രാജാവിന്റെ കാവൽക്കാരുടെ തൊപ്പി നിർമ്മാണം, ഓരോ വർഷം കൊല്ലുന്നത് 100 കരടികളെ?
കരടിരോമത്തൊപ്പി എന്നാണ് ഇവ അറിയപ്പെടുന്നത് തന്നെ. രാജകൊട്ടാരത്തിന്റെ ഒരുപാട് കാലമായിട്ടുള്ള പാരമ്പര്യങ്ങളുടെ ഭാഗമാണ് ഈ തൊപ്പി.
 )
Followഎലിസബത്ത് രാജ്ഞി മരിച്ചത് വലിയ വാർത്ത ആയിരുന്നു. ആ സമയത്ത് കൊട്ടാരവുമായി ബന്ധപ്പെട്ട പല വാർത്തകളും ആളുകൾ കൗതുകത്തോടെ ശ്രദ്ധിച്ചു. അതുപോലെ, രാജാവിന്റെ ഗാർ‌ഡുമാരുടെ (നേരത്തെ രാജ്ഞിയുടെ ഗാർഡ്) വലിയ കറുത്ത രോമത്തൊപ്പിയും മിക്കവരും ശ്രദ്ധിച്ച് കാണും. വളരെ വ്യത്യസ്തത തോന്നുന്ന തൊപ്പിയാണ് അത് എന്നതിൽ സംശയമില്ല.
1800 -കളിൽ യുണൈറ്റഡ് കിംഗ്ഡത്തിന്റെ ശത്രുക്കൾക്കെതിരായ യുദ്ധത്തിന്റെ ഭാഗമായിട്ടാണ് രാജാവിന്റെ കാവൽക്കാരുടെ വസ്ത്രം രൂപകൽപന ചെയ്തിരിക്കുന്നത്. ശത്രുക്കളെ ഭയപ്പെടുത്തുകയായിരുന്നു ഈ വേഷവിധാനത്തിന്റെ ലക്ഷ്യങ്ങളിലൊന്ന്. അതാണ്, തൊപ്പി ഇത്രയും വലുതും വ്യത്യസ്തമായതും ആവാൻ കാരണം.
ഈ തൊപ്പി എന്തുപയോഗിച്ചാണ് നിർമ്മിച്ചത് എന്ന് അറിയുമോ? അത് കരടിയുടെ രോമങ്ങൾ ഉപയോഗിച്ച് നിർമ്മിച്ച തൊപ്പികളാണ്. ഈ തൊപ്പികൾ നിർമ്മിക്കാൻ വേണ്ടി മാത്രം ഓരോ വർഷവും ഒരു നൂറ് കരടികളെ എങ്കിലും കൊല്ലുന്നുണ്ടെന്നാണ് മാധ്യമങ്ങൾ റിപ്പോർട്ട് ചെയ്യുന്നത്.
കരടിരോമത്തൊപ്പി എന്നാണ് ഇവ അറിയപ്പെടുന്നത് തന്നെ. രാജകൊട്ടാരത്തിന്റെ ഒരുപാട് കാലമായിട്ടുള്ള പാരമ്പര്യങ്ങളുടെ ഭാഗമാണ് ഈ തൊപ്പി. ഈ തൊപ്പികൾ വളരെ ഉയരം കൂടിയവയാണ് എന്ന് പറഞ്ഞല്ലോ? സാധാരണയായി ആചാരപരമായ സൈനിക യൂണിഫോമിന്റെ ഭാഗമായിട്ടാണ് ഇവ ധരിക്കുന്നത്. പണ്ടുകാലത്ത് ഈ കരടിയുടെ തൊലി ഗ്രനേഡിയറുകളുടെ ശിരോവസ്ത്രത്തിനുപയോഗിച്ചതായിരുന്നു. അതുപോലെ, അവ ഗ്രനേഡിയറുകളും വിവിധ സൈന്യങ്ങളിലെ ഗാർഡ് റെജിമെന്റുകളും ഉപയോഗിച്ചിരുന്നു.
എന്നാൽ, അവയെല്ലാം ഒരുപോലെ ആയിരുന്നില്ല. അവ വ്യത്യസ്തങ്ങളായിരുന്നു. റാങ്കിംഗിൽ ഉയർന്നരും താഴ്ന്നവരും ധരിക്കുന്ന തൊപ്പി വ്യത്യസ്തമായിരുന്നു. അതുപോലെ ചിലത് ബ്രൗൺ കരടിയുടെ തൊലിയിൽ നിന്നാണ് എങ്കിൽ, ചിലത് ചില പെൺകരടികളുടെ തൊലിയിൽ നിന്നും മാത്രം നിർമ്മിക്കുന്നതായിരുന്നു. പതിനേഴാമത്തെ നൂറ്റാണ്ട് മുതൽ ബ്രിട്ടീഷ് ഉദ്യോഗസ്ഥർ ഈ കരടിരോമത്തിൽ നിന്നും ഉണ്ടാക്കുന്ന തൊപ്പികൾ ധരിക്കുന്നുണ്ടത്രെ.
