മൈസൂരു - ബംഗളൂരു സൂപ്പര് റോഡ്, ടോള്‍ പിരിവ് തുടങ്ങി
നാഷണൽ ഹൈവേ അതോറിറ്റി ഓഫ് ഇന്ത്യ (എൻഎച്ച്എഐ ) മാർച്ച് 14ന് രാവിലെ 8 മണി മുതൽ എക്സ്പ്രസ് വേയുടെ ബെംഗളൂരു-നിദാഘട്ട വിഭാഗത്തിൽ ടോൾ പിരിവ് ആരംഭിച്ചു.
 )
Followബെംഗളൂരു-മൈസൂർ എക്സ്പ്രസ് വേ ഉപയോഗിക്കുന്ന വാഹനങ്ങൾ ചൊവ്വാഴ്ച മുതൽ ടോൾ ടാക്‌സ് നൽകണം. നാഷണൽ ഹൈവേ അതോറിറ്റി ഓഫ് ഇന്ത്യ (എൻഎച്ച്എഐ ) മാർച്ച് 14ന് രാവിലെ 8 മണി മുതൽ എക്സ്പ്രസ് വേയുടെ ബെംഗളൂരു-നിദാഘട്ട വിഭാഗത്തിൽ ടോൾ പിരിവ് ആരംഭിച്ചു. വാഹനങ്ങളെ ആറായി തരം തിരിച്ചിട്ടുണ്ട് എന്നും ബെംഗളൂരു-നിദാഘട്ട സെക്ഷനിലെ ഒറ്റ യാത്രയ്ക്ക് വാഹനത്തിന്റെ വിഭാഗമനുസരിച്ച് 135 രൂപ മുതൽ 880 രൂപ വരെയാണ് നിരക്ക് എന്നാണ് റിപ്പോര്‍ട്ടുകള്‍.
ബെംഗളൂരു-നിദാഘട്ട സെക്ഷനിലെ ഒറ്റ ട്രിപ്പിന് കാർ ഉടമകൾ 135 രൂപ നൽകണം. ഒരു ദിവസത്തിനകം മടങ്ങുകയാണെങ്കില്‍ 205 രൂപയും നൽകണം. മിനി ബസുകൾക്ക് 220 രൂപയും ബസുകൾക്ക് 460 രൂപയുമാണ് ഒറ്റ യാത്രയ്ക്ക് ടോൾ നിരക്ക്. നിദഘട്ട മുതൽ മൈസൂരു വരെയുള്ള രണ്ടാമത്തെ പാക്കേജ് പൂർണമായി പൂർത്തിയാകുമ്പോൾ ടോൾ നിരക്കിൽ മാറ്റം വരാൻ സാധ്യതയുണ്ട് . ബുഡനൂർ പോലുള്ള ചില സ്ഥലങ്ങളിൽ അടിപ്പാതകളുടെയും മറ്റ് അന്തിമ ഘടനകളുടെയും നിർമ്മാണ പ്രവർത്തനങ്ങൾ ഇപ്പോഴും നടക്കുന്നുണ്ട്.
മൈസൂരു - ബംഗളൂരു സൂപ്പര് റോഡ്, ഇതാ ടോള്‍ നിരക്കുകള്‍
ഫെബ്രുവരിയിൽ നാഷണൽ ഹൈവേ അതോറിറ്റി ഓഫ് ഇന്ത്യ ടോൾ നിരക്കുകൾ സംബന്ധിച്ച് അറിയിപ്പ് നൽകിയിരുന്നു. എന്നാൽ ഇത് മാർച്ച് 14 വരെ നീട്ടി വയ്ക്കുകയായിരുന്നു. നിലവിൽ, 119 കിലോമീറ്റർ റോഡിന്റെ 47 ശതമാനത്തിനും യാത്രക്കാർ ടോൾ നൽകണം. ഹൈ സ്പീഡ് എക്സ്പ്രസ് വേയിൽ ബൈക്ക് ഓട്ടോകളും മറ്റ് സ്ലോ സ്പീഡ് വാഹനങ്ങളും അനുവദിക്കില്ല.
കർണാടകയിലെ മാണ്ഡ്യയിൽ ഞായറാഴ്‍ചയാണ് പ്രധാനമന്ത്രി നരേന്ദ്ര മോദി 9000 കോടി രൂപയുടെ ഹൈവേ ഉദ്ഘാടനം ചെയ്‍തത്. അതിവേഗ ഇടനാഴി വന്നതോടെ രണ്ട് പ്രധാന നഗരങ്ങൾക്കിടയിലുള്ള യാത്രാ സമയം നിലവിലെ മൂന്ന് മണിക്കൂറിൽ നിന്ന് 75 മിനിറ്റായി കുറഞ്ഞു. എക്സ്പ്രസ് വേയുടെ ഇരുവശത്തും രണ്ട് വരി സർവീസ് റോഡുകൾക്കൊപ്പം ആറ് വരി പാതയാണ് ഇടനാഴി. ഈ സൂപ്പര് റോഡിനെ ഇത് 10 വരി അതിവേഗ ഇടനാഴിയാക്കി മാറ്റുന്നു. 69 ബസ് ബേകളും 49 അണ്ടർപാസുകളും 13 മേൽപ്പാലങ്ങളും സൗജന്യവും അനിയന്ത്രിതവുമായ യാത്ര ഉറപ്പാക്കുന്നതിന് ഇരുവശങ്ങളിലും ഫെൻസിങ്ങുകളും ഉണ്ട്. കേന്ദ്രസർക്കാരിന്റെ മുൻനിര ഭാരത്മാല പരിയോജനയുടെ (ബിഎംപി) ഭാഗമായാണ് ഈ സൂപ്പര് റോഡ് നിർമ്മിച്ചിരിക്കുന്നത്.
മൈസൂരു- ബെംഗളൂരു സൂപ്പര്‍ഹൈവേ റെഡി; ടോള്‍ നിരക്കില്‍ കണ്ണുതള്ളി സോഷ്യല്‍ മീഡിയ; എന്താണ് വാസ്‍തവം?
കടുത്ത എതിർപ്പിനിടെയാണ് ബാംഗ്ലൂർ-മൈസൂർ എക്സ്പ്രസ് വേയിൽ ഇന്നു മുതൽ ടോൾ പിരിവ് ആരംഭിച്ചത്. ടോൾ പിരിവിനെതിരെ പ്രതിഷേധത്തിനൊരുങ്ങുന്നത് കന്നഡ അനുകൂല സംഘടനകളാണ്. കസ്തൂരി കർണാടക പീപ്പിൾസ് ഫോറം, നവനിർമാൺ ഫോറം, ജൻ സാമിയ ഫോറം, കന്നഡിഗർ ഡിഫൻസ് ഫോറം, കരുനാഡ സേന തുടങ്ങി നിരവധി കന്നഡ അനുകൂല സംഘടനകൾ പ്രതിഷേധവുമായി രംഗത്തുണ്ട് എന്നാണ് റിപ്പോര്‍ട്ടുകള്‍.
