ഹാച്ച്ബാക്കല്ല, 'നോച്ച്ബാക്ക്'; വേറിട്ടൊരു സെഡാൻ കാറുമായി സിട്രോൺ
കമ്പനി ഇപ്പോൾ ഈ കാർ പരീക്ഷിച്ചുവരികയാണ്. ഈ വാഹനത്തിന്‍റെ നീളം ഏകദേശം 4.3 മീറ്റർ ആയിരിക്കും. ഇത് സിഎംപി മോഡുലാർ പ്ലാറ്റ്‌ഫോമിൽ നിർമ്മിക്കും. ഈ പ്ലാറ്റ്‌ഫോമിൽ നിർമിക്കുന്ന കമ്പനിയുടെ നാലാമത്തെ കാർ കൂടിയാണിത്.
 )
Followഇന്ത്യൻ വിപണിയിൽ തന്‍റേതായ വ്യക്തിമുദ്ര പതിപ്പിച്ച ഫ്രഞ്ച് കമ്പനിയായ സിട്രോൺ ഇപ്പോൾ പുതിയ കുതിപ്പിന് ഒരുങ്ങുകയാണ്. തങ്ങളുടെ പുതിയ സെഡാനായ സിട്രോൺ C3X ഉടൻ ഇന്ത്യയിൽ അവതരിപ്പിക്കാൻ ഒരുങ്ങുകയാണ് കമ്പനി. അടുത്ത വർഷം ആദ്യം ഈ സെഡാൻ വിപണിയില്‍ എത്തുമെന്നാണ് കരുതുന്നത്. കമ്പനി ഇപ്പോൾ ഈ കാർ പരീക്ഷിച്ചുവരികയാണ്. ഈ വാഹനത്തിന്‍റെ നീളം ഏകദേശം 4.3 മീറ്റർ ആയിരിക്കും. ഇത് സിഎംപി മോഡുലാർ പ്ലാറ്റ്‌ഫോമിൽ നിർമ്മിക്കും. ഈ പ്ലാറ്റ്‌ഫോമിൽ നിർമിക്കുന്ന കമ്പനിയുടെ നാലാമത്തെ കാർ കൂടിയാണിത്.
സിട്രോൺ സി 3 എക്സിന്റെ രൂപകൽപ്പന പരിശോധിച്ചാൽ ബോഡി സ്റ്റൈൽ ഒഴികെ, അതിന്റെ ഡിസൈൻ കമ്പനിയുടെ മറ്റ് മോഡലുകളിൽ നിന്ന് വളരെ വ്യത്യസ്‍തമല്ല. മസ്‍കുലർ ക്ലാംഷെൽ ബോണറ്റ്, സ്പ്ലിറ്റ്-ടൈപ്പ് ഡിആർഎല്ലുകളുള്ള ബമ്പർ ഘടിപ്പിച്ച ഹെഡ്‌ലൈറ്റുകൾ, സിട്രോൺ ബാഡ്‌ജിംഗോടുകൂടിയ സ്ലീക്ക് ഗ്രിൽ, വിശാലമായ എയർ ഡാം, ക്രോം ചുറ്റുപാടുകളുള്ള ഫോഗ് ലൈറ്റുകൾ എന്നിവ ഇതിന്‍റെ സവിശേഷതകളാണ്. ഇൻഡിക്കേറ്റർ ഘടിപ്പിച്ച ഓആർവിഎമ്മുകളും അലോയി വീലുകളുമായാണ് ഈ വാഹനം എത്തുന്നത്. പിന്നിൽ, ഇതിന് റാപ് എറൗണ്ട് ടെയിൽലൈറ്റുകളും വിൻഡോ വൈപ്പറും ലഭിക്കും.
