Big Little Book Award 2021 : ബിഗ് ലിറ്റിൽ ബുക്ക് അവാർഡ് പ്രൊഫ.എസ് ശിവദാസിന്; ഇല്ലസ്ട്രേറ്റർ ദീപ ബൽസാൽവർ
കോട്ടയം സ്വദേശിയായ പ്രൊഫ. എസ്. ശിവദാസ് മലയാളത്തിലെ ബാലസാഹിത്യമേഖലയിൽ ശ്രദ്ധേയമായി നിലകൊള്ളുന്ന വ്യക്തിയാണ്. ഇരുന്നൂറിലധികം പുസ്തകങ്ങളുടെ രചയിതാവ് കൂടിയാണ് ഇദ്ദേഹം. അവാർഡ് ലഭിച്ചതിൽ അതിയായ സന്തോഷമുണ്ടെന്ന് അദ്ദേഹം പറഞ്ഞു.
 )
Followദില്ലി: ഇന്ത്യൻ ഭാഷകളിലെ (Indian Literature) ബാലസാഹിത്യത്തിന് (Children Literature) നൽകിയ സമഗ്ര സംഭാവനയ്ക്കുള്ള ബിഗ് ലിറ്റിൽ ബുക്ക് അവാർഡ് (Big Little Book Award 2021) (ബിഎൽബിഎ 2021) പ്രശസ്ത ബാലസാഹിത്യകാരനായ പ്രൊഫ.എസ്.ശിവദാസിനും ലഭിച്ചു. മികച്ച ഇല്ലസ്ട്രേറ്റർക്കുള്ള അവാർഡ് ദില്ലി സ്വദേശിയായ ദീപ ബൽസാവറിനാണ്. കോട്ടയം സ്വദേശിയായ പ്രൊഫ. എസ്. ശിവദാസ് മലയാളത്തിലെ ബാലസാഹിത്യമേഖലയിൽ ശ്രദ്ധേയമായി നിലകൊള്ളുന്ന വ്യക്തിയാണ്. ഇരുന്നൂറിലധികം പുസ്തകങ്ങളുടെ രചയിതാവ് കൂടിയാണ് ഇദ്ദേഹം. അവാർഡ് ലഭിച്ചതിൽ അതിയായ സന്തോഷമുണ്ടെന്ന് അദ്ദേഹം പറഞ്ഞു.
ഇല്ലസ്ട്രേറ്റർ വിഭാഗത്തിൽ പുരസ്‌കാരം നേടിയ ആർട്ടിസ്റ്റ് ദീപ ബൽസാവർ മുംബൈ സ്വദേശിയാണ് . “കുട്ടികൾക്കായി പുസ്തകങ്ങൾ ഉണ്ടാക്കുക എന്നത് ഒരു പദവിയും വലിയ ഉത്തരവാദിത്തവുമാണ്. എനിക്ക് ഞാൻ ചെയ്യുന്നത് തുടരാനുള്ള പ്രതീക്ഷയും ധൈര്യവും നൽകുന്നതാണ് ഈ അവാർഡ് . കുട്ടികളെ വായിക്കാനും ചിന്തിക്കാനും പ്രേരിപ്പിക്കുമ്പോൾ, അവരുടെ ജീവിതത്തിന്റെ ചുമതല ഏറ്റെടുക്കാനും അവരുടെ ലോകം മാറ്റാനുമുള്ള ഉപകരണങ്ങൾ ഞങ്ങൾ അവർക്ക് നൽകുകയാണ് ചെയ്യുന്നത്. ദീപ ബൽസാൽവർ വ്യക്തമാക്കി.
“ഇന്ത്യൻ ഭാഷകളിലെ യഥാർത്ഥവും ആകർഷകവും ഗുണനിലവാരമുള്ളതുമായ ബാലസാഹിത്യങ്ങൾ വായനാ സംസ്കാരം വികസിപ്പിക്കുന്നതിനും വിദ്യാഭ്യാസ ലക്ഷ്യങ്ങൾ കൈവരിക്കുന്നതിനും നിർണായകമാണ്. രചയിതാക്കൾക്കും ചിത്രകാരന്മാർക്കുമുള്ള ബിഗ് ലിറ്റിൽ ബുക്ക് അവാർഡിന്റെ ആറാമത് പതിപ്പ്, ഈ സുപ്രധാന മേഖലയ്ക്ക് മാറ്റമുണ്ടാക്കിയ പ്രതിബദ്ധതയുള്ള കലാകാരന്മാരുടെ മികച്ച സംഭാവനകളെ ആഘോഷിക്കുന്നതിനുള്ള അവസരമാണ്. വിജയികളെ ഞങ്ങൾ അഭിനന്ദിക്കുകയും അവരിൽ നിന്ന് കൂടുതൽ വിപുലമായ സൃഷ്ടികൾ പ്രതീക്ഷിക്കുകയും ചെയ്യുന്നു. ടാറ്റ ട്രസ്റ്റിന്റെ വിദ്യാഭ്യാസ മേധാവി അമൃത പട്‌വർധൻ പറഞ്ഞു.
ഈ വർഷം ബിഗ് ലിറ്റിൽ ബുക്ക് അവാർഡിന്റെ (BLBA 2021) ആറാം പതിപ്പാണ് നൽകിയിരിക്കുന്നത്. 2021 മെയ് മുതൽ ജൂൺ വരെയുള്ള നോമിനേഷൻ കാലയളവിൽ 490 എൻട്രികൾ ലഭിച്ചു. രചയിതാവിന്റെ വിഭാഗത്തിലേക്ക് ഈ വർഷം തിരഞ്ഞെടുത്ത ഭാഷ മലയാളമാണ്. ഇന്ത്യൻ ഭാഷകളിൽ ബാലസാഹിത്യത്തിന് രചയിതാക്കളുടെയും ചിത്രകാരന്മാരുടെയും മഹത്തായ സംഭാവനകളെ അംഗീകരിക്കുന്നതിനും ആദരിക്കുന്നതിനുമായി ടാറ്റ ട്രസ്റ്റാണ് ബിഗ് ലിറ്റിൽ ബുക്ക് അവാർഡ് ഏർപ്പെടുത്തിയത്. 2016 മുതൽ ആരംഭിച്ച ഈ അവാർഡ് രചയിതാവ്, ചിത്രകാരൻ/കലാകാരൻ എന്നീ രണ്ട് വിഭാഗങ്ങളിലാണ് നൽകുന്നത്. ഓരോ വർഷവും ഒരു ഇന്ത്യൻ ഭാഷയാണ് ഒരു എഴുത്തുകാരനെ അവാർഡിനായി തിരഞ്ഞെടുക്കുന്നത്. 2021ലെ ഭാഷ മലയാളമാണ്.
.
