ജിംനിക്കായി ഇതുവരെ കാത്തിരിക്കുന്നത് 30,000 പേര്‍, ജൂണ്‍ ഏഴിന് ലോഞ്ച്
മാരുതി സുസുക്കി ജിംനി ഇതുവരെ 30,000 ബുക്കിംഗുകൾ നേടിയതായി മാരുതി സുസുക്കി സ്ഥിരീകരിച്ചു.
 )
Followരാജ്യത്തെ വാഹനവിപണി ഏറെ പ്രതീക്ഷയോടെ കാത്തിരിക്കുന്ന മാരുതി സുസുക്കിയുടെ അഞ്ച് ഡോർ ജിംനി എസ്‌യുവി 2023 ജൂൺ 7-ന് ഇന്ത്യയിൽ വിൽപ്പനയ്‌ക്കെത്തും. ലൈഫ്റ്റ്‌സ്റ്റൈൽ, ഓഫ്-റോഡ് എസ്‌യുവി സെഗ്‌മെന്റിൽ, വരാനിരിക്കുന്ന അഞ്ച് ഡോർ മഹീന്ദ്ര ഥാറിനെ ഇത് നേരിടും. മഹീന്ദ്ര ഥാര്‍ ഓഗസ്റ്റ് മാസത്തിൽ അരങ്ങേറാൻ സാധ്യതയുണ്ട്. അഞ്ച് വാതിലുകളുള്ള മാരുതി ജിംനി ഇതുവരെ 30,000 ബുക്കിംഗുകൾ നേടിയതായി മാരുതി സുസുക്കി സ്ഥിരീകരിച്ചു. രണ്ടാഴ്ചയ്ക്കുള്ളിൽ ഇതിന്റെ വിലകൾ ഔദ്യോഗികമായി പ്രഖ്യാപിക്കും. ജിംനിക്ക് 10 ലക്ഷം മുതൽ 12 ലക്ഷം രൂപ വരെ എക്സ്-ഷോറൂം വില പ്രതീക്ഷിക്കുന്നു.
മാരുതി സുസുക്കിയുടെ പുതിയ ലൈഫ്‌സ്‌റ്റൈൽ ഓഫ്‌റോഡർ സീറ്റ, ആൽഫ എന്നീ രണ്ട് വേരിയന്റുകളിൽ മാത്രമേ ലഭ്യമാകൂ. എൻട്രി ലെവൽ സെറ്റ ട്രിമ്മിൽ സ്റ്റീൽ വീലുകൾ, ഇലക്ട്രിക്കലി ക്രമീകരിക്കാവുന്ന വിംഗ് മിററുകൾ, നാല് സ്പീക്കർ ഓഡിയോ സിസ്റ്റം, 7.0 ഇഞ്ച് ടച്ച്‌സ്‌ക്രീൻ സ്മാർട്ട്പ്ലേ പ്രോ ഇൻഫോടെയ്ൻമെന്റ് സിസ്റ്റം, വയർലെസ് ആപ്പിൾ കാർപ്ലേ, ആൻഡ്രോയിഡ് ഓട്ടോ കണക്റ്റിവിറ്റി, പവർ വിൻഡോകൾ, കളർ എംഐഡി ഡിസ്‌പ്ലേ, സീറ്റ് ബെൽറ്റ് പ്രെറ്റെൻഷനറുകൾ, റിവേഴ്‌സിംഗ് ക്യാമറ, ബ്രേക്ക് ലിമിറ്റഡ് സ്ലിപ്പ് ഡിഫറൻഷ്യൽ, ഇലക്ട്രോണിക് സ്റ്റെബിലിറ്റി പ്രോഗ്രാം, ഐസോഫിക്‌സ് ചൈൽഡ് സീറ്റ് ആങ്കറേജുകൾ, ആറ് എയർബാഗുകൾ തുടങ്ങിയ സവിശേഷതകളാല്‍ നിറഞ്ഞിരിക്കുന്നു.
