പൂസായപ്പോള്‍ കാര്‍ ജിമ്മായി, ഓടുന്ന ആൾട്ടോയുടെ മുകളിൽ പുഷപ്പെടുത്തു, മദ്യപന് കിട്ടിയത് എട്ടിന്‍റെ പണി!
ഞെട്ടിക്കുന്ന അത്തരമൊരു നിയമലംഘനത്തിന്റെ വീഡിയോ ആണ് വൈറലാകുന്നത്. ഓടിക്കൊണ്ടിരിക്കുന്ന കാറിനു മുകളില്‍ മദ്യപിച്ച് പുഷ് അപ്പ് ചെയ്യുന്ന ഒരാളുടെ വീഡിയോ ആണിത്.
 )
Followഅമ്പരപ്പിക്കുന്ന നിയമലംഘന കാഴ്‍ചകളാല്‍ കുപ്രസിദ്ധമാണ് പലപ്പോഴും ഇന്ത്യൻ റോഡുകള്‍. ഇപ്പോഴിതാ ഞെട്ടിക്കുന്ന അത്തരമൊരു നിയമലംഘനത്തിന്റെ വീഡിയോ ആണ് വൈറലാകുന്നത്. ഓടിക്കൊണ്ടിരിക്കുന്ന കാറിനു മുകളില്‍ മദ്യപിച്ച് പുഷ് അപ്പ് ചെയ്യുന്ന ഒരാളുടെ വീഡിയോ ആണിത്.
ഗുരുഗ്രാമിലെ തിരക്കേറിയ റോഡിലാണ് സംഭവം. ഓടിക്കൊണ്ടിരിക്കുന്ന മാരുതി അള്‍ട്ടോ ഹാച്ച്ബാക്കിന് മുകളിൽ ഒരാൾ പുഷ്-അപ്പ് ചെയ്യുന്നതിന്റെ വീഡിയോ ഓൺലൈനിൽ പ്രചരിക്കുന്നത്. ഞെട്ടിക്കുന്ന ഈ വീഡിയോയിൽ, മാരുതി ആൾട്ടോയുടെ മേൽക്കൂരയിൽ ഒരാൾ പുഷ്അപ്പ് ചെയ്യുന്നത് കാണാം . ഇന്ത്യൻ റോഡുകൾ ലോകത്തിലെ ഏറ്റവും അപകടകരമായ ഒന്നായി കണക്കാക്കപ്പെടുന്നു. ഇത്തരം വിഡ്ഢി സ്റ്റണ്ടുകളാണ് അതിന് പ്രധാന കാരണം. ആളുകൾ ഭ്രാന്തൻമാരെപ്പോലെ ട്രാഫിക് നിയമങ്ങൾ ലംഘിക്കുകയും അവരുടെ വിനോദ ആവശ്യങ്ങൾക്കായി മണ്ടത്തരങ്ങൾ ചെയ്യുകയും ചെയ്യുന്നു. എന്നിരുന്നാലും, ഇവയുടെ അനന്തരഫലങ്ങൾ എളുപ്പത്തിൽ മാരകമായേക്കാം.
പ്രതീക് സിംഗ് എന്നയാളാണ് വീഡിയോ യൂട്യൂബിൽ അപ്ലോഡ് ചെയ്തിരിക്കുന്നത്. മദ്യപിച്ചെത്തിയ ഏതാനും യാത്രക്കാര്‍ മാരുതി ആൾട്ടോയിൽ ഹൈവേയിലൂടെ സഞ്ചരിക്കുന്നതാണ് ദൃശ്യങ്ങൾ. അവരിൽ ഒരാൾ ഹാച്ച്ബാക്കിന്റെ മേൽക്കൂരയിൽ കയറാൻ തീരുമാനിക്കുന്നു. ഒരു കാൻ ബിയർ പോലെയുള്ളതിൽ നിന്ന് അയാൾ സിപ്പ് എടുക്കുന്നതും കാണാം. മറ്റുള്ളവർ കാറിന്റെ ചില്ലിൽ തൂങ്ങിക്കിടക്കുന്നു. വെള്ള മാരുതി സുസുക്കി ആൾട്ടോയുടെ മുകളിൽ കയറി അയാൾ മദ്യപിക്കുകയും നൃത്തം ചെയ്യുകയും ചെയ്യുന്നതും കാണാമായിരുന്നു. കാറിന്റെ ജനാലയ്ക്ക് പുറത്ത് പാതി ശരീരവുമായി കാറിനുള്ളിൽ നിൽക്കുകയായിരുന്ന മറ്റ് മൂന്ന് പേർ അദ്ദേഹത്തോടൊപ്പം ഉണ്ടായിരുന്നു. അഞ്ചാമത്തെ ആളാണ് കാർ ഓടിച്ചിരുന്നത്.
