സോഷ്യൽ മീഡിയയിൽ തരംഗമായി പുതിയൊരു ഭക്ഷണ പരീക്ഷണം ; ഇതാണ് 'ചിക്കൻ ഫ്രെെഡ് വാട്ടർമെലോൺ'
മെക്സിക്കൻ പാനി പൂരി മുതൽ എരിവുള്ള മിർച്ചി ഐസ്ക്രീം, സ്ട്രോബെറി ബിരിയാണി, ഓറിയോ ഫ്രൈഡ് റൈസ് തുടങ്ങി അപ്രതീക്ഷിതമായ കൂട്ടുകെട്ടുകൾ ഇതിൽപ്പെടുന്നു.
![chicken fried watermelon latest food experiment](https://static-gi.asianetnews.com/images/01j3cf8xrcrw1szw0b6vv1ywen/mixcollage-22-jul-2024-11-09-am-3001.jpg?impolicy=All_policy&im=Resize=(1200) )
ഒരു ചേർച്ചയുമില്ലാത്ത രുചികളുടെ വിചിത്രമായ പല 'കോമ്പിനേഷനു'കളും (combinations) ഇന്ന് നാം കാണുന്നുണ്ട്. പലതും നല്ല രീതിയിലുള്ള വിമർശനങ്ങൾ നേരിടുകയും ചെയ്തിരുന്നു. വ്യത്യസ്ത പാചകപരീക്ഷണങ്ങൾ സോഷ്യൽ മീഡിയയിൽ വൈറലായ്ക്കൊണ്ടിരിക്കുകയാണ്. മെക്സിക്കൻ പാനി പൂരി മുതൽ എരിവുള്ള മിർച്ചി ഐസ്ക്രീം, സ്ട്രോബെറി ബിരിയാണി, ഓറിയോ ഫ്രൈഡ് റൈസ് തുടങ്ങി അപ്രതീക്ഷിതമായ കൂട്ടുകെട്ടുകൾ ഇതിൽപ്പെടുന്നു.
ഇപ്പോഴിതാ തണ്ണിമത്തൻ കൊണ്ടൊരു പുതിയൊരു പരീക്ഷണമാണ് സോഷ്യൽ മീഡിയയിൽ വെെറലാകുന്നത്. ചിക്കൻ ഫ്രെെഡ് തണ്ണിമത്തൻ ആണ് വിഭവം. ഫിയർബക്ക് എന്ന എക്സ് അക്കൗണ്ടിലാണ് വീഡിയോ പങ്കുവച്ചിരിക്കുന്നത്.
തണ്ണിമത്തൻ ചെറിയ കഷ്ണങ്ങളാക്കി മുട്ടയിൽ മുക്കിയെടുത്ത ശേഷം മെെദയിൽ പൊതിഞ്ഞ് എണ്ണയിൽ വറുത്ത് കോരുക. ശേഷം ചൂടോടെ കഴിക്കുക. ഇതാണ് 'Chicken Fried Watermelon' എന്ന വിഭവം. തണ്ണിമത്തനോട് ഇങ്ങനെ ചെയ്യേണ്ടായിരുന്നുവെന്ന് ഒരാൾ കമന്റ് ചെയ്തു. ഇങ്ങനെയുള്ള വിചിത്ര പരീക്ഷണങ്ങൾ നല്ലതായി തോന്നുന്നില്ല എന്നാണ് മറ്റൊരാൾ കമന്റ് ചെയ്തിരിക്കുന്നത്.
ever tried chicken fried watermelon? pic.twitter.com/7RX44Z30QI
— FearBuck (@FearedBuck) July 18, 2024