുമെന്നാണു പ്രഖ്യാപനം. അതേസമയം, ഏറ്റവും മികച്ച സവിശേഷതകളുള്ള ഗാലക്‌സി എസ് 20 അള്‍ട്രയ്ക്ക് 92,999 രൂപയാണ് വില. ഗ്യാലക്സി എസ് 20 + ന് 73,999 രൂപയാണു വില. പ്രീബുക്കിംഗ് ഓഫറുകളും സാംസങ് പ്രഖ്യാപിച്ചിട്ടുണ്ട്, ഗ്യാലക്സി ബഡ്‌സ് +, സാംസങ് കെയര്‍ + എന്നിവ 1,999 രൂപയ്ക്ക് അധികമായി ഫോണുകള്‍ക്കൊപ്പം സ്വന്തമാക്കാം. ഫോണുകളുടെ പ്രീ ബുക്കിംഗ് കഴിഞ്ഞ ദിവസം ആരംഭിച്ചു.
ഫോണ്‍ വാങ്ങുമ്പോള്‍ റിലയന്‍സ് ജിയോ, എയര്‍ടെല്‍, വോഡഫോണ്‍ ഐഡിയ എന്നിവ വിപുലീകരിച്ച അധിക ഓപ്പറേറ്റര്‍ ഓഫറുകളും ഉണ്ട്. ജിയോ 4,999 രൂപ വാര്‍ഷിക പ്ലാനിനൊപ്പം 1 വര്‍ഷത്തെ അധിക പരിധിയില്ലാത്ത സേവനങ്ങളുള്ള ഡ്യുവല്‍ ഡാറ്റ ആനുകൂല്യ പദ്ധതിയും വാഗ്ദാനം ചെയ്യുന്നു. ദിവസേനയുള്ള ക്യാപ്പിംഗ് ഇല്ലാതെ 350 ജിബി + 350 ജിബി ഹൈ സ്പീഡ് ഡാറ്റയും മറ്റൊരു വര്‍ഷം പരിധിയില്ലാത്ത ഓണ്‍നെറ്റ് വോയിസും 700 ജിബി ഡാറ്റയും നല്‍കും.
പ്രീപെയ്ഡ് ഉപഭോക്താക്കള്‍ക്കായി തുടര്‍ച്ചയായി ആദ്യത്തെ 10 റീചാര്‍ജുകള്‍ക്ക് 298 രൂപയും 398 രൂപയും റീചാര്‍ജ് ചെയ്യുന്നതിന് ഇരട്ട ഡാറ്റ എയര്‍ടെല്‍ വാഗ്ദാനം ചെയ്യുന്നു. പ്രീപെയ്ഡ് ഉപഭോക്താക്കള്‍ക്കായി ആദ്യത്തെ 6 റീചാര്‍ജുകള്‍ക്ക് 56 ദിവസത്തെ വാലിഡിറ്റിയുള്ള 399 രൂപ പ്ലാന്‍ റീചാര്‍ജ് ചെയ്യുന്നതിനുള്ള ഡ്യുവല്‍ ഡാറ്റ വോഡഫോണും ഐഡിയയും വാഗ്ദാനം ചെയ്യുന്നു. ഫോണ്‍ മുന്‍കൂട്ടി ബുക്ക് ചെയ്യുന്നതിന്, സാംസങ് ഇന്ത്യയുടെ വെബ്‌സൈറ്റ് ഉപയോഗിക്കാം.
വ്യത്യസ്ത വലുപ്പങ്ങളാണ് മൂന്ന് ഫോണുകള്‍ക്കുള്ളത്. 6.2 ഇഞ്ച് ക്വാഡ് എച്ച്ഡി + ഡൈനാമിക് അമോലെഡ് ഇന്‍ഫിനിറ്റിഒ ഡിസ്‌പ്ലേയാണ് എസ് 20 ന് ലഭിക്കുന്നത്. എസ് 20 + ന് 6.7 ഇഞ്ച് ക്വാഡ് എച്ച്ഡി + ഡൈനാമിക് അമോലെഡ് ഇന്‍ഫിനിറ്റിഒ ഡിസ്‌പ്ലേ ലഭിക്കും.
ഗാലക്‌സി എസ് 20 അള്‍ട്രയ്ക്ക് മൂന്നിനെയും അപേക്ഷിച്ച് ഏറ്റവും വലിയ ഡിസ്‌പ്ലേ ലഭിക്കുന്നു. ഇത് 6.9 ഇഞ്ച് ക്വാഡ് എച്ച്ഡി + ഡൈനാമിക് അമോലെഡ് ഇന്‍ഫിനിറ്റിഒ ഡിസ്‌പ്ലേയാണ്. മൂന്ന് പാനലുകളും 120ജിഗാ ഹേര്‍ട്‌സ് റിഫ്രഷ് റേറ്റിനെ പിന്തുണയ്ക്കുന്നു. ചിപ്‌സെറ്റിനായി, എസ് 20 ഫോണുകള്‍ക്ക് എക്‌സിനോസ് 990 ലഭിക്കും. ഗാലക്‌സി എസ് 20, ഗാലക്‌സി എസ് 20 + എന്നിവ 3 എക്‌സ് വരെ ഹൈബ്രിഡ് ഒപ്റ്റിക്കല്‍ സൂമിനെയും 30 എക്‌സിന്റെ മൊത്തം സൂമിനെയും പിന്തുണയ്ക്കുന്നു. 12 മെഗാപിക്‌സല്‍ അള്‍ട്രാ വൈഡ്, 12 മെഗാപിക്‌സല്‍ വൈഡ് ആംഗിള്‍ ലെന്‍സ്, 64 മെഗാപിക്‌സല്‍ ടെലിഫോട്ടോ ലെന്‍സ് എന്നിവ ഉള്‍പ്പെടുന്നതാണ് ഈ രണ്ട് ഫോണുകളും. എന്നിരുന്നാലും, എസ് 20 + ല്‍ ഒരു ടോഫ് ക്യാമറയും ഉണ്ട്.
എസ് 20 അള്‍ട്രയ്ക്കും ക്വാഡ് ക്യാമറ സജ്ജീകരണം ലഭിക്കുന്നു, പക്ഷേ തികച്ചും വ്യത്യസ്തമായ ലെന്‍സുകള്‍. പ്രാഥമിക 108 മെഗാപിക്‌സല്‍ വൈഡ് ആംഗിള്‍ ലെന്‍സിനടുത്തായി ഇരിക്കുന്ന അള്‍ട്രാ വൈഡ് 12 മെഗാപിക്‌സല്‍ ലെന്‍സാണ് ആദ്യ ലെന്‍സ്. 100എക്‌സ് സ്‌പേസ് സൂമിനായി 48 മെഗാപിക്‌സല്‍ ലെന്‍സും നല്‍കിയിരിക്കുന്നു.
