Nokia G21 Price : നോക്കിയ ജി21 പുറത്തിറങ്ങി; അത്ഭുതപ്പെടുത്തുന്ന വിലയും പ്രത്യേകതകളും
ജി21-ല്‍ പതിവ് ആന്‍ഡ്രോയിഡ് അപ്ഡേറ്റുകളുടെ വാഗ്ദാനവുമായി തുടരുകയാണ്. ആന്‍ഡ്രോയിഡ് 11 ഔട്ട്-ഓഫ്-ദി-ബോക്സ് ലഭിക്കും, ഭാവിയില്‍ ഫോണ്‍ ആന്‍ഡ്രോയിഡ് 12, ആന്‍ഡ്രോയിഡ് 13 എന്നിവയിലേക്ക് അപ്ഗ്രേഡ് ചെയ്യാനാകും.
 )
Followപുതിയ നോക്കിയ ജി21 നോക്കിയ ജി20 യുടെ പിന്‍ഗാമിയാണ്, എന്നാല്‍ അതൊരു മോട്ടറോള ജി-സീരീസ് ഫോണിനെ ഓര്‍മ്മിപ്പിക്കുന്നു. രൂപകല്‍പ്പനയില്‍ നിന്ന് മാറി, നോക്കിയ ജി21-ല്‍ പതിവ് ആന്‍ഡ്രോയിഡ് അപ്ഡേറ്റുകളുടെ വാഗ്ദാനവുമായി തുടരുകയാണ്. ആന്‍ഡ്രോയിഡ് 11 ഔട്ട്-ഓഫ്-ദി-ബോക്സ് ലഭിക്കും, ഭാവിയില്‍ ഫോണ്‍ ആന്‍ഡ്രോയിഡ് 12, ആന്‍ഡ്രോയിഡ് 13 എന്നിവയിലേക്ക് അപ്ഗ്രേഡ് ചെയ്യാനാകും. ഇന്ത്യ പോലുള്ള മറ്റ് വിപണികളില്‍ ലോഞ്ച് ചെയ്യുന്നതിനെക്കുറിച്ച് കമ്പനി ഒരു വാക്കുപോലും പറഞ്ഞിട്ടില്ല. നോക്കിയ ജി 20 ഇന്ത്യയില്‍ വന്നതിനാല്‍, നോക്കിയ ജി 21 ഇന്ത്യയില്‍ അവതരിപ്പിക്കാനുള്ള സാധ്യതയുണ്ടെന്നാണ് സൂചനകള്‍
ഏകദേശം 14,500 രൂപ വരും ജി 21-ന് . നോര്‍ഡിക് ബ്ലൂ, ഡസ്‌ക് നിറങ്ങളിലാണ് ഇത് വരുന്നത്. 6.5 ഇഞ്ച് HD+ LCD, സിനിമകളും ഷോകളും കാണുന്നതിന് പര്യാപ്തമാണ്, പ്രത്യേകിച്ചും നെറ്റ്ഫ്‌ലിക്‌സില്‍ എച്ച്ഡി സ്ട്രീമിംഗിനുള്ള പിന്തുണ എച്ച്എംഡി ഉറപ്പാക്കിയിരിക്കുമ്പോള്‍. മിക്ക ആവശ്യങ്ങള്‍ക്കും തെളിച്ചം ഉയര്‍ന്നതായിരിക്കണം, എന്നാല്‍ ഏറ്റവും വലിയ കൂട്ടിച്ചേര്‍ക്കല്‍ ഡിസ്‌പ്ലേയിലെ 90 ഹേര്‍ട്‌സ് റിഫ്രഷ് റേറ്റ് ആയിരിക്കും.
ഇതാദ്യമായാണ് ഒരു നോക്കിയ ഫോണ്‍ ഉയര്‍ന്ന റിഫ്രഷ് റേറ്റ് ഉപയോഗിക്കുന്നത്, ഇത് സ്വാഗതാര്‍ഹമായ നീക്കമാണ്. ഉള്ളിലെ Uniosc T606 പ്രോസസര്‍ ദൈനംദിന ജോലികള്‍ക്കും ചില ഗെയിമിംഗിനും മതിയായ ശക്തിയുള്ളതായിരിക്കണം, എന്നാല്‍ അത് ഉയര്‍ന്ന ഗ്രാഫിക്‌സ് ഗെയിമുകള്‍ കൈകാര്യം ചെയ്യുമെന്ന് പ്രതീക്ഷിക്കരുത്.
4ജിബി റാമും 64 ജിബി, 128 ജിബി എന്നിങ്ങനെ രണ്ട് സ്റ്റോറേജ് ഓപ്ഷനുകളുമായാണ് നോക്കിയ ജി21 എത്തുന്നത്. അത് പോരാ എന്ന് കരുതുന്നുവെങ്കില്‍, സ്റ്റോറേജ് വിപുലീകരിക്കാന്‍ മൈക്രോ എസ്ഡി കാര്‍ഡ് സ്ലോട്ട് ഉണ്ട്. ഫോണിന്റെ പിന്‍ഭാഗത്ത് മൂന്ന് ക്യാമറകള്‍, 50 മെഗാപിക്‌സല്‍ പ്രൈമറി ക്യാമറ, 2 മെഗാപിക്‌സല്‍ മാക്രോ സെന്‍സര്‍, 2 മെഗാപിക്‌സല്‍ ഡെപ്ത് സെന്‍സര്‍, സൂപ്പര്‍ റെസല്യൂഷന്‍, നൈറ്റ് മോഡ് തുടങ്ങിയ സവിശേഷതകള്‍ക്കുള്ള പിന്തുണയുണ്ട്. 5050 എംഎഎച്ച് ബാറ്ററി ഒരു ദിവസം മതിയാകും, കൂടാതെ 18 വാട്‌സിനുള്ള പിന്തുണ ചാര്‍ജിംഗ് വേഗത്തിലാക്കുന്നു. എന്നാല്‍ ബണ്ടില്‍ ചെയ്ത ചാര്‍ജര്‍ 10 വാട്‌സ് മാത്രമേ പിന്തുണയ്ക്കുന്നുള്ളൂ, അതിനാല്‍ ഫോണ്‍ വേഗത്തില്‍ ചാര്‍ജ് ചെയ്യാന്‍ കുറച്ച് അധിക രൂപ ചിലവഴിക്കേണ്ടി വന്നേക്കാം.
