ഡ്രൈവറും കണ്ടക്ടറും ഭക്ഷണം കഴിക്കാനിറങ്ങി, നിർത്തിയിട്ട സ്വകാര്യ ബസിൽ പെൺകുട്ടിയോട് ക്രൂരത; ക്ലീനർ പിടിയിൽ
കഴിഞ്ഞ ദിവസം രാവിലെ 10.15 മണിയോടുകൂടി കുന്നോന്നി ടൗൺ ഭാഗത്ത് ഭക്ഷണം കഴിക്കുന്നതിനായി ബസ് നിർത്തിയിട്ടിരുന്നു. ഈ സമയത്ത് ആണ് ആക്രമണം നടന്നത്.
 )
Followഈരാറ്റുപേട്ട: കോട്ടയം ഈരാറ്റുപേട്ടയിൽ പ്രായപൂർത്തിയാകാത്ത പെൺകുട്ടിയോട് ബസ്സിനുള്ളിൽ വെച്ച് ലൈംഗികാതിക്രമം നടത്തിയ കേസിൽ ബസ് ജീവനക്കാരനായ യുവാവിനെ പോലീസ് അറസ്റ്റ് ചെയ്തു. തലപ്പലം, സ്വദേശി രാജീവ് ആർ.വി എന്നയാളെയാണ് ഈരാറ്റുപേട്ട പൊലീസ് പോക്സോ നിയമപ്രകാരം അറസ്റ്റ് ചെയ്തത്. ഇയാൾ ക്ലീനറായി ജോലി ചെയ്തു വന്നിരുന്ന സ്വകാര്യബസിൽ വെച്ചാണ് സംഭവം.
കഴിഞ്ഞ ദിവസം രാവിലെ 10.15 മണിയോടുകൂടി കുന്നോന്നി ടൗൺ ഭാഗത്ത് ഭക്ഷണം കഴിക്കുന്നതിനായി ബസ് നിർത്തിയിട്ടിരുന്നു. ഈ സമയം ബസ്സിനുള്ളിൽ ഇരിക്കുകയായിരുന്ന പ്രായപൂർത്തിയാത്ത പെൺകുട്ടിക്ക് നേരെ രാജീവ് ലൈംഗികാതിക്രമം നടത്തുകയായിരുന്നു എന്നാണ് പരാതി. അതിക്രമം നടക്കുമ്പോള്‍ ബസിൽ പെൺകുട്ടി തനിച്ചായിരുന്നു. കുട്ടി ബഹളം വെച്ചതോടെയാണ് ഇയാള്‍ പിൻമാറിയത്. പെൺകുട്ടി വിവരം വീട്ടിൽ അറിയിക്കുകയും പിന്നാലെ രക്ഷിതാക്കൾ പൊലീസിൽ പരാതി നൽകുകയും ചെയ്തു. തുടർന്ന് ഈരാറ്റുപേട്ട പൊലീസ് കേസ് രജിസ്റ്റർ ചെയ്ത് നടത്തിയ അന്വേഷണത്തിലാൻ് പ്രതിയെ അറസ്റ്റ് ചെയ്തത്.
Read More : 100 കോടിയുടെ ചലാൻ, ഇതുവരെ ഖജനാവിലെത്തിയത് 33 കോടി; എഐ ക്യാമറ സ്ഥാപിച്ച പണം കിട്ടണം, സർക്കാരിനോട് കെൽട്രോണ്‍
