റിലീസിന് നേട്ടമുണ്ടാക്കി രാജ്‍കുമാര്‍ റാവു ചിത്രം, കണക്കുകള്‍ പുറത്ത്
രാജ്‍കുമാര്‍ റാവു നായകനായി വേഷമിട്ട ചിത്രം റിലീസിന് നേടിയത്.
 )
Followരാജ്‍കുമാര്‍ റാവു നായകനായി വേഷമിട്ട ചിത്രത്തിന് മികച്ച സ്വീകാര്യത. രാജ്‍കുമാര്‍ റാവുവിന്റെയും ജാൻവി കപൂറിന്റെയും ചിത്രം മിസ്റ്റര്‍ ആൻഡ് മിസിസ് മഹി കളക്ഷനില്‍ നേട്ടമുണ്ടുണ്ടാക്കിയിരിക്കുകയാണ്. മിസ്റ്റര്‍ ആൻഡ് മിസിസ് മഹിയുടെ ടിക്കറ്റ് വില്‍പനയിലും ഇന്നലെ നേട്ടം രേഖപ്പെടുത്തിയിരുന്നു. രാജ്‍കുമാര്‍ റാവു നായകനായെത്തി 6.85 കോടി റിലീസിന് ആകെ നേടി കുതിക്കുമ്പോള്‍ സംവിധാനം നിര്‍വഹിച്ചിരിക്കുന്നത് ശരണ്‍ ശര്‍മയാണ്.
ഇന്നലെ സിനിമ ലവേഴ്‍സ് ഡേയായിരുന്നു. മള്‍ട്ടിപ്ലക്സ് അസോസിയേഷൻ ഓഫ് ഇന്ത്യ ടിക്കറ്റുകളുടെ വില 99 രൂപയായി കുറച്ചിട്ടുണ്ടെന്നത് തിയറ്ററുകളിലേക്ക് ആകര്‍ഷിക്കാൻ സഹായകരമായിരുന്നു. 2.25 ലക്ഷമാണ് രാജ്‍കുമാര്‍ ചിത്രത്തിന്റെ ടിക്കറ്റുകള്‍ മുൻകൂറായി വിറ്റഴിച്ചത്. പിവിആര്‍ ഐനോക്സിനും പുറമേ സിനിമപൊളിസ് തിയറ്റര്‍ ശൃംഖലയില്‍ നിന്നുള്ള ആകെ അഡ്വാൻസ് ടിക്കറ്റ് വില്‍പനയുടെ കണക്കുകളാണ് പുറത്തുവിട്ടിരിക്കുന്നത്.
ഹിന്ദിയില്‍ നിന്ന് എത്തിയവയില്‍ അഡ്വാൻസ് ടിക്കറ്റ് വില്‍പനയിലാണ് ഒന്നാമതെത്തിയിരിക്കുന്നത് എന്ന് റിപ്പോര്‍ട്ടുകളുണ്ട്. ഹൃത്വിക് റോഷന്റെ ഫൈറ്റര്‍ മുൻകൂറായി ടിക്കറ്റുകള്‍ 1.45 എണ്ണമാണ് ആകെ ദേശീയ തിയറ്റര്‍ ശൃംഖലയില്‍ വിറ്റഴിച്ചത്. വമ്പൻ ഹിറ്റായി മാറിയ ഒരു ചിത്രമായിരുന്നു ഹൃത്വിക് റോഷൻ നായകനായ ഫൈറ്റര്‍. സംവിധായകൻ സിദ്ധാര്‍ഥ് ആനന്ദന്റെ ഒടുവിലത്തെ ചിത്രമായ ഫൈറ്റര്‍ ഒരുങ്ങിയത് ആകെ 250 കോടി ബജറ്റില്‍ ആയിരുന്നു.
രാം ചരണിന്റെ നായികയായി ബോളിവുഡ് താരം ജാൻവി കപൂര്‍ എത്തുന്നു എന്ന് അടുത്തിടെ സിനിമാ മാധ്യമങ്ങള്‍ റിപ്പോര്‍ട്ട് ചെയ്‍തിരുന്നു. സംവിധായകൻ ബുചി ബാബുവിന്റെ പുതിയ ചിത്രത്തിലാണ് ജാൻവി കപൂര്‍ രാം ചരണിന്റെ നായികയായി എത്തുക. വമ്പൻ പ്രതിഫലമാണ് ജാൻവി കപൂറിന് ചിത്രത്തിനായി ലഭിക്കുക എന്നും റിപ്പോര്‍ട്ടുണ്ട്. ആര്‍സി 16നായി ജാൻവിക്ക് ആറ് കോടി രൂപയോളമാണ് ലഭിക്കുക എന്നാണ് റിപ്പോര്‍ട്ട്.
ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക
