'ഇങ്ങനെയല്ലടോ ചിക്കൻ ബിരിയാണിയുണ്ടാക്കുക'; കരച്ചിലിന്‍റെ വക്കില്‍ ബിരിയാണിപ്രേമി
ചില സന്ദര്‍ഭങ്ങളില്‍ ഫുഡ് വീഡിയോകളില്‍ കാണുന്ന പാചക പരീക്ഷണങ്ങള്‍, അല്ലെങ്കില്‍ പരമ്പരാഗത രീതി വിട്ടുകൊണ്ടുള്ള പാചകം ഭക്ഷണപ്രേമികളെ ചൊടിപ്പിക്കാറുണ്ട്. അതും ഒട്ടും ഉള്‍ക്കൊള്ളാൻ സാധിക്കാത്ത ഫുഡ് കോംബോകളാണ് ഏവരെയും പെട്ടെന്ന് തന്നെ അസ്വസ്ഥതപ്പെടുത്താറ്.
 )
Followഫുഡ് വീഡിയോകളാണ് സത്യത്തില്‍ സോഷ്യല്‍ മീഡിയയില്‍ ഏറ്റവുമധികം വരുന്നത് എന്ന് തന്നെ പറയാം, അല്ലേ? ഓരോ നാട്ടിലെയും വ്യത്യസ്തമായ രുചി സംസ്കാരങ്ങളും, അതോടൊപ്പം തന്നെ നമുക്ക് പരിചിതമായ തനത് രുചികളുടെ തന്നെ മനോഹരമായ അവതരണങ്ങളുമെല്ലാം ഇത്തരത്തില്‍ ഫുഡ് വീഡിയോകളിലൂടെ നാം ആസ്വദിക്കാറുണ്ട്.
എന്നാല്‍ ചില സന്ദര്‍ഭങ്ങളില്‍ ഫുഡ് വീഡിയോകളില്‍ കാണുന്ന പാചക പരീക്ഷണങ്ങള്‍, അല്ലെങ്കില്‍ പരമ്പരാഗത രീതി വിട്ടുകൊണ്ടുള്ള പാചകം ഭക്ഷണപ്രേമികളെ ചൊടിപ്പിക്കാറുണ്ട്. അതും ഒട്ടും ഉള്‍ക്കൊള്ളാൻ സാധിക്കാത്ത ഫുഡ് കോംബോകളാണ് ഏവരെയും പെട്ടെന്ന് തന്നെ അസ്വസ്ഥതപ്പെടുത്താറ്.
സമാനമായി വേറിട്ട രീതിയില്‍ ബിരിയാണി തയ്യാറാക്കുന്നൊരു വീഡിയോയ്ക്ക് ബിരിയാണിപ്രേമിയായ ഒരാള്‍ നല്‍കിയ റിയാക്ഷൻ അടങ്ങുന്ന വീഡിയോ ആണിപ്പോള്‍ ഏറെ ശ്രദ്ധേയമാകുന്നത്. ചിക്കൻ ബിരിയാണിയാണ് വീഡിയോയില് തയ്യാറാക്കുന്നതായി കാണിക്കുന്നത്. എന്നാല്‍ തീര്‍ത്തും വ്യത്യസ്തമായ രീതിയിലാണിത് തയ്യാറാക്കുന്നത്. ഇന്ത്യക്കാരനല്ല ഇത് തയ്യാറാക്കുന്നത് എന്നാണ് പ്രത്യക്ഷമായി നമുക്ക് മനസിലാവുക.
ബിരിയാണിപ്രേമിയായ യുവാവ് ഈ വീഡിയോ ആദ്യത്തെ ഏതാനും സെക്കൻഡുകള്‍ രസിച്ച് കാണുന്നുണ്ട്. എനിക്ക് ചിക്കൻ ബിരിയാണി അത്രക്കും ഇഷ്ടമാണെന്നൊക്കെ ഇദ്ദേഹം ചിരിയോടെ പറയുന്നുണ്ട്. പക്ഷേ പിന്നീടങ്ങോട്ട് ബിരിയാണിയുടെ പാചകം പോകുന്നത് കണ്ട് ഇദ്ദേഹത്തിന്‍റെ ഭാവം ആകെ മാറുകയാണ്.
ബിരിയാണിയിലേക്ക് സ്ട്രോബെറി മുറിച്ച് ചേര്‍ക്കുന്നതോടെ ഒരു അലര്‍ച്ചയിലേക്ക് ഇദ്ദേഹം നീങ്ങുകയാണ്. ബിരിയാണിയില്‍ സ്ട്രോബെറി ചേര്‍ക്കില്ലടോ എന്നും പറഞ്ഞാണ് യുവാവ് 'വയലന്‍റ്' ആകുന്നത്. തുടര്‍ന്നുള്ള പാചകരീതിയും ഇദ്ദേഹത്തിന് രസിക്കുന്നില്ല. അരിയും മസാലയുമൊന്നും പോര എന്ന് ആവര്‍ത്തിച്ച് പറയുന്നുണ്ട് ഇദ്ദേഹം.
ഒടുവില്‍ ബിരിയാണി പാകമായി വന്നപ്പോഴാകട്ടെ ഇദ്ദേഹത്തിന്‍റെ മുഖം അസംതൃപ്തി കൊണ്ട് നിറഞ്ഞിരിക്കുകയാണ്. ഇത് കണ്ടുനില്‍ക്കാൻ തന്നെ പറ്റുന്നില്ല എന്നാണ് ദുഖത്തോടെയും രോഷത്തോടെയും ബിരിയാണിപ്രേമിയായ ഇദ്ദേഹം പറയുന്നത്. വീഡിയോ കണ്ടവരെല്ലാം തന്നെ ഇദ്ദേഹം യഥാര്‍ത്ഥ ബിരിയാണിപ്രേമിയാണെന്ന് സാക്ഷ്യപ്പെടുത്തിയിരിക്കുകയാണ്. അല്ലെങ്കില്‍ ഈ ബിരിയാണി വീഡിയോ ഇദ്ദേഹത്തെ അത്ര അസ്വസ്ഥതപ്പെടുത്തില്ലെന്നും, വീഡിയോയില് കണ്ട ബിരിയാണി ഒരു ബിരിയാണിയേ അല്ലെന്നുമെല്ലാം കമന്‍റില്‍ ആളുകള്‍ കുറിച്ചിരിക്കുന്നു. ഏതായാലും ബിരിയാണിപ്രേമിയായ യുവാവിന്‍റെ റിയാക്ഷൻ വീഡിയോ ഒന്ന് കണ്ടുനോക്കൂ...
വീഡിയോ...
Also Read:- മാമ്പഴ മേളയില്‍ നിന്നുള്ള രസകരമായ കാഴ്ച; വീഡിയോ...
ഏഷ്യാനെറ്റ് ന്യൂസ് ലൈവ് യൂട്യൂബില്‍ കാണാം:-
