ഈ എസ്‌യുവിയിൽ കയറിയ നിമിഷം നിങ്ങൾ പുറംലോകത്തുനിന്നും വേർപെടുത്തപ്പെടും, ഒരു ബാഹ്യശബ‍്‍ദവും വരില്ല!
ലാൻഡ് റോവർ ഇന്ത്യൻ വിപണിയിൽ റേഞ്ച് റോവർ വെലാർ ഫെയ്‌സ്‌ലിഫ്റ്റ് ആഡംബര എസ്‌യുവി 94.30 ലക്ഷം രൂപ എക്സ്-ഷോറൂം പ്രാരംഭ വിലയിൽ പുറത്തിറക്കി. ഇതിൽ നിങ്ങൾക്ക് നോയിസ് ക്യാൻസലേഷൻ പോലുള്ള ഒരു ഫീച്ചർ ലഭിക്കുന്നു. ഇത് കാരണം കാറിൽ ഇരുന്നു കഴിഞ്ഞാൽ പുറം ലോകത്ത് നിന്ന് ഒരു ശബ്ദവും കേൾക്കില്ല. ഈ വാഹനത്തിന്‍റെ ചില വിശദാംശങ്ങൾ അറിയാം
 )
Follow2023 ജൂലൈയിൽ, ലാൻഡ് റോവർ ഇന്ത്യൻ വിപണിയിൽ റേഞ്ച് റോവർ വെലാർ ഫെയ്‌സ്‌ലിഫ്റ്റ് പ്രഖ്യാപിക്കുകയും ബുക്കിംഗ് ആരംഭിക്കുകയും ചെയ്‍തിരുന്നു. ഇപ്പോൾ ബ്രാൻഡ് ആഡംബര എസ്‌യുവി 94.30 ലക്ഷം രൂപ എക്സ്-ഷോറൂം പ്രാരംഭ വിലയിൽ പുറത്തിറക്കി. അതിന്റെ ഡെലിവറികൾ ഉടൻ ആരംഭിക്കും. പോർഷെ മാക്കാൻ, ജാഗ്വാർ എഫ്-പേസ്, മെഴ്‌സിഡസ് ബെൻസ് ജിഎല്‍ഇ, വോള്‍വോ XC90, ഔഡി Q7, ബിഎംഡബ്ല്യു X5 എന്നിവയോട് ഈ കാര്‍ മത്സരിക്കും. റേഞ്ച് റോവർ വെലാർ ഒരു ഫുൾ ലോഡഡ് വേരിയന്റിലും രണ്ട് എഞ്ചിൻ ഓപ്ഷനുകളിലും മാത്രമേ ലഭ്യമാകൂ. ഇതിൽ നിങ്ങൾക്ക് നോയിസ് ക്യാൻസലേഷൻ ഉള്‍പ്പെടെയുള്ള കിടിലൻ ഫീച്ചറുകള്‍ ലഭിക്കുന്നു. ഇത് കാരണം കാറിൽ ഇരുന്നു കഴിഞ്ഞാൽ പുറം ലോകത്ത് നിന്ന് ഒരു ശബ്ദവും കേൾക്കില്ല. ഈ വാഹനത്തിന്‍റെ ചില വിശദാംശങ്ങൾ അറിയാം
എക്സ്റ്റീരിയര്‍ എങ്ങനെ?
