ഒത്തിരി മൈലേജിനൊപ്പം ആഡംബരവും ഡിക്കി സ്‍പേസും വാരിവിതറിയൊരു കാര്‍; ധൈര്യമായി വാങ്ങാം ഈ മാരുതിയെ!
2014-ൽ വിപണിയിലെത്തിയ സിയാസ് ഈ വിഭാഗത്തിലെ ഏറ്റവും പഴയ കാറുകളിലൊന്നാണ്. ഈ ജനപ്രിയ സെഡാന്‍റെ ചില വിശേഷങ്ങള്‍ അറിയാം
 )
Followആഡംബരത്തിനു പേരുകേട്ടതാണ് സെഡാൻ കാറുകൾ. പക്ഷേ, ഇതിനൊപ്പം മികച്ച മൈലേജ് കൂടി കിട്ടിയാൽ എന്തായിരിക്കും അവസ്ഥ? എന്തൊരു സന്തോഷമായിരിക്കും അല്ലേ? ഇതെല്ലാം ഒത്തിണങ്ങുന്ന മാരുതി സുസുക്കിയിൽ നിന്നുള്ള ഒരു മികച്ച സെഡാനാണ് സിയാസ്. 2014-ൽ വിപണിയിലെത്തിയ സിയാസ് ഈ വിഭാഗത്തിലെ ഏറ്റവും പഴയ കാറുകളിലൊന്നാണ്. ഈ ജനപ്രിയ സെഡാന്‍റെ ചില വിശേഷങ്ങള്‍ അറിയാം
എഞ്ചിൻ
1.5 ലിറ്റർ K15 സ്മാർട്ട് ഹൈബ്രിഡ് പെട്രോൾ എഞ്ചിനാണ് ഇതിന് കരുത്തേകുന്നത്. ഈ എഞ്ചിൻ 77Kw കരുത്തും 138 Nm ടോർക്കും നൽകുന്നു. അഞ്ച് സ്പീഡ് മാനുവൽ, നാല് സ്പീഡ് ഓട്ടോമാറ്റിക് ഗിയർബോക്‌സ് സൗകര്യവും ഈ കാറിലുണ്ട്. 20 kmpl ഉയർന്ന മൈലേജും ഈ കാറിനെ മറ്റ് കാറുകളിൽ നിന്ന് വ്യത്യസ്‍തനക്കുന്നു
ബൂട്ട് സ്‍പേസ്
ഈ കാറിന് മികച്ച ഇടം ലഭിക്കുകയും ബൂട്ടിൽ നിങ്ങൾക്ക് ധാരാളം ഇടം ലഭിക്കുകയും ചെയ്യുന്നു. 510 ലിറ്ററിന്റെ വലിയ ബൂട്ട് സ്പേസിനൊപ്പം കാറിലെ സീറ്റുകൾ തികച്ചും സൗകര്യപ്രദമാണ്.
നാല് ട്രിമ്മുകളിൽ ലഭ്യമാണ്
ഇതിന്റെ രൂപകല്പനയും ക്യാബിനും വളരെ മികച്ചതും പ്രീമിയം ലുക്കുള്ളതുമാണ്. സിഗ്മ, ഡെൽറ്റ, സീറ്റ, ആൽഫ എന്നീ നാല് വകഭേദങ്ങൾ വിപണിയിൽ ലഭ്യമാണ്.
കിടിലൻ ഫീച്ചറുകള്‍
ആപ്പിൾ കാർപ്ലേ, ആൻഡ്രോയിഡ് ഓട്ടോ എന്നിവയ്‌ക്കൊപ്പം 7 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റമാണ് കാറിന് ലഭിക്കുന്നത്. ഓട്ടോമാറ്റിക് എൽഇഡി ഹെഡ്‌ലൈറ്റുകൾ, ഓട്ടോമാറ്റിക് ക്ലൈമറ്റ് കൺട്രോൾ, പുഷ്-ബട്ടൺ സ്റ്റാർട്ടോടു കൂടിയ പാസീവ് കീലെസ് എൻട്രി, ക്രൂയിസ് കൺട്രോൾ എന്നിവ കാറിന് ലഭിക്കുന്നു.
മികച്ച സുരക്ഷ
20ല്‍ അധികം സുരക്ഷാ ഫീച്ചറുകൾ കൊണ്ട് സജ്ജീകരിച്ചിരിക്കുന്ന സിയാസില്‍ ഇപ്പോൾ ഇലക്ട്രോണിക് സ്റ്റെബിലിറ്റി പ്രോഗ്രാമും (ഇഎസ്പി) ഹിൽ ഹോൾഡ് അസിസ്റ്റും സ്റ്റാൻഡേർഡായി വരുന്നു. ആന്റി-ലോക്ക് ബ്രേക്കിംഗ് സിസ്റ്റം, ഡ്യുവൽ എയർബാഗുകൾ, ഇബിഡി ഉള്ള എബിഎസ്, ഐസോഫിക്സ് ചൈൽഡ് സീറ്റ് ആങ്കറേജുകൾ, പിൻ പാർക്കിംഗ് സെൻസറുകൾ, ഇലക്ട്രോണിക് സ്റ്റെബിലിറ്റി പ്രോഗ്രാം (ESP) തുടങ്ങിയ നൂതന സുരക്ഷാ സവിശേഷതകൾ കാറിന് ലഭിക്കുന്നു.
നിറങ്ങള്‍
മാരുതി സിയാസ് സെഡാൻ ഇപ്പോള്‍ ഏഴ് കളർ ഓപ്ഷനുകളും പേൾ മെറ്റാലിക് ഒപ്യുലന്റ് റെഡ്, ബ്ലാക്ക് റൂഫുള്ള പേൾ മെറ്റാലിക് ഗ്രാൻഡിയർ ഗ്രേ, ബ്ലാക്ക് റൂഫുള്ള ഡിഗ്നിറ്റി ബ്രൗൺ എന്നിങ്ങനെ മൂന്ന് പുതിയ ഡ്യുവൽ-ടോൺ കളർ ഓപ്ഷനുകളും ലഭ്യമാണ്.
വില
2023 മാരുതി സിയാസിന് 9.30 ലക്ഷം മുതല്‍ 12.30 ലക്ഷം വരെയാണ് കൊച്ചി എക്സ് ഷോറൂം വില
എതിരാളികള്‍
ഫോക്‌സ്‌വാഗൺ വിർടസ് , സ്കോഡ സ്ലാവിയ , ഹ്യുണ്ടായ് വെർണ , ഹോണ്ട സിറ്റി തുടങ്ങിയ പുതിയ കാറുകളോടാണ് ഇത് മത്സരിക്കുന്നത്.
30 കിമി മൈലേജ്, വമ്പൻ ഡിക്കി സ്‍പേസ്, വില 6.61 ലക്ഷം മാത്രം; ഒട്ടുമാലോചിക്കാതെ വാങ്ങാം ഈ ജനപ്രിയനെ!