വയർലെസ് സ്മാർട്ട്‌ഫോൺ കണക്റ്റിവിറ്റി, ആർക്കാമിസ് സൗണ്ട് സിസ്റ്റം, ക്ലൈമറ്റ് കൺട്രോൾ, കീലെസ് സ്റ്റാർട്ട്, ക്രൂയിസ് കൺട്രോൾ, ഫോഗ് ലാമ്പുകൾ, എൽഇഡി ഹെഡ്‌ലാമ്പുകൾ, ഹെഡ്‌ലാമ്പ് വാഷറുകൾ, ഓട്ടോ ഹെഡ്‌ലാമ്പുകൾ, അലോയ് വീലുകൾ, ബോഡി-നിറമുള്ള ഡോർ ഹാൻഡിലുകളോട് കൂടിയ 9.0 ഇഞ്ച് ടച്ച്‌സ്‌ക്രീൻ സ്മാർട്ട്പ്ലേ പ്രോ+ ഇൻഫോടെയ്ൻമെന്റ് സിസ്റ്റം തുടങ്ങിയവ വാങ്ങുന്നവർക്ക് ലഭിക്കും.
അഞ്ച് സ്പീഡ് മാനുവൽ, 4-സ്പീഡ് ടോർക്ക് കൺവെർട്ടർ ഓട്ടോമാറ്റിക് ഗിയർബോക്‌സുമായി ജോടിയാക്കിയ 1.5L, നാച്ച്വറലി ആസ്പിരേറ്റഡ് K15B പെട്രോൾ എഞ്ചിനിൽ നിന്നാണ് പുതിയ 5-ഡോർ ജിംനി എസ്‌യുവി അതിന്റെ കരുത്ത് നേടിയത്. പെട്രോൾ യൂണിറ്റ് 105 bhp കരുത്തും 134.2 Nm ടോര്‍ക്കും ഉത്പാദിപ്പിക്കുന്നു. മാനുവൽ ഗിയർബോക്സിൽ 16.94kmpl മൈലേജും ഓട്ടോമാറ്റിക് ട്രാൻസ്മിഷനിൽ 16.39kmplയുമാണ് ജിംനി നല്‍കുന്നത് എന്ന് മാരുതി സുസുക്കി അവകാശപ്പെടുന്നു. ഇത് ലാഡർ-ഫ്രെയിം ചേസിസിൽ രൂപകൽപ്പന ചെയ്‌തിരിക്കുന്നു. കൂടാതെ മാനുവൽ ട്രാൻസ്‌ഫർ കേസും ലോ-റേഞ്ച് ഗിയർബോക്‌സും (2WD-ഹൈ, 4WD-ഹൈ, 4WD-ലോ മോഡുകൾക്കൊപ്പം) ഉള്ള സുസുക്കിയുടെ ഓള്‍ഗ്രിപ്പ് 4WD സിസ്റ്റത്തിൽ സജ്ജീകരിച്ചിരിക്കുന്നു.
കറുത്ത മേൽക്കൂരയുള്ള കൈനറ്റിക് യെല്ലോ, ബ്ലൂഷ് ബ്ലാക്ക് റൂഫുള്ള സിസ്ലിംഗ് റെഡ്, ഗ്രാനൈറ്റ് ഗ്രേ, സിസ്ലിംഗ് റെഡ്, ബ്ലൂഷ് ബ്ലാക്ക്, നെക്സ ബ്ലൂ, പേൾ ആർട്ടിക് വൈറ്റ് എന്നിങ്ങനെ ഏഴ് എക്സ്റ്റീരിയർ കളർ ഓപ്ഷനുകളിലാണ് മാരുതി സുസുക്കി ജിംനിയില്‍ വാഗ്ദാനം ചെയ്യുന്നത്.
ഇവിഎക്സ്, വരുന്നൂ മാരുതിയുടെ ഇലക്ട്രിക് എസ്‌യുവി