റേഞ്ച് റോവർ വെലാറിന്റെ പുറംഭാഗം ചെറുതായി പരിഷ്‍കരിച്ചിട്ടുണ്ട്. ഇത് ഇപ്പോൾ പുതുക്കിയ എല്‍ഇഡി ഡേടൈം റണ്ണിംഗ് ലൈറ്റുകളുള്ള (DRL) ഒരു പുതിയ പിക്സൽ എല്‍ഇഡി ഹെഡ്‌ലാമ്പുകൾ ഉപയോഗിക്കുന്നു. പിന്നിൽ റാപ്പറൗണ്ട് എൽഇഡി ടെയിൽ ലാമ്പുകൾ ഉണ്ട്. ബമ്പറും ഫ്രണ്ട് ഗ്രില്ലും ലാൻഡ് റോവർ പുനർരൂപകൽപ്പന ചെയ്തിട്ടുണ്ട്. പുതിയ അലോയ് വീലുകളും ഫ്ലേർഡ് വീൽ ആർച്ചുകളും സൈഡിൽ ലഭ്യമാണ്. മെറ്റാലിക് വാരസീൻ ബ്ലൂ, പ്രീമിയം മെറ്റാലിക് ജേഡ് ഗ്രേ എന്നീ രണ്ട് പുതിയ കളർ ഓപ്ഷനുകളും നിർമ്മാതാവ് ചേർത്തിട്ടുണ്ട്.
ഇന്റീരിയറിൽ എന്തൊക്കെ?
ഇതിന്റെ ഇന്റീരിയറിനെക്കുറിച്ച് പറയുകയാണെങ്കിൽ, ഇപ്പോൾ രണ്ട് പുതിയ ലെതർ കളർവേകളായ കാരവേയും ഡീപ് ഗാർനെറ്റും ലഭ്യമാണ്. സ്റ്റിയറിംഗ് വീലിലെ ന്യൂ മൂൺലൈറ്റ് ക്രോം, സെന്റർ കൺസോൾ സറൗണ്ട്, എയർ വെന്റുകൾ എന്നിവ നിറം ഹൈലൈറ്റ് ചെയ്യുന്നു.
എന്തൊക്കെയാണ് ഫീച്ചറുകൾ?
പുത്തൻ വെലാറിന്റെ ഫീച്ചറുകളെക്കുറിച്ച് പറയുകയാണെങ്കിൽ, ലാൻഡ് റോവറിന്റെ പിവി പ്രോ സിസ്റ്റത്തിൽ പ്രവർത്തിക്കുന്ന 11.4 ഇഞ്ച് കർവ്ഡ് ഗ്ലാസ് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റവുമായാണ് റേഞ്ച് റോവർ വെലാർ വരുന്നത്. ഇത് വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവയെ പിന്തുണയ്ക്കുന്നു. എയർ പ്യൂരിഫയർ, നോയ്സ് റദ്ദാക്കൽ, വയർലെസ് ചാർജർ എന്നിവയും ഇതിലുണ്ട്.
7.5 സെക്കൻഡിൽ 0-100 കിലോമീറ്റർ വേഗത
ഒരു പെട്രോളും ഒരു ഡീസൽ എഞ്ചിനുമാണ് വെലാറിന് കരുത്തേകുന്നത്. രണ്ട് എഞ്ചിനുകളും 2.0 ലിറ്റർ യൂണിറ്റാണ്. ഇതിന്റെ പെട്രോൾ എഞ്ചിന് 296 ബിഎച്ച്പി പവറും 365 എൻഎം പീക്ക് ടോർക്കും സൃഷ്ടിക്കാൻ കഴിയും, അതേസമയം ഡീസൽ എഞ്ചിന് 201 ബിഎച്ച്പി പവറും 420 എൻഎം ടോർക്കും സൃഷ്ടിക്കാൻ കഴിയും. രണ്ട് എഞ്ചിനുകളിലും 8-സ്പീഡ് ഓട്ടോമാറ്റിക് ട്രാൻസ്മിഷനും ടെറൈൻ റെസ്‌പോൺസ് 2 സിസ്റ്റവും സജ്ജീകരിച്ചിരിക്കുന്നു. പെട്രോളിൽ പ്രവർത്തിക്കുന്ന വെലാറിന് 7.5 സെക്കൻഡിനുള്ളിൽ 0-100 കിലോമീറ്റർ വേഗത കൈവരിക്കാൻ കഴിയുമെന്ന് ലാൻഡ് റോവർ അവകാശപ്പെടുന്നു, അതേസമയം ഡീസൽ എഞ്ചിൻ പ്രവർത്തിക്കുന്ന മോഡലിന് 8.3 സെക്കൻഡുകള്‍ മാത്രം മതി.
