ഒന്നും രണ്ടും സ്ഥാനങ്ങൾ ടാറ്റ കൊണ്ടുപോയി, വിശ്വസിക്കാനാകാതെ മാരുതി!
എസ്യുവി വിഭാഗത്തിൽ, ടാറ്റയുടെ മൈക്രോ എസ്യുവി പഞ്ച് 17,978 യൂണിറ്റുകളുടെ മൊത്തം വിൽപ്പനയോടെ ഇന്ത്യയിൽ ഏറ്റവുമധികം വിറ്റഴിക്കപ്പെടുന്ന എസ്‌യുവിയായി ഉയർന്നു. 2023 ജനുവരി മുതൽ വാർഷിക വിൽപ്പനയിൽ 50 ശതമാനം വളർച്ച രേഖപ്പെടുത്തി. രണ്ടാം സ്ഥാനം മറ്റൊരു ടാറ്റ എസ്‌യുവിയായ നെക്സോൺ സ്വന്തമാക്കി.
 )
Follow2024 ജനുവരി ഇന്ത്യൻ ഓട്ടോമൊബൈൽ വ്യവസായത്തിന് ലാഭകരമായ മാസമായിരുന്നു. ഏകദേശം 3.94 ലക്ഷം പാസഞ്ചർ വാഹനങ്ങൾ ഇക്കാലയളവിൽ വിറ്റു. കഴിഞ്ഞ വർഷം ഇതേ മാസത്തെ അപേക്ഷിച്ച് 14 ശതമാനം വർധന രേഖപ്പെടുത്തി. 2023 ഡിസംബറിനെ അപേക്ഷിച്ച് 37 ശതമാനം പ്രതിമാസ വിൽപ്പന വളർച്ചയും ഉണ്ടായി. ഇന്ത്യയിലെ മുൻനിര നാല് വാഹന നിർമാതാക്കളായ മാരുതി സുസുക്കി, ഹ്യുണ്ടായ്, ടാറ്റ, മഹീന്ദ്ര എന്നിവ മികച്ച വാർഷിക വിൽപ്പന വളർച്ച രേഖപ്പെടുത്തി.
എസ്യുവി വിഭാഗത്തിൽ, ടാറ്റയുടെ മൈക്രോ എസ്യുവി പഞ്ച് 17,978 യൂണിറ്റുകളുടെ മൊത്തം വിൽപ്പനയോടെ ഇന്ത്യയിൽ ഏറ്റവുമധികം വിറ്റഴിക്കപ്പെടുന്ന എസ്‌യുവിയായി ഉയർന്നു. 2023 ജനുവരി മുതൽ വാർഷിക വിൽപ്പനയിൽ 50 ശതമാനം വളർച്ച രേഖപ്പെടുത്തി. രണ്ടാം സ്ഥാനം മറ്റൊരു ടാറ്റ എസ്‌യുവിയായ നെക്സോൺ സ്വന്തമാക്കി. മുൻവർഷത്തെ 15,567 യൂണിറ്റുകളെ അപേക്ഷിച്ച് 17,182 യൂണിറ്റുകളുടെ വിൽപ്പനയാണ് നെക്സോൺ നേടിയത്. മാരുതി സുസുക്കിയുടെ ബ്രെസ 15,303 യൂണിറ്റ് വിൽപ്പനയുമായി മൂന്നാം സ്ഥാനത്തെത്തി. കഴിഞ്ഞ വർഷം ഇതേ മാസത്തെ 14,359 യൂണിറ്റിൽ നിന്നാണ് ഈ വളർച്ച.
മഹീന്ദ്ര സ്കോർപിയോ, മാരുതി ഫ്രോങ്‌ക്‌സ്, ഗ്രാൻഡ് വിറ്റാര എന്നിവ യഥാക്രമം 14,293 യൂണിറ്റ്, 13,643 യൂണിറ്റ്, 13,438 യൂണിറ്റ് വിൽപ്പനയുമായി ഇന്ത്യയിലെ ഏറ്റവും കൂടുതൽ വിറ്റഴിക്കപ്പെടുന്ന എസ്‌യുവികളുടെ പട്ടികയിൽ നാലും അഞ്ചും ആറും സ്ഥാനങ്ങൾ നേടി. ഹ്യുണ്ടായ് ക്രെറ്റയ്ക്ക് 12 ശതമാനം പ്രതിവർഷ വിൽപ്പന ഇടിവ് രേഖപ്പെടുത്തി. ക്രെറ്റ 2024 ജനുവരിയിൽ 13,212 യൂണിറ്റുകളുടെ വിൽപ്പന രേഖപ്പെടുത്തി. ജനുവരി പകുതിയോടെ ക്രെറ്റ ഫെയ്‌സ്‌ലിഫ്റ്റ് പുറത്തിറക്കി. ഇതുവരെ 51,000 ബുക്കിംഗുകൾ നേടി. എസ്‌യുവിയുടെ സ്‌പോർട്ടിയർ എൻ ലൈൻ പതിപ്പ് ഹ്യുണ്ടായ് ഉടൻ അവതരിപ്പിക്കും .
സബ് കോംപാക്റ്റ് എസ്‌യുവികളായ ഹ്യൂണ്ടായ് വെന്യു, കിയ സോനെറ്റ് എന്നിവ യഥാക്രമം 11,831 യൂണിറ്റുകളും 11,530 യൂണിറ്റുകളും വിറ്റഴിച്ച് എട്ടാം സ്ഥാനത്തും ഒമ്പതാം സ്ഥാനത്തും എത്തി. 9,964 യൂണിറ്റുകളുടെ മൊത്തം വിൽപ്പനയുള്ള മഹീന്ദ്ര ബൊലേറോ, ഇന്ത്യയിൽ ഏറ്റവുമധികം വിറ്റഴിക്കപ്പെടുന്ന ആദ്യ പത്ത് എസ്‌യുവികളുടെ പട്ടികയിൽ ഇടം നേടി. ഹ്യുണ്ടായ് എക്‌സ്‌റ്റർ, മഹീന്ദ്ര എക്‌സ്‌യുവി700, കിയ സെൽറ്റോസ്, മഹീന്ദ്ര ഥാർ തുടങ്ങിയ മോഡലുകളും ഈ പട്ടികയിൽ ഉണ്ട്.