ഈ കാറിനെ പിന്തുടര്‍ന്ന ആരോ ആണ് സംഭവം മുഴുവൻ റെക്കോർഡ് ചെയ്ത് വാഹനത്തിന്റെ നമ്പർ സഹിതം ട്വിറ്ററിൽ പോസ്റ്റ് ചെയ്തു. പോസ്റ്റ് വൈറലായതോടെ ഗുരുഗ്രാം ട്രാഫിക് പോലീസിലും വിവരം എത്തി. ആൾട്ടോയുടെ രജിസ്‌ട്രേഷൻ നമ്പർ വ്യക്തമായതിനാൽ ഇവരെ പിടികൂടാൻ പോലീസ് സമയം പാഴാക്കിയില്ല. സിറ്റി പോലീസ് കാറിന്റെ ഉടമയിൽ നിന്ന് 6,500 രൂപ പിഴ ചുമത്തി. കാർ പോലീസ് പിടിച്ചെടുത്തതായും റിപ്പോർട്ടുണ്ട്. സംഭവത്തിന്റെ രണ്ട് വീഡിയോകൾ ഇന്റർനെറ്റിൽ പ്രചരിക്കുന്നുണ്ട്. അതിലൊന്നിൽ, പുഷ്-അപ്പ് ചെയ്യുന്നയാൾ ബിയർ കുപ്പിയിൽ നിന്ന് കുടിക്കുന്നത് കാണാം. മറ്റൊരു വീഡിയോയിൽ, സംഭവം റെക്കോർഡ് ചെയ്യുന്ന ആൾ ആൾട്ടോയിലെ ആളുകളെ പിന്തിരിപ്പിക്കുന്നത് പശ്ചാത്തലത്തിൽ കേൾക്കാം. വീഡിയോകൾ ട്വിറ്റർ ഉപയോക്താക്കളിൽ നിന്ന് വൻ പ്രതിഷേധമാണ് ഉണ്ടാക്കിയത്.
ഇത്തരം വിഡ്ഢിത്തങ്ങള്‍ അരുത്
അമിത വേഗത്തിലോ അശ്രദ്ധമായ ഡ്രൈവിങ്ങിലൂടെയും ട്രാഫിക് നിയമങ്ങൾ അവഗണിച്ചതിനാലും ഓരോ വർഷവും റോഡപകടങ്ങളിൽ നമുക്ക് ആയിരക്കണക്കിന് ജീവനുകൾ നഷ്ടപ്പെടുന്നു. റോഡുകളിലെ കാറുകളുടെ ചലനം ഏറ്റവും സുരക്ഷിതമായ രീതിയിൽ സംരക്ഷിക്കുന്നതിനാണ് ട്രാഫിക് നിയമങ്ങൾ രൂപകൽപ്പന ചെയ്തിരിക്കുന്നതെന്ന് നാം ഓരോരുത്തരും മനസിലാക്കുക. റോഡുകളിൽ ഇത്തരം വിഡ്ഢിത്തവും അപകടകരവുമായ സ്റ്റണ്ടുകൾ നടത്തുകയാണെങ്കിൽ, നിങ്ങളുടെ സ്വന്തം ആരോഗ്യവും സുരക്ഷയും മാത്രമല്ല, മറ്റുള്ളവരുടെ ആരോഗ്യവും സുരക്ഷയും കൂടിയാണ് നിങ്ങള്‍ അപകടത്തിലാക്കുന്നത്. ഇത്തരം കൊള്ളരുതായ്മകൾ നിങ്ങൾ എപ്പോഴെങ്കിലും കണ്ടാൽ അധികാരികളെ വിവരം അറിയിക്കുന്നത് ഉറപ്പാക്കുക. കൂടാതെ, ഉത്തരവാദിത്തമുള്ള ഡ്രൈവിംഗ് പ്രോത്സാഹിപ്പിക്കുക.
