മല്ലിക ശ്രീനിവാസനെ പിഇഎസ്ബി അധ്യക്ഷയായി നിയമിച്ചു
പിഇഎസ്ഇ അംഗമായി അസം- മേഘാലയ കേഡർ ഐഎഎസ് ഓഫീസർ ശൈലേഷിനെയും നിയമിച്ചു.
 )
Followദില്ലി: ട്രാക്ടേഴ്സ് ആൻഡ് ഫാം എക്യുപ്മെന്റ് ലിമിറ്റഡ് ചെയർപേഴ്സണും മാനേജിംഗ് ഡയറക്ടറുമായ മല്ലിക ശ്രീനിവാസനെ പബ്ലിക് എന്റർപ്രൈസസ് സിലക്ഷൻ ബോർഡ് (പിഇഎസ്ഇ) അധ്യക്ഷയായി നിയമിച്ചു. ആദ്യമായാണ് സ്വകാര്യ മേഖലയിൽ നിന്നുളള ഒരാളെ ഈ പദവിയിൽ സർക്കാർ നിയമിക്കുന്നത്.
കേന്ദ്ര പൊതുമേഖല സംരംഭങ്ങളുടെ ഉന്നത പദവികളിൽ നിയമിക്കപ്പെടേണ്ടവരെക്കുറിച്ച് സർക്കാരിന് ശുപാർശ നൽകുകയെന്നതാണ് പിഇഎസ്ഇയുടെ ധർമ്മം. ടിവിഎസ് മോട്ടോർ കമ്പനി ചെയർമാൻ വേണു ശ്രീനിവാസന്റെ ഭാര്യയാണ് മല്ലിക. ടാറ്റാ സ്റ്റീലിന്റെ ബോർഡ് ഓഫ് ഡയറക്‌ടേഴ്സിലും ഇവരുണ്ട്.
പിഇഎസ്ഇ അംഗമായി അസം- മേഘാലയ കേഡർ ഐഎഎസ് ഓഫീസർ ശൈലേഷിനെയും നിയമിച്ചു. മന്ത്രിസഭയുടെ നിയമകാര്യ സമിതിയാണ് ഇതുസംബന്ധിച്ച് തീരുമാനമെ‌ടുത്തത്. ബോർഡിന്റെ ശുപാർശയില്ലാത്തതിനാൽ അമ്പതിലേറെ പൊതുമേഖല സ്ഥാപനങ്ങളിലെ ഉന്നത സ്ഥാനങ്ങളിൽ നിയമനം വൈകുന്നത് വിമർശനത്തിന് ഇടയാക്കിയിരുന്നു.