സിട്രോൺ C3X 1.2 ലിറ്റർ, ടർബോ-പെട്രോൾ എഞ്ചിനിനൊപ്പം നൽകാം. ഈ എഞ്ചിൻ 6-സ്പീഡ് മാനുവൽ ഗിയർബോക്സ് ട്രാൻസ്‍മിഷനുമായി ജോടിയാക്കും. 6-സ്പീഡ് ടോർക്ക് കൺവെർട്ടർ യൂണിറ്റും ഇതിൽ ഉൾപ്പെടുത്താൻ സാധ്യതയുണ്ട്. ഇതുകൂടാതെ, ഈ വാഹനത്തിൽ ഹൈബ്രിഡ് എഞ്ചിനും കമ്പനി നൽകാൻ സാധ്യതയുണ്ട്. കാരണം ഹൈബ്രിഡ് കാറുകൾക്ക് ഇന്ത്യൻ വിപണിയിൽ മികച്ച പ്രതികരണമാണ് ലഭിക്കുന്നത്. ഹൈബ്രിഡ് എഞ്ചിനുകളുള്ള കാറുകളുടെ മൈലേജും മികച്ചതാണ്. മണിക്കൂറിൽ 180 കിലോമീറ്ററാണ് ഈ വാഹനത്തിന്‍റെ ഉയർന്ന വേഗത.
സിട്രോൺ സി3എക്സിന്റെ സവിശേഷതകളെക്കുറിച്ച് പറയുമ്പോൾ, 10 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, ആപ്പിൾ കാർപ്ലേയ്‌ക്കൊപ്പം ഡിജിറ്റൽ ഇൻസ്ട്രുമെന്റ് ക്ലസ്റ്റർ, ആൻഡ്രോയിഡ് ഓട്ടോ കണക്റ്റിവിറ്റി എന്നിവയും ഉണ്ടാകും. ഏറ്റവും പുതിയ കാറിന്റെ ഡാഷ്‌ബോർഡിന്റെ രണ്ടറ്റത്തും വെർട്ടിക്കൽ എസി വെന്റുകളും 3-സ്‌പോക്ക് സ്റ്റിയറിംഗ് വീലും ലഭ്യമാകും. ഇതിനുപുറമെ, വാഹനത്തിന് സ്പ്ലിറ്റ് ഹെഡ്‌ലാമ്പുകൾ, പുതിയ റാപ്പറൗണ്ട് എൽഇഡി ടെയിൽലൈറ്റുകൾ, ഡ്യുവൽ-ടോൺ അലോയ് വീലുകൾ, ബ്ലാക്ക്-ഔട്ട് ബി-പില്ലർ, ഷാർക്ക്-ഫിൻ ആന്റിന എന്നിവ ലഭിക്കും. സുരക്ഷയ്ക്കായി, ഇരട്ട എയർബാഗുകൾ, ഇബിഡി ഉള്ള എബിഎസ്, പിൻ പാർക്കിംഗ് സെൻസറുകൾ എന്നിവയും ഉണ്ടാകും.
സിട്രോൺ C3X ഒരു നോച്ച്ബാക്ക് കാറാണ്. വളരെ കുറച്ച് ബൂട്ട് സ്പേസ് ഉള്ള ഒരു തരം സെഡാനാണ് നോച്ച്ബാക്ക്. 3-ബോക്സ് കോൺഫിഗറേഷനോടുകൂടിയാണ് അവ രൂപകൽപ്പന ചെയ്‍തിരിക്കുന്നത്. മുൻവശത്ത് എഞ്ചിൻ, മധ്യഭാഗത്ത് യാത്രക്കാർ, പിന്നിൽ ചരക്ക് എന്നിങ്ങനെ. ഇവയിൽ ബൂട്ട് ക്യാപ്പിനൊപ്പം പിൻ വിൻഡ് സ്ക്രീനും ലഭിക്കുന്നു. ഹോണ്ട എക്സെന്റ് വിവയും പഴയ സ്കോഡ ഒക്ടാവിയയും നോച്ച്ബാക്ക് കാറുകളാണ്. സിട്രോൺ C3X-ന്റെ വിലയെക്കുറിച്ച് നിലവിൽ വിവരങ്ങൾ ഒന്നുമില്ല, എന്നാൽ അതിന്റെ എക്‌സ്-ഷോറൂം വില ഏകദേശം 20 ലക്ഷം രൂപ ആയിരിക്കും എന്നാണ് റിപ്പോര്‍ട്ടുകള്‍.
